Tuesday, der 10. November 2020in මාධ්‍ය සාකච්ඡා 0 Likes

කොළඹ මැනිං වෙළඳපොළ අලුත් ස්ථානයකට

කොළඹ මැනිං වෙළඳපොළ වසා දැමීමට සිදුවීමත් සමඟ දැඩි දුෂ්කරතාවයකට මුහුණ පා සිටින එළවළු ගොවීන්ට තම  නිෂ්පාදන අලෙවි කර ගැනීම සඳහා පෑලියගොඩ ප්‍රදේශයේ නව ස්ථානයක් වෙන් කර දීම සම්බන්ධයෙන් රජයේ අවධානය යොමු කෙරේ.
රාජ්‍ය ඉංජිනේරු සංස්ථාවට අයත් භූමියක් මේ සඳහා වෙන් කර ගැනීමට අපේක්ෂා කෙරෙන අතර සෞඛ්‍යාරක්ෂිත ක්‍රමවේදයන් අකුරටම පිළිපදිමින් ඉතා කඩිනමින් මැනිං වෙළෙඳපොළ ගනුදෙනු ආරම්භ කරන්නැයි අද (2020.11.10) අරලිය ගහ මන්දිරයේ පැවති පැවැති සාකච්ඡාවකදී ආර්ථික පුනර්ජීවනය හා දරිද්‍රතාවය තුරන් කිරීම සඳහා වන ජනාධිපති කාර්ය සාධක බලකායේ ප්‍රධානි බැසිල් රාජපක්ෂ මහතා මේ බව සඳහන් කළේය.
පවතින කොවිඩ් වසංගතය හමුවේ ආසාදිතයින් වාර්තා වීම නිසා ඊයේ සිට නැවතත් මැනිං වෙළඳපොළ වසාදමා ඇති අතර, ඒ හේතුවෙන් එළවළු අලෙවිකරගැනීම සඳහා මැනිං වෙළෙඳ පොළට දිනකට පැමිණෙන එළවළු ලොරි 150ත් 200ත් අතර ප්‍රමාණයක් වෙනත් ආර්ථික මධ්‍යස්ථාන වෙත යොමු කිරීමට සිදුවී තිබේ.
කෘෂි නිෂ්පාදන සඳහා ගොවීන්ට හොඳ මිලක් ලබාදීමටත්, ඒ තුළින් එළවළු හිඟයක් නොවන ආකාරයට පාරිභෝගිකයාට අවශ්‍ය එළවළු ප්‍රමාණය සැපයීමටත් අපේක්ෂා කෙරෙන අතර පී.සී.ආර් පරීක්‍ෂණ සිදු කිරීමෙන් පසුව පූර්ණ සෞඛ්‍යාරක්ෂාව තහවුරු කරමින් නව වෙළඳපොළ කටයුතු ආරම්භ කිරීමට නියමිතව තිබේ.
මෙම සාකච්ඡාව සඳහා අමාත්‍යවරුන් වන බන්දුල ගුණවර්ධන, මහින්දානන්ද අලුත්ගමගේ, එස් එම් චන්ද්‍රසේන, සී බී රත්නායක මහත්වරුන් ඇතුළු රජයේ නිලධාරින් පිරිසක් සහභාගි වූහ.

Monday, der 9. November 2020in මාධ්‍ය සාකච්ඡා 0 Likes

මහ කන්නයේ පොහොර ගොවීන්ට ලබාදීම

මහ කන්නයේ වී ගොවිතැන සඳහා අවශ්‍ය පොහොර නියමිත කාලයට ගොවීන්ට ලබාදීමට කටයුතු කරන්නැයි ආර්ථික පුනර්ජීවන හා දරිද්‍රතාවය තුරන් කිරීම සඳහා වන ජනාධිපති කාර්ය සාධක බලකායේ ස‍භාපති බැසිල් රාජපක්ෂ මහතා පවසයි.
(2020.11.04) දින අරලියගහ මන්දිරයේ පැවති ආර්ථික පුනර්ජීවන හා දරිද්‍රතාවය තුරන් කිරීම සඳහා වන ජනාධිපති කාර්ය සාධක බලකාය විසින් පොහොර ආනයනය හා බෙදාහැරීම කාර්යක්ෂම කිරීම සම්බන්ධයෙන් පැවැති සාකච්ඡාවකට එක්වෙමින් ගොවීන් වෙත නිසි කාලයේදි ජලය සහ පොහොර සැපයීම මගින් කෙටිකලක් තුළ නිෂ්පාදන ධාරිතාවය වැඩිකරගත හැකි බව බැසිල් රාජපක්ෂ මහතා වැඩිදුරටත් පෙන්වා දුන්නේය.
මෙම වසරේ පොහොර අවශ්‍යතාව මෙට්‍රික් ටොන් 708,910ක් වන අතර, මහ කන්නය සඳහා අවශ්‍ය මෙට්‍රික් ටොන් 214,000 න් මේ වන විට ඉන් මෙට්‍රික් ටොන් 51,797ක් ගොවීන් අතර බෙදාදීමට කටයුතු කළ බවත් ඉතිරි ප්‍රමාණය ක්‍රමානුකූලව බෙදාහැරීම සඳහා තොග ලැබෙමින් පවතින බවත් ජාතික පොහොර ලේකම් කාර්යාලය මෙම සාකච්ඡාවේදී අනාවරණය කළේය.
අනෙකුත් වගාවන් සඳහා පොහොර නිකුත් කිරීම 10%ක් රජයේ සමාගම් මඟින් සහ 90%ක් පෞද්ගලික සමාගම් වලින් ආනයනය කර නිකුත් කරනු ලබයි.
මෙහිදී පොහොර ආනයනයේදී ඇතිවන ගැටලු සම්බන්ධයෙන් පෞද්ගලික ආයතන බැසිල් රාජපක්ෂ මහතා සමඟ දීර්ඝව සාකච්ඡා කළ අතර, ලබන වසරේ යල කන්නය සඳහා අවශ්‍ය පොහොර ආනයනය කිරීම සඳහා අනුමැතිය කඩිනමින් ලබාදිය යුතු බැවින්, ආනයනය කිරීමට වෙන් කරන ප්‍රමාණය දෙසැම්බර් මාසය වන විට ලබාදිය යුතු බව පෙන්වා දුන්නේය.
මෙහිදී ආර්ථික පුනර්ජීවන හා දරිද්‍රතාවය තුරන් කිරීම සඳහාවන ජනාධිපති කාර්ය සාධක බලකායේ ස‍භාපති බැසිල් රාජපක්ෂ මහතා සඳහන් කළේ ගොවීන්ට අවශ්‍ය පොහොර ඕනෑම අවස්ථාවක දී මිලට ගැනීමට හැකි පරිසරයක් සකස් කරන බවත් පොහොරවල ගුණාත්මකභාවය නියාමනය සහ අපද්‍රව්‍යවලින් තොර ඉහළ තත්ත්වයේ පොහොර ආනයනය සඳහා රජයේ විශේෂ අවධානය යොමුව ඇති බව ද මෙහිදී අවධාරණය කළේය.
ලබන වර්ෂයට අවශ්‍ය සමස්ථ පොහොර ප්‍රමාණය වන මෙට්‍රික් ටොන් 708,910න් යල කන්නය සඳහා මෙට්‍රික් ටොන් 285,504ක් වෙන් කරන අතර මහා කන්නය සඳහා මෙට්‍රික් ටොන් 423,406ක් වෙන් කරනු ලබයි.

Tuesday, der 3. November 2020in නෙළුම් මාවත 0 Likes

සියවසක් හා සමවූ සිවු වසක්..

