Author Archives: Diyon

පළාත් සභා මැතිවරණය ලබාගන්න පොහොට්ටුව සියලූ ක‍්‍රියාමාර්ග ගන්නවා- ජී. එල්. පීරිස්
පළාත් සභා මැතිවරණය ලබාගැනීම සඳහා ශී‍්‍ර ලංකා පොදු ජන පෙරමුණ මගින් පාර්ලිමේන්තුව තුළත් ඉන් පිටතත් දේශපාලන හා නීතිමය වශයෙන් ගත හැකි සියලූ කි‍්‍රයාමාර්ග ගන්නා බව එහි සභාපති මහාචාර්ය ජී. එල්. පීරිස් මහතා පැවැසීය.

මේ වනවිට පළාත් සභා තුනක් අකර්මණ්‍ය වී වසර එකහමාරකට ආසන්න කාලයක් ගත වී ඇති අතර ලබන අපේ‍්‍රල් මාසය වෙද්දී පළාත් සභා නවයෙන් අටක ම කාලය අහෝසි වන බව හෙතෙම වැඩිදුරටත් සඳහන් කළේය.

මෙලෙස ආණ්ඩුව දිගින් දිගටම පළාත් සභා මැතිවරණය කල්දැමීමට එරෙහිව උතුරු මැද පළාත් සභාවේ හා සබරගමුව පළාත් සභාවේ හිටපු මහ ඇමැතිවරුන් වන එස්. එම්. රංජිත් හා මහීපාල හේරත් යන මහත්වරුන් ශ්‍රේෂ්ඨාධිකරණය හමුවට යෑමට තීරණය කර ඇති බවත්, ඒ සඳහා මේ සතියේ තම නීතිඥවරුන් සමග නඩුව ගොනු කිරීමට අවශ්‍ය කටයුතු කරන බවත් මහාචාර්ය ජී.එල්. පීරිස් මහතා වැඩිදුරටත් පැවැසීය.

දෙමළ සංවිධානයේ උතුරේ ගිලිහී ගොස් තිබෙන ඡුන්ද පදනම සකස් කරගන්නා තෙක් පළාත් සභා මැතිවරණය පැවැත්වීමට එකඟ නොවන බව පැවැසූ මහාචාර්ය ජී. එල්. පීරිස් මහතා ආණ්ඩුව දෙමළ සන්ධානයට යට නොවී පැරණි ක‍්‍රමයට පළාත් සභා මැතිවරණය පැවැත්වීමට අවශ්‍ය සංශෝධන පාර්ලිමේන්තුවට ඉදිරිපත් කිරීමට කටයුතු කළ යුතු බවත් කීය.