මේ සුවිසල් අහස් ගැබ යට
දහසකුත් දෑ ලියවිලා ඇත
සියවසක වැඩ කෙරූ සිව්වස
බලය රට කරවන්න අද ඇත
සැඩ ගංඟාවක් තරණය කරමින් එගොඩ වීම එතරම් පහසු නොවෙයි. සියල්ලන්ටම එගොඩ වීමටනම් ශක්තිමත් පහුරක් සෑදිය යුතුමයි. සියලු වගකීම්, අවදානම්, වෙහෙස දැරිය යුතුමයි. එදා ඔවුන් සෑදූ ශක්තිමත් පහුර කිසිවෙකුටත් බිඳිය නොහැකි විය. සැඩ පහර අතරින් ඉතා ප්‍රවේසම්සහගතව පහුර එක් ගමනාන්තයකට ළඟා කරවීමට නියමුවාණන් සමත් විය. ඔහු අන් කවරෙකුත් නොව බැසිල් රාජපක්ෂයන් ය. සියවසක දෑ සිව්වසකට ලඝු කල ඒ මහා විප්ලවයේ ආරම්භය ඉතා සුලු පිරිසකගේ විශ්වාසය, කැපවීම සහ අධිෂ්ඨානය මත බිහි වූවකි. බාධක මධ්‍යයේ ඉතාමත් ප්‍රවේසම්සහගතව බිහි කලා වූ ශ්‍රී ලංකා පොදුජන පෙරමුණ අදවන විට ආසියාවේ ලාබාලතම සහ බලසම්පන්නම පක්ෂය වී හමාරය. මෙතරම් සුලු කාලයකින් පැවැත් වූ මැතිවරණ සියල්ලක්ම ජය ගනිමින් ජනාධිපවතිවරයෙකු, අග්‍රාමාත්‍යවරයෙකු සහ තුනෙන් දෙකක බලයකින් යුතු පාර්ලිමේන්තුවක් බිහි කරන්නට සමත් ආසියාවේ එකම පක්ෂය ශ්‍රී ලංකා පොදුජන පෙරමුණයි. මේ ආ ගමන් මඟ අතිශය දුෂ්කරය. ශ්‍රී ලංකා පොදුජන පෙරමුණ ලාංකේය ඉතිහාසයේ රන් අකුරින් ලියවනු නොඅනුමානය.
2015 ජනවාරි 08 ජනාධිපතිවරණ පරාජයෙන් පසු ශ්‍රී ලංකා නිදහස් පක්ෂයේ සභාපති ධුරය සිරිසේන ජනාධිපතිවරයා නතු කරගත්තේ රාජපක්ෂ වාදී දේශපාලනය යහපාලන තිබිරිගෙය තුලම මාරා දැමීමේ උවමනාව නිසාය.ශ්‍රී ලංකා නිදහස් පක්ෂයේ සිරිසේන වාදීන් රනිල් වික්‍රමසිංහ වන්දනා කරමින් සිරිසේන සමග එක්ව ආණ්ඩුව ගෙන යෑමට අදහස් කරද්දී ශ්‍රී ලංකා නිදහස් පක්ෂයේ මහින්ද වාදී කදවුර සමග එක් වූ ජනතාවට දේශපාලනය කිරීමට පක්ෂයක් නොමැතිව අසරණ විය.සිරිසේනගේ වැල් බයිලා දේශපාලනයට නතු වීමට ජනතාව අකමැති වූ අතර එයට විකල්පයක් නව දේශපාලන බලවේගයක අවශ්‍යතාව මහපොළවට දැනෙන්නට වුයේ සිරිසේන රනිල් පාලනයට එරෙහි බහුතර ජනතාවක් මහින්ද රාජපක්ෂ නම් වූ අසාහය ජන නායකත්වය සමග සිටි බැවිනි. මහින්ද රාජපක්ෂ මැතිතුමන් පෙරමුණේ තබා ගනිමින් මාතෘ භූමියට පෙම් බදින මිනිසුන් වෙනුවෙන් පක්ෂයක් නිර්මාණය කිරීමේ භාරදුර කාර්ය කරට ගත් බැසිල් රෝහණ රාජපක්ෂයන් සිවිකොණ විසිරි සිටි ජනතාව එකම අරමුණක් වෙනුවෙන් එකතු කිරීම ආරම්භ කළහ.
ජනහිතවාදී දේශමාමක පක්ෂයක අවශ්‍යතාව සම්පුර්න කිරීම උදෙසා 2016 නොවැම්බර් දෙවැනි දින බැසිල් රාජපක්ෂ මැතිතුමන් විසින් මහින්ද රාජපක්ෂ ජන නායකත්වයේ ආශිර්වාදයෙන් ආරම්භ කල ශ්‍රී ලංකා පොදුජන පෙරමුණ තම පළමු උපන් දිනයට පෙර ලංකා ඉතිහාසයේ දැවැන්තම මැයි දින පෙළපාලිය ගෝල්ෆේස් පිටියේදී පවත්වනු ලැබිය. 2018 පෙබරවාරි 10 පැවති පළාත් පාලන මැතිවරණයේදී පළමු මැතිවරණය සදහා ඉදිරිපත් වූ ශ්‍රී ලංකා පොදුජන පෙරමුණ දැවැන්ත ජයග්‍රහණයක් ලබා ගනිමින් ලංකා ඉතිහාසයේ දේශපාලනය වෙනස් කළහ. එයින් නොනැවතී යහපාලන ආණ්ඩුවට එරෙහිව ජනතාව දැනුවත් කිරීමේ දැවැන්ත වැඩපිළිවෙලක් බැසිල් රාජපක්ෂ මැතිතුමන් විසින් ආරම්භ කල අතර “ගම සමග පිලිසඳරක්” “ජන බලය කොළඹට” වැඩ සටහන් හරහා ජන මනස රටට හිතකර ලෙස වෙනස් කිරීමට ශ්‍රී ලංකා පොදුජන පෙරමුණ සමත් වූ නිසා වසර පහක් ඉක්මවා යාමට මත්තෙන් රනිල් සිරිසේන ආණ්ඩුව පරාජය කොට රටේ ජනාධිපතිවරයා බිහිකරන පක්ෂය බවට ශ්‍රී ලංකා පොදුජන පෙරමුණ පත්කළේය.ඉන් නොනැවතී 2/3 බලයක් සහිත ආණ්ඩුවක් බිහිකරමින් ජනතාවගේ ජන නායකත්වය මහින්ද රාජපක්ෂ මැතිතුමන් අග්‍රාමත්‍ය වරයා බවට පත් කොට රටේ ජනතාව ඉල්ලු වෙනස නිර්මාණය කරමින් යහපාලන ආණ්ඩුව විසින් ගෙන ආ අදුර දර්ශි 19 වන ව්‍යවස්ථා සංශෝධනය අහෝසි කරමින් 20 වැනි සංශෝධනය බලාත්මක කරමින් විධායක ජනාධිපති වරයෙක් නැවත බිහි කිරීමට සමත් විය.
රටේ අනාගතය වෙනුවෙන් දේශපාලනය කරන පක්ෂයක් ලෙස ජනතාවගේ අවශ්‍ය තාවන් වෙනුවෙන් පෙනී සිටින දේශපාලන පක්ෂයක් ලෙස පොදුජන තරුණ පෙරමුණ පොදුජන කාන්තා පෙරමුණ සේම පංච මහා බල වේගයට එහා ගිය බලයක් ජවයක් සහිතව පක්ෂයේ සිවුවැනි ජන්ම දිනය සමරනු ලබයි.
එදා ශ්‍රී ලංකා පොදුජන පෙරමුණ පිහිට වුවහොත් පාරක් පාරක් ගණනේ ඇවිද්දන බව කියමින් පුරසාරම් දෙඩු දේශපාලකයින් හා පොහොට්ටුවට එහි ප්‍රගමනයට එරෙහිව ක්‍රියා කල බොහෝ දෙනෙක් ශ්‍රී ලංකා පොදුජන පෙරමුණ ආණ්ඩුවේ සිටීමම ශ්‍රී ලංකා පොදුජන පෙරමුණ ලැබූ දැවැන්ත ජයග්‍රහණයකි. එදා ගල් පෙරලමින් පක්ෂයට හිතවාදීන් රාජපක්ෂ හිතවාදීන් සිර ගත කරමින් දේශපාලන පලිගැනීම් කරමින් රැකියා අහිමි කරමින් කටයුතු කල පිරිස් වත්මන් ආණ්ඩුවේ විවිධ තනතුර දරමින් පක්ෂය පිලිබදව ප්‍රසස්ති ගී ගායන කිරීමද ජයග්‍රහණයකි. ඔවුන් විසින්ම නිර්මාණය කළ කටුක දුෂ්කර මාර්ගයක ගමන් කරමින් සිව් වසරක් පුරා පක්ෂය වෙනුවෙන් තම ජිවිතයම කැපකළ බැසිල් රෝහණ රාජපක්ෂයන්ගේ නායකත්වයෙන් තවත් චිරාත් කල් වැජබේවා.

සියවසක් හා සමවූ සිවු වසක් තුල රටේ සිවුකොණ විහිදී ජනතාවට නායකත්වය දෙන ශ්‍රී ලංකා පොදුජන පෙරමුණ අපේ පක්ෂයට ජය වේවා..

https://www.facebook.com/basilrajapaksamediaunit/videos/713830535899970

Wednesday, der 28. October 2020in මාධ්‍ය සාකච්ඡා 0 Likes

නිරෝධායනයට යොමුකර අයට ආහාර ලබාදීමේ ක්‍රමවේදයක්.

උද්ගතව ඇති නව කොවිඩ් 19 තත්ත්වය හමුවේ අත්‍යාවශ්‍ය සේවා කාර්යක්ෂමව, විධිමත්ව සහ අඛණ්ඩව පවත්වාගෙන යාමට පියවර…
• තම නිවස තුළම නිරෝධායනයට යොමු කර ඇති පවුල්වලට සති දෙකකට ප්‍රමාණවත් ආහාර ලබාදීමේ විශේෂ ක්‍රමවේදයක්…
කොවිඩ් 19 වෛරසය නැවත හිස ඔසවා ඇති මෙම අවස්ථාවේදී පසුගිය අවස්ථාවේ මෙන්ම අත්‍යාවශ්‍ය සේවා කාර්යක්ෂමව, විධිමත්ව සහ අඛණ්ඩව පවත්වාගෙන යා යුතු බව ආර්ථික පුනර්ජීවන හා දරිද්‍රතාවය තුරන් කිරීම සඳහා වන ජනාධිපති කාර්යසාධක බලකායේ සභාපති බැසිල් රාජපක්ෂ මහතා අද (2020.10.27) අරලියගහ මන්දිරයේදී පැවති සාකච්ඡාවට එක්වෙමින් සඳහන් කළේය.
බැරෑරුම් තත්ත්වයකදී වුවද විදුලිය, ජලය, ඉන්ධන, ගෑස්, ප්‍රවාහනය, සෞඛ්‍ය, මහාමාර්ග ඇතුළු ජනතාවට අත්‍යාවශ්‍ය සේවාවන් අඛණ්ඩව ලබාදීම සඳහා නිසි ක්‍රමවේදයක් සකස් කරන ලෙස බැසිල් රාජපක්ෂ මහතා මෙහිදී අත්‍යාවශ්‍ය සේවාවන්ට අදාළ රාජ්‍ය ආයතනවල නිලධාරින්ට උපදෙස් ලබාදුන්නේය.
ලෝකයේ ආර්ථිකය අතින් බලවත් රටවල්වලට පවා කොවිඩ් 19 වෛරසයට මුහුණදීමට නොහැකි තත්ත්වයක් උදාවී තිබියදී මෙම වෛරසය පාලනය කර ජනතාවගේ ආරක්ෂාව තහවුරු කිරීමටත්, ජනතාවගේ අත්‍යාවශ්‍ය සේවා කඩිනමින් ලබාදීමටත් රජයක් හැටියට පියවර ගෙන ඇති බවද ඔහු පැවසීය.
සමාජ මාධ්‍ය මඟින් සිදුකෙරෙන අසත්‍ය ප්‍රචාර සම්බන්ධයෙන්ද මෙහිදී සඳහන් කළ බැසිල් රාජපක්ෂ මහතා කියා සිටියේ ඇතැම් බලවත් රටවල ලක්ෂ ගණනින් ආසාදිතයින් හමුවන, දහස් ගණනින් මිය යන අවස්ථාවක මෙරට සෞඛ්‍ය අංශ, ආරක්ෂක හා පරිපාලන අංශ කොවිඩ් 19 වෛරසය පාලනය සඳහා සිදුකරන කාර්යභාරය රටක් වශයෙන් අගය කළ යුතු බවයි.
වෛරසය නිසා සිදුවිය හැකි ජීවිත විනාශය වළක්වන අතර අවදානමට ලක්විය හැකි වැඩිහිටි ජනතාව රැකගැනීම සඳහා සියළු පියවර ගන්නා ලෙසත් උපදෙස් දෙන ලදී. එබැවින් මහජන ආධාර, විශ්‍රාම වැටුප් ඔවුන්ගේ නිවෙස්වලටම ගෙනගොස් ලබාදීමට අවශ්‍ය පියවර ගන්නා ලෙස දිසාපතිවරුන්ට හා තැපැල්පතිට මෙම සාකච්ඡාවේ දී උපදෙස් ලබාදුන්නේය.
නිවෙස්වලම නිරෝධායනයට යොමුකරන පවුල් සඳහා සති දෙකකට සරිලන බඩුමල්ලක් ලබාදීම සම්බන්ධයෙන් මෙහිදී දීර්ඝ වශයෙන් සාකච්ඡා කෙරුණු අතර දිසාපතිවරුන්, මහජන සෞඛ්‍ය පරීක්ෂකවරුන්, ග්‍රාම නිලධාරීන් සහ ආරක්ෂක අංශවල සහයෝගය ලබා ගනිමින් එම කටයුත්ත ක්‍රමානුකූලව සිදු කරන ලෙස බැසිල් රාජපක්ෂ මහතා උපදෙස් ලබා දුන්නේය.
මෙම සාකච්ඡාව සඳහා විදුලිබල, ජල, ගෑස්, ප්‍රවාහන ඇතුළු අත්‍යාවශ්‍ය සේවාවන්ට අදාළ රාජ්‍ය ආයතනවල නිලධාරින් සහභාගී වූ අතර ජනතාව වෙත කාර්යක්ෂම සේවාවක් ලබාදීම සඳහා තම ආයතන සූදානම් බවත් සෞඛ්‍ය ආරක්ෂිතව සහ නිරෝධායන නීතී අනුව තම ආයතනවල සේවකයින් සේවය සඳහා ගෙන්වන බවත් ඔවුහු පෙන්වා දුන්හ.
ණය වාරික සඳහා සහන කාලයක් ලබාදීම සම්බන්ධයෙන්ද මෙම සාකච්ඡාවේ දී අවධානය යොමු වූ අතර සතියක් පුරා සම්පූර්ණයෙන්ම වසාදැමුණු ප්‍රදේශ සඳහා රුපියල් 5000ක මුදල ලබාදීමට තීරණය කර ඇති බවද සඳහන් කෙරුණි.
කොළඹ නගරයේ කසළ කළමනාකරණය පෙර පරිදිම සෞඛ්‍ය ආරක්ෂිතව පවත්වාගෙන යන බව මෙම අවසථාවට සහභාගී වූ කොළඹ මහ නගර සභාවේ නාගරික කොමසාරිස්වරිය පැවසුවාය.
කොළඹ නගරය තුළ කොවිඩ් ශීඝ්‍රයෙන් ව්‍යාප්ත වන බැවින් එම තත්ත්වය පාලනය කිරීමට කොළඹට පැමිණෙන පිරිස පාලනය කිරීම සිදුකළ යුතු බවත් රාජ්‍ය පරිපාලන අමාත්‍යංශයට ඒ සම්බන්ධව යෝජනාවක් ඉදිරිපත් කර, ප්‍රාදේශීය මට්ටමෙන් රජයේ කාර්යාල පවත්වාගෙන යාමේ ක්‍රමවේදයක් සකස් කළ යුතු බව මෙහි දී සාකච්ඡාවට ගැනුණි.
තවද පුද්ගල දුරස්ථභාවය පවත්වා ගනිමින් සෞඛ්‍ය අංශවල උපදෙස් පරිදි මගී ප්‍රවාහනය සිදු කරන බව මාර්ගස්ථ මගී ප්‍රවාහන අධිකාරිය සහ දුම්රිය දෙපාර්තමේන්තුව විසින් පෙන්වා දුන් අතර ජනතාව කොළඹ නගරයට පැමිණීම පෙරට සාපේක්ෂව විශාල වශයෙන් අඩු වී ඇති බවත් උසස් පෙළ විභාගය පැවැත්වෙන බැවින් සිසුන්ගේ පහසුව සඳහා ගමන් වාර සීමිත කිරීම අවම වශයෙන් සිදු කර ඇති බවද ඔවුන් සඳහන් කළේය.
එමෙන්ම විභාග දෙපාර්තමේන්තුව සහ විවිධ ආයතන මඟින් පවත්වන විභාග මෙම අවස්ථාව සැලකිල්ලට ගෙන කල් දමන ලෙස බැසිල් රාජපක්ෂ මහතා අදාළ නිලධාරින්ට උපදෙස් දුන්නේය.
මෙම අවස්ථාවට සෞඛ්‍ය අමාත්‍ය පවිත්‍රා දේවී වන්නිආරච්චි මහත්මිය, මුදල් හා ප්‍රාග්ධන වෙළෙඳපොළ සහ රාජ්‍ය ව්‍යවසාය ප්‍රතිසංස්කරණ අමාත්‍ය අජිත් නිවාඩ් කබ්රාල් මහතා ඇතුළු අත්‍යාවශ්‍ය සේවාවන්ට අදාළ රාජ්‍ය ආයතනවල නිලධාරින් සහභාගී වූහ.
ආර්ථික පුනර්ජීවන හා දරිද්‍රතාවය තුරන් කිරීම සඳහා වන ජනාධිපති කාර්ය සාධක බලකාය.

122444908_2871388236518958_9083586066758246386_n
122497361_2871388259852289_8126273669647915004_n
122601063_2871388289852286_5660408878230745992_n-1
122601063_2871388289852286_5660408878230745992_n
122805907_2871388129852302_3958618974245702260_n
122851253_2871388176518964_6118421640442176459_n
123001223_2871388203185628_529475395956852835_n
123051779_2871388153185633_1580922039505413111_n