අනුර බාලසූරිය

මැතිවරණවලට ඉදිරිපත් වෙන ෂලකුණ සම්බන්ධයෙන් ඉදිරියේදි සුදුසු තීරණයක් ගන්නවා.
– බැසිල් රාජපක්ෂ
පළාත් පාලන ආයතන පිහිටුවා වසරක් පිරෙන එළැඹෙන පෙබරවාරි 10 වැනිදා, ”ඉදිරි මැතිවරණ ස`දහා තර`ග කරන්නේ පොහොට්ටුව ළකුණින් ”යැයි නිල වශයෙන් ප‍්‍රකාශ කරනු ඇතැයි බලාපොරොත්තු වන බව සමස්ත ලංකා පළාත්පාලන නියෝජිත සංසදයේ මන්තී‍්‍රවරු අද (18* ශී‍්‍ර ලංකා පොදුජන පෙරමුනේ නිර්මාතෘ බැසිල් රාජපක්ෂ මහතාට සංදේශයක් භාරදෙමින් ස`දහන් කළේය.
ඉදිරියේ පැවැත්වෙන මැතිවරණ ස`දහා ඉදිරිපත් වෙන සන්ධානය කුමක්වුවත්, මැතිවරණ සලකුණ ලෙස පොහොට්ටුව යොදාගත යුතු බවද එම සංසදයේ සභාපති උදේනි අතුකෝරල මහතා එහිදී ඉල්ලා කලේය.
මෙම යෝජනාව සමස්ත ලංකා පළාත් පාලන ආයතන සංසදයේ විධායක සභාව සම්මත කර ඇතැයිද හෙතෙම බැසිල් රාජපක්ෂ මහතාට සන්දේශය භාරදෙමින් ස`දහන් කලේය.
සන්දේශය භාරගැනීමෙන් අනතුරුව අදහස් දැක්වූ ශී‍්‍ර ලංකා පොදුජන පෙරමුනේ නිර්මාතෘ බැසිල් රාජපක්ෂ මහතා මෙසේ පැවසීය.
මේ වෙද්දි ශී‍්‍ර ලංකා පොදුජන පෙරමුණට සම්බන්ධ විවිධ සංවිධාන ම`ගින් මේ යෝජනාව ඉදිරිපත් කර තිබෙනවා. ඒ වගේම දිස්ති‍්‍රක්ක සංවිධාන මගින් පවා මේ යෝජනාව ඉදිරිපත් කරලා තියෙනවා. මේ සියලූ යෝජනා අපේ පරමාදර්ශි නායක මහින්ද රාජපක්ෂ මහතා සහ අපිත් එක්ක තර`ග කරන සහෝදර පක්ෂ සම`ග සාකච්ඡුා කරලා සුදුසු තින්දුවක් ගනියි. පළාත් පාලන ආයතන ජයගත් ඔබගෙන් මේ ඉල්ලිම ඉදිරිපත්වීම ගැන සතුටුයි. අපේ නායකතුමාට හො`ද තින්දුවක් ගන්න සලස්වමු.
මගේ පෞද්ගලික තීරණයත් ඒකයි. අපි අභ්‍යන්තර ප‍්‍රජාතන්ත‍්‍රවාදයට ගරු කරන පක්ෂයක විදියට අපේ සහෝදර පක්ෂ අමතක කරන්නත් බැහැ. ගියවරත් පළාත්පාලන ආයතන මැතිවරණයට අපේ සහෝදර පක්ෂ එක්කයි ඉදිරිපත්වුනේ. ඒ පක්ෂවලට සභාපතිකම් නගරාධිපතිකම් පවා දුන්නා. ඒ අයත් පොහොට්ටුවේ අගය ගැන දන්නවා. ඉදිරියේදී මේ සම්බන්ධයෙන් සාධාරණ හොද තීන්දුවක් ගන්නවා.

පොහොට්ටුව ක‍්‍රියාත්මකයි.. විශේෂ මැතිවරණ මෙහෙයුම් මධ්‍යස්ථානයක් අරඹයි..
ශ‍්‍රී ලංකා පොදුජන පෙරමුණ විසින් සාධාරණ මැතිවරණයක් සදහා වූ ජාතික මෙහෙයුම් මධ්‍යස්ථානය නමින් විශේෂ ඒකකයක් පසුගිය දා විවෘත කෙරිණ. බැසිල් රාජපක්ෂ මහතාගේ සංකල්පයකට අනුව ස්ථාපිත කර ඇති මෙම මෙහෙයුම් මධ්‍යස්ථානය 43-1/1, බෝධිරාජ මාවත, ජයන්තිපුර, බත්තරමුල්ල යන ලිපිනයෙහි පිහිටා ඇත.

දේශපාලන පක්ෂයක් විසින් මැතිවරණ මෙහෙයුම් මධ්‍යස්ථානයක් ස්ථාපිත කිරීම සාමාන්‍යයෙන් සිදු වන්නේ නිශ්චිත මැතිවරණ කාලසීමාවකට අදාළව පමණි. නමුත් මේ මොහොතේ රට හමුවේ පවතින විශේෂ දේශපාලනික තත්වයන් කිහිපයක් සැලකිල්ලට ගනිමින් ශ‍්‍රී ලංකා පොදුජන පෙරමුණ සාධාරණ මැතිවරණයක් සදහා වූ ජාතික මෙහෙයුම් මධ්‍යස්ථානය පිහිටුවීමට කටයුතු කර ඇත.