Sunday, der 27. September 2020in මාධ්‍ය සාකච්ඡා 0 Likes

අත්‍යාවශ්‍ය සේවා කාර්යක්ෂමව පවත්වාගෙන යා යුතුයි

• උද්ගතව ඇති නව කොවිඩ් 19 තත්ත්වය හමුවේ අත්‍යාවශ්‍ය සේවා කාර්යක්ෂමව, විධිමත්ව සහ අඛණ්ඩව පවත්වාගෙන යාමට පියවර…
• තම නිවස තුළම නිරෝධායනයට යොමු කර ඇති පවුල්වලට සති දෙකකට ප්‍රමාණවත් ආහාර ලබාදීමේ විශේෂ ක්‍රමවේදයක්…
කොවිඩ් 19 වෛරසය නැවත හිස ඔසවා ඇති මෙම අවස්ථාවේදී පසුගිය අවස්ථාවේ මෙන්ම අත්‍යාවශ්‍ය සේවා කාර්යක්ෂමව, විධිමත්ව සහ අඛණ්ඩව පවත්වාගෙන යා යුතු බව ආර්ථික පුනර්ජීවන හා දරිද්‍රතාවය තුරන් කිරීම සඳහා වන ජනාධිපති කාර්යසාධක බලකායේ සභාපති බැසිල් රාජපක්ෂ මහතා අද (2020.10.27) අරලියගහ මන්දිරයේදී පැවති සාකච්ඡාවට එක්වෙමින් සඳහන් කළේය.
බැරෑරුම් තත්ත්වයකදී වුවද විදුලිය, ජලය, ඉන්ධන, ගෑස්, ප්‍රවාහනය, සෞඛ්‍ය, මහාමාර්ග ඇතුළු ජනතාවට අත්‍යාවශ්‍ය සේවාවන් අඛණ්ඩව ලබාදීම සඳහා නිසි ක්‍රමවේදයක් සකස් කරන ලෙස බැසිල් රාජපක්ෂ මහතා මෙහිදී අත්‍යාවශ්‍ය සේවාවන්ට අදාළ රාජ්‍ය ආයතනවල නිලධාරින්ට උපදෙස් ලබාදුන්නේය.
ලෝකයේ ආර්ථිකය අතින් බලවත් රටවල්වලට පවා කොවිඩ් 19 වෛරසයට මුහුණදීමට නොහැකි තත්ත්වයක් උදාවී තිබියදී මෙම වෛරසය පාලනය කර ජනතාවගේ ආරක්ෂාව තහවුරු කිරීමටත්, ජනතාවගේ අත්‍යාවශ්‍ය සේවා කඩිනමින් ලබාදීමටත් රජයක් හැටියට පියවර ගෙන ඇති බවද ඔහු පැවසීය.
සමාජ මාධ්‍ය මඟින් සිදුකෙරෙන අසත්‍ය ප්‍රචාර සම්බන්ධයෙන්ද මෙහිදී සඳහන් කළ බැසිල් රාජපක්ෂ මහතා කියා සිටියේ ඇතැම් බලවත් රටවල ලක්ෂ ගණනින් ආසාදිතයින් හමුවන, දහස් ගණනින් මිය යන අවස්ථාවක මෙරට සෞඛ්‍ය අංශ, ආරක්ෂක හා පරිපාලන අංශ කොවිඩ් 19 වෛරසය පාලනය සඳහා සිදුකරන කාර්යභාරය රටක් වශයෙන් අගය කළ යුතු බවයි.
වෛරසය නිසා සිදුවිය හැකි ජීවිත විනාශය වළක්වන අතර අවදානමට ලක්විය හැකි වැඩිහිටි ජනතාව රැකගැනීම සඳහා සියළු පියවර ගන්නා ලෙසත් උපදෙස් දෙන ලදී. එබැවින් මහජන ආධාර, විශ්‍රාම වැටුප් ඔවුන්ගේ නිවෙස්වලටම ගෙනගොස් ලබාදීමට අවශ්‍ය පියවර ගන්නා ලෙස දිසාපතිවරුන්ට හා තැපැල්පතිට මෙම සාකච්ඡාවේ දී උපදෙස් ලබාදුන්නේය.
නිවෙස්වලම නිරෝධායනයට යොමුකරන පවුල් සඳහා සති දෙකකට සරිලන බඩුමල්ලක් ලබාදීම සම්බන්ධයෙන් මෙහිදී දීර්ඝ වශයෙන් සාකච්ඡා කෙරුණු අතර දිසාපතිවරුන්, මහජන සෞඛ්‍ය පරීක්ෂකවරුන්, ග්‍රාම නිලධාරීන් සහ ආරක්ෂක අංශවල සහයෝගය ලබා ගනිමින් එම කටයුත්ත ක්‍රමානුකූලව සිදු කරන ලෙස බැසිල් රාජපක්ෂ මහතා උපදෙස් ලබා දුන්නේය.
මෙම සාකච්ඡාව සඳහා විදුලිබල, ජල, ගෑස්, ප්‍රවාහන ඇතුළු අත්‍යාවශ්‍ය සේවාවන්ට අදාළ රාජ්‍ය ආයතනවල නිලධාරින් සහභාගී වූ අතර ජනතාව වෙත කාර්යක්ෂම සේවාවක් ලබාදීම සඳහා තම ආයතන සූදානම් බවත් සෞඛ්‍ය ආරක්ෂිතව සහ නිරෝධායන නීතී අනුව තම ආයතනවල සේවකයින් සේවය සඳහා ගෙන්වන බවත් ඔවුහු පෙන්වා දුන්හ.
ණය වාරික සඳහා සහන කාලයක් ලබාදීම සම්බන්ධයෙන්ද මෙම සාකච්ඡාවේ දී අවධානය යොමු වූ අතර සතියක් පුරා සම්පූර්ණයෙන්ම වසාදැමුණු ප්‍රදේශ සඳහා රුපියල් 5000ක මුදල ලබාදීමට තීරණය කර ඇති බවද සඳහන් කෙරුණි.
කොළඹ නගරයේ කසළ කළමනාකරණය පෙර පරිදිම සෞඛ්‍ය ආරක්ෂිතව පවත්වාගෙන යන බව මෙම අවසථාවට සහභාගී වූ කොළඹ මහ නගර සභාවේ නාගරික කොමසාරිස්වරිය පැවසුවාය.
කොළඹ නගරය තුළ කොවිඩ් ශීඝ්‍රයෙන් ව්‍යාප්ත වන බැවින් එම තත්ත්වය පාලනය කිරීමට කොළඹට පැමිණෙන පිරිස පාලනය කිරීම සිදුකළ යුතු බවත් රාජ්‍ය පරිපාලන අමාත්‍යංශයට ඒ සම්බන්ධව යෝජනාවක් ඉදිරිපත් කර, ප්‍රාදේශීය මට්ටමෙන් රජයේ කාර්යාල පවත්වාගෙන යාමේ ක්‍රමවේදයක් සකස් කළ යුතු බව මෙහි දී සාකච්ඡාවට ගැනුණි.
තවද පුද්ගල දුරස්ථභාවය පවත්වා ගනිමින් සෞඛ්‍ය අංශවල උපදෙස් පරිදි මගී ප්‍රවාහනය සිදු කරන බව මාර්ගස්ථ මගී ප්‍රවාහන අධිකාරිය සහ දුම්රිය දෙපාර්තමේන්තුව විසින් පෙන්වා දුන් අතර ජනතාව කොළඹ නගරයට පැමිණීම පෙරට සාපේක්ෂව විශාල වශයෙන් අඩු වී ඇති බවත් උසස් පෙළ විභාගය පැවැත්වෙන බැවින් සිසුන්ගේ පහසුව සඳහා ගමන් වාර සීමිත කිරීම අවම වශයෙන් සිදු කර ඇති බවද ඔවුන් සඳහන් කළේය.
එමෙන්ම විභාග දෙපාර්තමේන්තුව සහ විවිධ ආයතන මඟින් පවත්වන විභාග මෙම අවස්ථාව සැලකිල්ලට ගෙන කල් දමන ලෙස බැසිල් රාජපක්ෂ මහතා අදාළ නිලධාරින්ට උපදෙස් දුන්නේය.
මෙම අවස්ථාවට සෞඛ්‍ය අමාත්‍ය පවිත්‍රා දේවී වන්නිආරච්චි මහත්මිය, මුදල් හා ප්‍රාග්ධන වෙළෙඳපොළ සහ රාජ්‍ය ව්‍යවසාය ප්‍රතිසංස්කරණ අමාත්‍ය අජිත් නිවාඩ් කබ්රාල් මහතා ඇතුළු අත්‍යාවශ්‍ය සේවාවන්ට අදාළ රාජ්‍ය ආයතනවල නිලධාරින් සහභාගී වූහ.
ආර්ථික පුනර්ජීවන හා දරිද්‍රතාවය තුරන් කිරීම සඳහා වන ජනාධිපති කාර්ය සාධක බලකාය.

122444908_2871388236518958_9083586066758246386_n
122497361_2871388259852289_8126273669647915004_n
122601063_2871388289852286_5660408878230745992_n-1
122601063_2871388289852286_5660408878230745992_n
122805907_2871388129852302_3958618974245702260_n
122851253_2871388176518964_6118421640442176459_n
123001223_2871388203185628_529475395956852835_n
123051779_2871388153185633_1580922039505413111_n

Friday, der 4. September 2020in මාධ්‍ය සාකච්ඡා 0 Likes

“සැමට ජලය” සෞභාග්‍යයේ දැක්ම

2025 අවසන්වීමට පෙර පැය 24 පුරාම සියලු නිවාසවලට පිරිසිදු පානීය ජලය දීමේ වැඩසටහනේ ඉදිරි සැලසුම් ග්‍රාමීය හා ප්‍රාදේශීය ජල සම්පාදන ව්‍යාපෘති සංවර්ධන රාජ්‍ය අමාත්‍යාංශයේ ඉදිරි සැලසුම් පිළිබඳව (03/09/2020) පස්වරුවේ ජනාධිපති කාර්යාලයේ පැවති සාකච්ඡාවේ දී අතිගරු ජානාධිපතිතුමන්ගේ විමසුමට ලක් විය.
ගංගා, ඇළ දොළ සහ ජල පෝෂක ප්‍රදේශ පිරිසිදු කොට සංරක්ෂණයට විශේෂ අවධානය යොමු කරමින් වැඩසටහන කඩිනම් කිරීම අවශ්‍යයය.
“සැමට ජලය” සෞභාග්‍යයේ දැක්ම ප්‍රතිපත්ති ප්‍රකාශයෙන් ජනතාවට ඉදිරිපත් කෙරුණු ප්‍රමුඛ ප්‍රතිඥාවකි.
ඉදිරි සිව් වසර තුළ පවුල් ලක්ෂ 47කට ජලය සැපයීමට රජය අපේක්ෂා කරයි. දේශීය සහ විදේශීය අරමුදලින් ව්‍යාපෘතිය ක්‍රියාත්මක කෙරෙන අතර ඒ සඳහා ජල නළ කි.මි 40,000ක් අලුතින් එළීමට සිදු වේ.මේ දක්වා ජල සම්පාදනයට ගිය පිරිවැයෙන් හරි අඩකින් ව්‍යාපෘතිය අවසන් කිරීමට අපේක්ෂා කෙරේ. ජලය ජනනය සහ සංරක්ෂණය ජල මූලාශ්‍ර හඳුනාගැනීම වැඩසටහනෙහි පියවර කිහිපයකි. ජල පෝෂක මූලාශ්‍ර සංරක්ෂණය උදෙසා වන රෝපණයට ද සැලසුම් කර තිබේ.
කොළඹ දිස්ත්‍රික්කයේ පමණක් සමස්ත ජල සැපයූමෙන් 45% ක් ජලය කාන්දුවීම හේතුවෙන් අපතේ යමින් තිබිණ. ගත වූ මාස කිහිපය තුළ අලුතින් ජල නළ එළීමෙන් එය 15% දක්වා අඩුකර ගැනීමට හැකිව තිබේ. ජලය ආරක්ෂා කිරිමේ පියවරක් ලෙස ජලය කාන්දුවන ස්ථාන හඳුනාගෙන අලුතින් ජල නළ එළීම දැන් සිදුවන බව නිලධාරීහු සඳහන් කළහ.
ප්‍රජා ජල ව්‍යාපෘති යටතේ බෙදාහැරෙන ජලය ඉහළ ප්‍රමිතියකින් පිරිපහදු කර නිවාස වෙත සැපයීමට ද සැලසුම් කර තිබේ.
ප්‍රජා ජල ව්‍යාපෘති සේවක ගැටළු විසඳීම කෙරෙහි නිලධාරීන්ගේ අවධානය යොමු කරන ලෙස ජානාධිපතිතුමන් උපදෙස් දෙන ලදි.
ජල නළ එළිමේදී මාර්ගවලට වන හානිය සහ එමගින් ජාතික ධනය විනාශවීම වැළැක්වීමට මාර්ග සංවර්ධන අධිකාරිය සහ ජල සම්පාදන මණ්ඩලය ඒකාබද්ධව සංවර්ධන සැලසුම් ක්‍රියාත්මක කිරීමට ද එකඟතාව පළ කෙරිණි. රටේ පානීය ජල අවශ්‍යතාව සපුරලීමට යන සමස්ත වියදමෙන් 30%ක් පමණ එමගින් ඉතිරි කර ගත හැකි බව අනාවරණය විය.
වර්ෂා ජලය ගබඩා කිරීම සහ දිවයිනේ වැව් සහ ජලාශවල ධාරිතාව නැංවිම, අලුතින් වැව් සහ ජලාශ පද්ධතියක් ඉදිකිරීම කෙරෙහි ද දීර්ඝ වශයෙන් සාකච්ඡා කෙරිණ. ජල ඌණතාවක් ඇති ප්‍රදේශවලට ජලය ගෙනයාමට නව ඇළ මාර්ග සහ නළ මාර්ග සහිත ව්‍යාපෘති හඳුන්වාදීම ද නව සැලසුමට අන්තර්ගත වේ.
අමාත්‍ය වාසුදේව නානායක්කාර, රාජ්‍ය අමාත්‍ය සනත් නිශාන්ත, ආර්ථික පුනර්ජීවනය පිළිබඳ ජනාධිපති කාර්ය සාධක බලකායේ ප්‍රධානී බැසිල් රාජපක්ෂ, ජනාධිපති ලේකම් පී.බී. ජයසුන්දර යන මහත්වරු, කැබිනට් හා රාජ්‍ය අමාත්‍යාංශ ලේකම්වරු, රේඛීය ආයතනවල නිලධාරීහු සහ ප්‍රජා ජල ව්‍යාපෘති නියෝජිතයෝ සාකච්ඡාවට එක්ව සිටියහ.

Thursday, der 26. March 2020in මාධ්‍ය සාකච්ඡා 0 Likes

නිවසටම අත්‍යාවශ්‍ය ආහාර ද්‍රව්‍ය බෙදාහැරීම

ජනතාව ඒකරාශීවීම වළකමින් නිවසටම අත්‍යාවශ්‍ය ආහාර ද්‍රව්‍ය
බෙදාහැරීමේ විශේෂ වැඩසටහන ඇරඹේ …
 ගොවීයා සහ දේශීය ආර්ථිකය ශක්තිමත් වන අයුරින් වැඩසටහන ක්‍රියාවට …
 සහල් සහ එළවළු දිවයින පුරා බෙදාහැරීමේ විධිමත් යාන්ත්‍රණයක් …
 මාළු, බිත්තර සහ කුකුල් මස් හිඟයකින් තොරව …
 ආහාර ද්‍රව්‍ය බෙදාහැරීම සමූපකාර හා සුපිරි වෙළඳසැල් ඒකාබද්ධව …
 රෝගීන්ට ඖෂධ බෙදාහැරීමේ විශේෂ වැඩපිළිවෙළක් …
 සෑම ප්‍රාදේශීකයකටම පැය 24 ම විවෘත ඉන්ධන හලක් ..
 වාණිජ බැංකු අත්‍යාවශ්‍ය සේවා ගණයට …
රට තුළ කොරෝනා වෛරසය (COVID- 19) පැතිර යාම වැළැක්වීමට ජනතාව වෙත අත්‍යාවශ්‍ය ආහාර ද්‍රව්‍ය බෙදාහැරීමේ යාන්ත්‍රණයක් ස්ථාපනය කෙරේ. සමූපකාර සහ සුපිරි වෙළෙඳසැල් ඒකාබද්ධව ප්‍රාදේශීය යාන්ත්‍රණය මගින් වැඩපිළිවෙළ ක්‍රියාත්මක කරන බව කොරෝනා වෛරසය ශ්‍රී ලංකාවෙන් තුරන් කිරීමේ දී ජන ජීවිතය යථා තත්ත්වයෙන් පවත්වාගෙන යාම සඳහා අවශ්‍ය වන්නා වූ සේවාවන් අඛණ්ඩව සැපයීම, මෙහෙයවීම සම්බන්ධීකරණය සහ පසුවිපරම පිණිස වූ ජනාධිපති කාර්ය සාධක බලකායේ ප්‍රධානී බැසිල් රාජපක්ෂ මහතා පවසයි.
සමස්ථ ක්‍රියාදාමය කොරෝනා මර්දනයට සෞඛ්‍ය ක්ෂේත්‍රය ගෙනයන වැඩපිළිවෙළට යටත්ව විය යුතුය. ජන ජීවිතය බිඳ නොවැටෙන ආකාරයෙන් අත්‍යාවශ්‍ය සේවාවන් පවත්වාගෙන යාම ද අවශ්‍යතාවකි. ගොවියා සහ දේශීය ආර්ථිකය සුරැකෙන පරිදි රට තුළ නිෂ්පාදනය කෙරෙන ආහාර ද්‍රව්‍ය ජනතාව වෙත බෙදා හැරීමට සැලසුම් කෙරේ.
අද (25) පස්වරුවේ ජනාධිපති කාර්යාලයේ දී සියලු දිස්ත්‍රික් ලේකම්වරුන්, බැංකු ප්‍රධානීන්, අත්‍යාවශ්‍ය ආහාර ද්‍රව්‍ය සම්පාදනයට සම්බන්ධ රාජ්‍ය හා පෞද්ගලික ආයතන ප්‍රධානීන් සහ නිලධාරීන් සමග පැවති විශේෂ සාකච්ඡාවේ දී තීරණ රැසකට එළැඹෙමින් බැසිල් රාජපක්ෂ මහතා මේ බව සඳහන් කළේය.
සහල්, පොල්, එළවළු, බිත්තර, කුකුළු මස් හිඟයකින් තොරව සැපයීමේ හැකියාව පවතී. මේවා ගොවීන්ගෙන් සහ නිෂ්පාදකයන්ගෙන් නිසි පරිදි මිලදී ගෙන සමූපකාර සහ සුපිරිද වෙළෙඳසැල් ඒකාබද්ධව අත්‍යාවශ්‍ය ආහාර මල්ලක් සකස් කර ප්‍රාදේශීය යාන්ත්‍රණය මගින් විධිමත්ව බෙදාහැරිය හැකි බව බැසිල් රාජපක්ෂ මහතා පෙන්වා දුන්නේය. ඒවා ඒ ඒ ජන කොටස් අපේක්ෂා කරන පරිදි විවිධ මිල ගණන් යටතේ සකස් කර ලබා දිය හැකිය. ක්‍රියාදාමය මෙහෙයවීමට ආපදා කළමනාකරණ මධ්‍යස්ථානයේ ද සහය ලබා ගැනේ.
රජයේ රෝහල්වල ලියාපදිංචිව අඛණ්ඩව ඖෂධ මිලදීගන්නා රෝගීන්ට අදාළ බෙහෙත් වට්ටේරුවලට අනුව නිවසටම ඖෂධ බෙදාහැරීමට තීරණය කෙරිණ. ප්‍රාදේශීය ලේකම්, මහජන සෞඛ්‍ය පරීක්ෂක සහ ආරක්ෂක අංශ ද මීට දායක කර ගැනේ.