මැතිවරණ කල්දැමීමට එරෙහිව ක‍්‍රියාකරමින් ජනතාවගේ ඡුන්ද අයිතිය වෙනුවෙන් සක‍්‍රීය ලෙස මැදිහත් වීමද මෙම මෙහෙයුම් මධ්‍යස්ථානයේ කාර්යභාරයකි. ඒ අනුව කල්දමා ඇති පළාත් සභා මැතිවරණය දිනා ගැනීම සදහා වඩාත් විධිමත් වැඩපිළිවෙලක් ක‍්‍රියාත්මක කිරීමටද නියමිතයි. ඊට සමගාමීව කල්දමා ඇති මැතිවරණ කඩිනමින් පැවැත්වීම සදහා මැතිවරණ කොමිෂන් සභාව විසින් ගන්නා සියලූ ක‍්‍රියාමාර්ග හමුවේ සහාය සංවිධානයක් ලෙස කටයුතු කිරීමටද සාධාරණ මැතිවරණයක් සදහා වූ ජාතික මෙහෙයුම් මධ්‍යස්ථානය අපේක්ෂා කරයි.

එමෙන්ම වර්තමාන රජය යටතේ සිදු කරන බරපතල දේශපාලන පලිගැනීම් කෙරෙහි සුවිශේෂී අවධානයක් යොමු කරමින් වින්දිතයන් සදහා යුක්තිය ඉටු කිරීමට මැදිහත් වීමද මෙම ජාතික මෙහෙයුම් මධ්‍යස්ථානයේ තවත් වැදගත් කාර්යභාරයකි. රාජ්‍ය ආයතන තුළ සේවකයන් සේවයෙන් පහකිරීමේ සිට අසාධාරණ ලෙස ස්ථාන මාරුවීම් ලබාදීම දක්වා දරුණු දේශපාලන පලිගැනීම් මේ වන විට විශාල වශයෙන් සිදු වෙමින් පැවතීම මීට හේතුවයි.

2019 වසර මැතිවරණ වර්ෂයක් වන බැවින් වත්මන් ආණ්ඩුව සමාජ ව්‍යූහය තුළ ප‍්‍රතිවාදීන් මර්ධනය කරමින් තම පාර්ශවයට වාසිසහගත වන ආකාරයෙන් විවිධ අකටයුතුකම්වල නිරතව සිටී. මෙම තත්වයන් නිදහස් සහ සාධාරණ මැතිවරණ සදහා සෘජු ලෙස අභියෝගයක් වන බැවින් එවැනි සිදුවීම් අඛණ්ඩව නිරීක්ෂණය කරමින් ඒ සදහා ගත යුතු නෛතික ක‍්‍රියාමාර්ග වෙත අවතීර්ණ වීමටද ශ‍්‍රී ලංකා පොදුජන පෙරමුණේ සාධාරණ මැතිවරණයක් ස`දහා වූ ජාතික මෙහෙයුම් මධ්‍යස්ථානය සූදානමින් සිටී.

සර්වජන ඡුන්දබල අයිතිය සහ රාජ්‍යයේ ප‍්‍රජාතන්ත‍්‍රවාදය සුරක්ෂිත කරමින් ඉතා දියුණු මැතිවරණ ප‍්‍රජාතන්ත‍්‍රවාදයක් රට තුළ ස්ථාපිත කිරීම සාධාරණ මැතිවරණයක් සදහා වූ ජාතික මෙහෙයුම් මධ්‍යස්ථානයේ අවසන් අපේක්ෂිවයි.

සංජීව එදිරිමාන්න
ප‍්‍රකාශක
ශ‍්‍රී ලංකා පොදුජන පෙරමුණ