පෞද්ගලික ෆාමසිවලින් ඖෂධ මිලට ගන්නා රෝගීන්ට ප්‍රාදේශීයව තෝරාගත් ෆාමසි කිහිපයක් නම් කර නිවසටම බෙදාහැරීමේ ක්‍රමවේදයක් අනුගමනය කිරීමට ද සාකච්ඡා කෙරිණ.
වෙළෙඳ සහ අත්‍යාවශ්‍ය කටයුතුවලට දායක වන අයුරින් වාණිජ බැංකු විවෘතව තැබීමට පියවර ගන්නා ලෙස ද, ඒවායේ ප්‍රධානීන්ට දැනුම් දෙනු ලැබීය.
දුරකථන ඇණවුම් මගින් නිවෙස් වෙතම ගෑස් බෙදාහැරීමේ වැඩපිළිවෙළක් කඩිනමින් ක්‍රියාවට නංවන ලෙස ද බැසිල් රාජපක්ෂ මහතා එම ආයතනවලින් ඉල්ලා සිටියේය.
සමස්ත ව්‍යාපෘතියේ අරමුණ ජනතාව ඒකරාශිවීම වළක්වා කොරෝනා වෛරසය මර්දනයට සෞඛ්‍ය අංශ ගෙන යන වැඩපිළිවෙළ සාර්ථක කර ගැනීමයි.
බෙදාහැරීමේ කාර්යයට ප්‍රාදේශීය ලේකම්, ග්‍රාමසේවා නිලධාරීන්, කෘෂි පර්යේෂණ නිලධාරී, සමෘද්ධි සංවර්ධන නිලධාරීන් සහභාගී කර ගැනේ. මේ වන විට රටවල් රැසක් පූර්ණ වශයෙන් ආනයන, අපනයන ක්‍රියාවලිය නවතා ඇත. උද්ගත තත්ත්වය කෙරෙහි වැඩි අවදානයක් යොමු කර ස්ථාවර නිෂ්පාදන ආර්ථිකයක් රට තුළ ගොඩනැඟීම පිළිබඳව දීර්ඝ වශයෙන් සාකච්ඡා විය.
වගා සහ ධීවර කටයුතු බාධාවකින් තොරව පවත්වාගන යාමට අවශ්‍ය පහසුකම් සැලසීමට තීරණය කෙරිණ.
එළවළු මෙන්ම වී, බඩ ඉරිඟු, උඳු, මුං, කවුපී, කුරක්කන් වගා සඳහා ගොවීන් දිරිමත් කරන ලෙස ද උපදෙස් දෙනු ලැබිණ.
චමල් රාජපක්ෂ, බන්දුල ගුණවර්ධන, ඩග්ලස් දේවානන්ද යන අමාත්‍යවරු, ජනාධිපති ලේකම් ආචාර්ය පී.බී. ජයසුන්දර, මුදල් ලේකම් එස්. ආටිගල යන මහත්වරු මේ සාකච්ඡාවට එක්ව සිටියහ.

Tuesday, der 30. July 2019in පොදුජන පෙරමුණ 0 Likes

අපිට ජනාධිපතිවරණයට එන්න බැරි වෙන්න ව්‍යවස්තාව වෙනස් කරලා..- මහින්ද

ජනාධිපතිවරයා හා අගමැතිවරයා අතර ගැටුම අද උග්‍රවෙලා එහි ප්‍රථිපල තමයි මේ රටේ ජනතාව අගාධයට ඇදගෙන යාම. 19 වැනි සං‍ශෝධනයෙනුයි ඒක වුනේ. දැන් හැමදෙනාම කියනවා 19 අසාර්ථකයි කියලා. අපි ඒක මුලදීම කිව්වා මේක ගෙනාවේ මහින්ද රජපක්ෂට නැවත ඉල්ලන්න බැරිවෙන්න. බැසිල්ටයි, ගෝඨාභයටයි ඉල්ලන්න බැරිවෙන්න ද්විත්ව පුරවැසිකම අතුලත් කළා. නාමල්ට ඉල්ලන්න බැරිවෙන්න වයස වැඩිකලා. පවුලක් අයින් කරන්න රටක ව්‍යවස්ථාව වෙනස්කරපු අවස්ථාවක් මේක යැයි විපක්ෂ නායක මහින්ද රාජපක්ෂ මහතා පවසයි.

මහින්ද රාජපක්ෂ මහතා ඒ බව පැවසුවේ මුල්කිරිගල, තංගල්ල හා බෙලිඅත්ත ආසනවල ශ්‍රී ලංකා පොදුජන පෙරමුණේ තරුණ හා කාන්තා බලමණ්ඩල පිහිටුවීමේ අවස්ථාවලට එක්වෙමිනි.

වැඩිදුරටත් අදහස් දැක්වූ මහින්ද රාජපක්ෂ මහතා

‘රාජපක්ෂවරුන් දේශපාලනයෙන් ඈත් කරන බව පෙන්වා ජනාධිපතිවරයාගේත් බලය අයින් කරලා. ජනාධිපතිවරයාට ඕනෑම අවස්ථාවක පාර්ලිමේන්තුව විසුරුවන්න බැහැ. මැතිවරණ තියන්න බැහැ. ජනාධිපතිවරයා නිකම්ම නිකන් මිනිසෙක් බවට පත්කරලා. රනිල් වික්‍රමසිංහ ආණ්ඩුව මේක කළේ. ඒකට ජනාධිපතිවරයා රැවටුනා. ඒක තුළින් ආණ්ඩුවටත් අද ප්‍රශ්ණයක් ඔවුන්ට අවශ්‍යදේ කරන්න බැහැ. ආණ්ඩුවේ අන්තිම කාලේ මේ දැන් දඩි බිඩි ගාලා ව්‍යවස්ථාව වෙනස්කරන්න හදනවා. සම්බන්දන්ලාත් ව්‍යවස්ථාව අල්ලාගෙන සිටියා. උතුරේ ජනතාවට කිසිම දෙයක් කළේ නැහැ. මම ඒ ප්‍රදේශවල හදපුවා විතරයි ඒ පළාත්වල තියෙන්නේ. මේකයි රටේ තත්ත්වය.

මේ ආණ්ඩුව දැන් නීති වෙනස්කරන්න හදනවා. විදේශ අමාත්‍යාංශයේ වැඩ බලන ලේකම්, නීතිපතිවරයාට හා විනිසුරුවරුන්ට ලිපි වලින් දන්වනවා පිටරට නියෝජිතයන් හමුවිය යුතුයි කියලා. මේකද, ස්වාධීන ලංකාව, ස්වාධීන අධිකරණය අපිට මෙම ලිපිවල පිටපතක් ලැබුණා. අපි කථානායකවරයාට පාර්ලිමේන්තුවේදී දැන්වුවා මේකට ඉඩතියන්න එපා කියලා. ඔහු ඒ වෙලාවෙම ඒක නැවැත්තුවා මේ රටේ නිදහස කියන්නේ මේකටද?

අද මිනිසුන්ට සැකයක් ඇවිත් තියෙනවා නිදහස් අධිකරණයක් ද තියෙන්නේ කියලා. සිල්රෙදි බෙදුවා කියා ලලිත් වීරතුංග මහතා හිරේගියා. විනිසුරුතුමන් පිළිගත්තා මෙයින් ලලිත් වීරතුංග මහතාට කිසිම වාසියක් නැතැයි කියා. බුද්ධ ජයන්තිය සඳහා මහ නාහිමිවරුන්ගේ හා අනු නාහිමිවරුන්ගේ ඉල්ලීමටයි සිල්රෙදි බෙදන්න කටයුතු කලේ. හැබැයි වීරතුංග මහතා වැරදිකරු වී හිරේ ගියා, රජයේ ජ්‍යෙෂ්ඨම ලේකම්වරයා. හැබැහි මේ ආණ්ඩුවේ නිළධාරීනුත් එතුමාගේ පාඩම ඉගෙනගත යුතුයි. මේවගේ ඔවුන්ටත් අනාගතයේ වෙන්න පුළුවන්. අධිකරණය ස්වාධීන වෙනවා වගේම සාධාරණ විය යුතුයි කියන මතයේ අපි ඉන්නේ. මාස ගණන්, අවුරුදු ගණන් අපි CID, FCID වලට ගෙනිච්චා. තාමත් යනවා. ආණ්ඩුවකට පලිගන්න අධිකරණය පාවිච්චි කරන එක වැරදියි. ඒකටම FCID කියලා හොර ආයතනයක් හැදුවා. ඒකට බලතලත් දුන්නා. නියෝග දෙන්නේ අගමැතිවරයා එකට ජනතා විමුක්ති පෙරමුණේ නායකයත් ඉන්නවා. මේ අය තමයි නඩු අහලා තීන්දු කරලා FCID එකට පවරන්නේ පරීක්ෂණ සඳහා. වරදක් කරලා තියේනං පොලීසියට පුළුවන් නඩු දමන්න. CID එකට පුළුවන්.

මේ ආණ්ඩුව ඇවිත් අවුරුදු 4 ½ මොනවද කරලා තියෙන්නේ ඔබට රටට මොනවාද ලැබිලා තියෙන්නේ. අපි හදපුව නම් විකුණලා තියෙනවා. අපි සල්ලි වෙන්කරපුවා මේ කට්ටිය වැඩ පටන් අරගෙන ඉවර කරලා විකුණනවා ජනාධිපති විවෘත කරනවා අගමැති විකුණනවා. අද හම්බන්තොට වරායට තියෙන්නේ තරඟයක් ලෝකයේ අනෙක් රටවල් වරාය අවටින් ඉඩම් ගන්න සටන් කරනවා. ගුවන්තොටුපල රටවල් කීපයකින් ඉල්ලනවා එය ඉන්දියාවට විකුණන්නට ලෑස්තිකරලා තියෙන්නේ හම්බන්තොට ජ්‍යාත්‍යන්තර ක්‍රීඩා පිටිය විකුණනවලු, ජාත්‍යන්තර සම්මන්ත්‍රණ ශාලාව විකුණනවලු. එතකොට හම්බන්තොට සියලුදේ විකුණලා මේ කාට අයිති දේවල්ද ? මේ ඔබේ අනාගත පරපුරට අයිති දේවල් අවුරුදු 05කට බලයට ඇවිත් මේ භූමිය විකුනන්න මෙයාලට අයිතියක් නැහැ. අද විවිධ ගිවිසුම් ගහනවා. ආණ්ඩුවකට ගිවිසුම් ගැසිය හැකියි. අපිත් ගැහුවා යුද්ධ කාලයේ ආරක්ෂක ගිවිසුම් ඒ වසර 10ට මේ ආණ්ඩුව කිසිඳු කාලයකට සීමා නොවී ගිවිසුම් ගහනවා රට ජාතිය පාවාදෙන්න.

අපේ කාලයේ රටේ ආරක්ෂාව තිබුණා, දැන් එහෙම ද ? එක සහරාන් කෙනෙකුට පුළුවන් වුණා මුළු රටේම සෑම ජාතියක්ම බය කරන්න. කාගේ වරදින්ද? මේ අස්ථාවර ආණ්ඩුව නිසා. ජනාධිපතිවරයා අගමැතිවරයා එකට එක කරනවා. එතකොට කොහොමද රටක් පාලනය කරන්නේ අද තරුණයින්ට රක්ෂා නැහැ. මේ ආණ්ඩුව බලයට පත්වුණාට පසුව තරුණයින් 472,000 කට රක්ෂා නැතිවුණා. බෝම්බයෙන් පස්සේ තවත් ලක්ෂ දෙකකට පමණ රක්ෂා නැතිවුණා. මේ ආණ්ඩුවේ සියලු දෙනාම මේකට වගකිව යුතුයි. මම පරදිනකොටත් හම්බන්තොට දිස්ත්‍රික්කයේ ජනතාව වැඩි ඡන්ද ලක්ෂයකට වැඩි ගණනකින් මාව දිනෙව්වා. අද රටේ තත්ත්වය වෙනස්. උතුරේ මතයත් වෙනස්වෙලා උතුරේ ඉන්නෙත් මිනිස්සුනේ. ඔවුන්ගේ නිෂ්පාදන වලට මිලක් නැහැ. විකුණගන්න තැනක් නැහැ. බොන්න වතුර නැහැ, පාසලේ ගුරුවරු නැහැ. ස්පිරිතාලෙත් එහෙමමයි. මේ තත්ත්වය වෙනස්විය යුතුයි. රටටම එකලෙස සංවර්ධනය ගලාගෙන යා යුතුය’

රොහාන් වැලිවිට
මාධ්‍ය ලේකම්

Friday, der 26. July 2019in මාධ්‍ය නිවේදන 0 Likes

ව්‍යවස්ථා සංශෝධන ක්‍රියාවලිය පිළිබඳ විවාදය

මාධ්‍ය නිවේදනය

ව්‍යවස්ථා සංශෝධන ක්‍රියාවලිය පිළිබඳ විවාදය

(2019 ජුලි 26 වෙනි සිකුරාදා විපක්‍ෂ නායක මහින්ද රාජපක්‍ෂ මහතා විසින්
පාර්ලිමේන්තුවේදී කළ කතාවේ පිටපත.)

ගරු කථානායකතුමනි,

ඊළඟ ජනාධිපතිවරණය පවත්වන්න තව තියෙන්නෙ මාස කීපයයි. ආණ්ඩුවේ අවසාන කාලයේදී මේ විදියට ව්‍යවස්ථා සංශෝධන ගැන පාර්ලිමේන්තු විවාදයක් පැවැත්වීමෙන් පලක් තියෙනවද? ව්‍යවස්ථා සංශෝධනය කරන්න මුලපුරන්න ඕනෙ ආණ්ඩුවක් ආපු අලුත මිස, යන්න ඉස්සෙල්ල කරන අවසන් කටයුත්ත හැටියට නොවෙයි. මේ ආණ්ඩුව බලයට පත්වුණෙත් පළමු දින 100 ඇතුළත ව්‍යවස්ථාව සංශෝධනය කරනවයි කියලා. ඒ කාලේ ඒගොල්ලො කතා කලේ විධායක ජනාධිපති ක්‍රමය අහෝසි කිරීමයි මැතිවරණ ක්‍රමය සංශෝධනය කිරීමයි ගැන විතරයි.

ඔබ කවුරුත් දන්නවා 2015 ජනාධීපතිවරණයේ මගේ ප්‍රතිපත්ති ප්‍රකාශනයේ බොහොම පැහැදිලිව කියලා තිබුණා අපිට ආණ්ඩු බලය නැවතත් ලැබුණ නම් අපි ව්‍යවස්ථාව සංශෝධනය කරලා ඒ සංශෝධන වලට ජනමත විචාරණයකින් ජනතාවගේ අනුමැතියත් ගන්නවයි කියලා. නමුත් යහපාලන ප්‍රතිපත්ති ප්‍රකාශනයේ තිබුණෙ ජනමත විචාරණයක් අවශ්‍ය නොවන තරමට පමණක් ව්‍යවස්ථාව වෙනස් කරනවයි කියලා. ජනමත විචාරණයක් තියෙන එකේ ප්‍රශ්නෙ මොකක්ද? ඒකෙන් කරන්නෙ ජනතාව ඉදිරියට යෑමක්. ව්‍යවස්ථා වෙනසකට ජනමත විචාරණයකින් ජනතා අනුමැතිය ලබා ගැනීම හොද දෙයක්. ඒකයි අපි කිවුවෙ අපි නම් ජනමත විචාරණයක් පවත්වනවයි කියලා.

ජනමත විචාරණයක් පවත්වන්නෙ නැතුව කරන්න පුලුවන් ව්‍යවස්ථා සංශෝධන විතරක් කරනවයි කියලා යහපාලන ප්‍රතිපත්ති ප්‍රකාශනයේ කිවුවෙ, බලයට ආවට පස්සෙ විධායක ජනාධිපති ක්‍රමය අහෝසි නොකර ඉන්න. ජනමත විචාරණයක් පවත්වන්නෙ නැතුව ඒ වගේ මූලික වෙනසක් අපේ ව්‍යවස්ථාවේ කරන්න බැරි බව ඒ ගොල්ලො දන්නවා. ඡන්ද ව්‍යාපාරයේදී බිම පෙරළි පෙරළි කිවුවා විධායක ජනාධිපති ක්‍රමය අහෝසි කරනවාමයි කියලා. නමුත් බලයට ආවට පස්සෙ ප්‍රතිපත්ති ප්‍රකාශනය පෙන්නලා කිවුවා ජනමත විචාරණයක් අවශ්‍ය නොවන සංශෝධන විතරක් කරනවයි කියපු හින්දා විධායක ජනාධිපති ක්‍රමය අහෝසි කරන්න බෑ කියලා. ඉතින්, මුල ඉඳලම මේ ආණ්ඩුවේ ව්‍යවස්ථා සංශෝධන ක්‍රියාවලිය තුළ තිබ්බෙ බොරුවයි වංචාවයි විතරයි.

ඊට පස්සෙ විධායක ජනාධිපතියි අගමැතියි අතර බලය තියෙන්නෙ කාටද කියලා හොයාගන්න බැරි 19 වන සංශෝධනය පාර්ලිමේන්තුවට ඉදිරිපත් කළා. මේ ගැන විපක්‍ෂයෙන් මැසිවිලි නැඟුවාම ජනාධිපතිතුමාම පාර්ලිමේන්තුවට ඇවිල්ලා කිවුවා තව සති ගාණක් ඇතුළත පාර්ලිමේන්තු මැතිවරණ ක්‍රමය වෙනස් කරන්න 20 වන සංශෝධනය හඳුන්වලා දෙනවයි කියලා. ඒ පොරොන්දුව මත තමයි විපක්‍ෂයේ මන්ත්‍රීවරු 19 වන සංශෝධනයට ඡන්දෙ දුන්නෙ. පාර්ලිමේන්තු මැතිවරණ ක්‍රමය වෙනස් කළා නම් පැහැදිළි බහුතරයක් තියෙන පාර්ලිමේන්තු ආණ්ඩු බිහිවෙනවා. එතකොට බල තුළනය පාර්ලිමේන්තුව පැත්තට බර වෙනවා. 19 වන සංශෝධනය ගැන අපිට බරපතල සැක තිබුණත් එදා අපේ අය ඒකට අත ඉස්සුවේ 20 වන සංශෝධනය ගේනවයි කියපු පොරාන්දුව නිසා විතරයි. ඉතින් ව්‍යවස්ථා සංශෝධන ක්‍රියාවලිය තුළ විපක්‍ෂයේ මන්ත්‍රීවරුන්ටත් මේ ආණ්ඩුව වංචා කරලා තියෙනවා.

ඊට පස්සෙ ව්‍යවස්ථාව සම්පූර්ණයෙන්ම වෙනස් කරනවයි කියලා 2016 මාර්තු 09 වෙනිදා මුලු පාර්ලිමේන්තුවම ව්‍යවස්ථාදායක සභාවක් හැටියට වාඩිවෙන්න ආණ්ඩුව කටයුතු යෙදුවා. අවුරුදු දෙක හමාරකට වැඩි කාලයක් තිස්සෙ කතා කරලා වාර්තා පිට වාර්තා නිකුත් කරලා අන්තිමේදී 2019 ජනවාරි 11 වෙනිදා අගමැතිවරයා ව්‍යවස්ථාදායක සභාවේ මෙහෙයුම් කමිටුවේ විශේෂඥ මණ්ඩලයේ වාර්තාවක් කියලා ලියවිල්ලක් පාර්ලිමේන්තුවට ඉදිරිපත් කරා. ඒක ඉදිරිපත් කරමින්ම අගමැතිතුමා කිවුවෙ මේක එතුමාගේ වර්තාවක් නෙවෙයි විශේෂඥයන් පිරිසකගෙ අදහස් විතරයි කියලා. අන්තිමට පාර්ලිමේන්තුවට ඉදිරිපත් කරපු ඒ ලියවිල්ලටත් අයිතිකාරයෙක් නැති වුණා. තමන්ම ඉදිරිපත් කරන කෙටුම්පතකටවත් වගකීමක් ගන්නෙ නැතුව කොහොමද ව්‍යවස්ථා සංශෝධනයක් කරන්නෙ?

අගමැතිවරයා පාර්ලිමේන්තුවට ඉදිරිපත් කරපු ඒ ව්‍යවස්ථා කෙටුම්පතට අපි එකහෙළාම විරුද්ධයි. ඒකෙන් අර්ධ ස්වාධීන ප්‍රාන්ත රාජ්‍ය 09කට රට කඩන්න පිඹුරුපත් සකස් කරලා තිබුණා. පලාත් 09 යට වෙන වෙනම පොලීසි පිහිටුවන්න, පලාත් වලට දීලා තියෙන බලතල ආපසු කිසිදාක මධ්‍යම ආණ්ඩුවට නැවත පවර ගන්න බැරි විදියට විධිවිධාන ඒකෙ තිබුණා. කට්ටියක් කියනවා මමත් ඒ කාලේ තර්ටීන් ප්ලස් කියලා 13 වන සංශෝධනයෙන් ඔබ්බට යන පාලන ක්‍රමයක් ගැන කතා කරයි කියලා. මම එක දවසක් ඉන්දියාවේ විදේශ ලේකම් වරයාට කිවුවා රටේ පළාත් සභාවල නියෝජිතයන්ගෙන් සමන්විත පාර්ලිමේන්තුවේ දෙවැනි මන්ත්‍රී මණ්ඩලයක් හදලා ප්‍රාදේශීය නායකයෝ ජාතික මට්ටමේ වැඩවලටත් සහභාගී කරවගන්න ඕනෙයි කියලා. ඉන්දියාවේ විදේශ ලේකම්තුමා තමයි ඒකට තර්ටීන් ප්ලස් කියලා නම තිබ්බෙ. ඉතින් හොදට මතක තියාගන්න ඕන මම තර්ටීන් ප්ලස් කියලා අදහස් කළේ අගමැතිවරයා පාර්ලිමේන්තුවට හඳුන්වලා දීපු කෙටුම් පතෙන් වගේ රට කෑලි 09 කට කඩන ව්‍යාපෘතියකට නෙවෙයි කියලා.

අගමැතිවරයා පාර්ලිමේන්තුවට ඉදිරිපත් කරපු ඒ ව්‍යවස්ථා කෙටුම්පතේ විධායක ජනාධිපති ක්‍රමය අහෝසි කරලා මැතිවරණ ක්‍රමය වෙනස් කරන්නත් විධිවිධාන තිබුණු බව ඇත්ත. නමුත් ඒ කෙටුම්පතෙන් මැතිවරණ ක්‍රමය වෙනස් කරලා තිබුණෙ 2017 පළාත් පාලන හා පළාත් සභා මැතිවරණ ක්‍රමය වෙනස් කරපු ආකෘතියට අනුවයි. ඔබ දන්නවා ඒ ආකෘතිය 2018 පෙබරවාරි පළාත් පාලන මැතිවරණයේදී අත්හදා බැලුවයින් පස්සෙ මුලින් ඒක සම්මත කරන්න කටයුතු කරපු අයම දැන් ඒ ක්‍රමයට විරුද්ධයි. ඒ අසාර්ථක ආකෘතියම පාර්ලිමේන්තුවටත් හඳුන්වලා දෙන්න හදන එකට අපි එකහෙළාම විරුද්ධයි.

අගමැතිවරයා 2019 ජනවාරියේ පාර්ලිමේන්තුවට ඉදිරිපත් කරපු ඒ ව්‍යවස්ථා කෙටුම්පත හැදුවෙ සුමන්තිරන් මන්ත්‍රීවරයා සහ රාජ්‍ය නොවන සංවිධාන වල පිරිසක්. අවුරුදු දෙක හමාරක් තිස්සෙ හදපු ඒ කෙටුම්පත අගමැතිවරයා පාර්ලිමේන්තුවට ඉදිරිපත් කරලා පුන පුනා කිවුවෙ මේක අපේ දෙයක් නම් නෙවෙයි කියලා. අවසානෙදි බලන කොට මේ ආණ්ඩුවෙන් දෙමළ ජාතික සංධානයත් ගොනාට අන්දලා තියෙනවා.

දෙමළ ජාතික සංධානය අවුරුදු හතර හමාරක් තිස්සෙ නටපු නැටුමකුත් නෑ, බෙරේ පලුවකුත් නෑ. සුමන්තිරන් මන්ත්‍රීවරයා හැම වෙලාවෙම කෙටුම්පත් හදන්නෙ වෙනම රාජ්‍යයක් කියන වචනය නැතුව වෙනම රාජ්‍යයක් ලබා ගන්න. කොල කෑලි වල ඒගොල්ලන්ගෙ සැලසුම් පැහැදිලිව සඳහන් වෙලා තියෙනවා. නමුත් බිම් මට්ටමෙන් ගත්තාම අපේ ආණ්ඩුව උතුරු නැගෙනහිර පළාත් වලට දීපු පළාත් සභා දෙකත් නැතිකරලා දාන්න දෙමළ ජාතික සංධානය ඍජුවම කටයුතු කරලා තියෙනවා. නැගෙනහිර පළාත් සභාව විසිරෙව්වෙ මීට අවුරුදු දෙකකට විතර කළින්. උතුරු පළාත් සභාව අවුරුද්දකට විතර කළීන් විසිරෙව්වා. විසුරවපු පළාත් සභා වලට ඡන්ද පවත්වන්න බැරිවෙලා තියෙන්නෙ 2017 සැප්තැම්බර් මාසයේදී මේ ආණ්ඩුව පළාත් සභා ඡන්ද ක්‍රමය වෙනස් කරපු නිසයි.

අලුත් ක්‍රමයට ඡන්ද තියන්න කොට්ඨාශ සීමා නීර්ණය කිරීමේ වාර්ථාව ගැන මතභේද මතුවෙලා තියෙන නිසා අද මුලු පළාත් සභා ක්‍රමයම අකර්මණ්‍ය වෙලා තියෙනවා. දෙමළ ජාතික සංධානයේ ඡන්ද නැතුව කිසිම දවසක පළාත් සභා ඡන්ද ක්‍රමය වෙනස් කරන්න පාර්ලිමේන්තුවේ තුනෙන්දෙකේ බලය ආණ්ඩුවට ලබාගන්න වෙන්නෙ නෑ. ඉතින් උතුරු නැගෙනහිර ප්‍රශ්නයට විසඳුමක් කියලා ඇති කරපු පළාත් සභා ක්‍රමය අවසානයේදී බලන කොට නැති කරලා දාන්න කටයුතු කරලා තියෙන්නෙත් දෙමළ ජාතික සංධානයමයි.

මම නැගෙනහිර පළාතේ යුද්ධය අවසන් වෙන්නත් කළින් 2008 දී පළාත් සභාවක් පිහිටුවලා ඒ පළාතේ ජනතාවට ප්‍රජාතන්ත්‍රවාදී අයිතිය ලබා දුන්නා. 2013 දී උතුරු පළාත් සභා ඡන්දය පවත්වලා පළමු වතාවට උතුරටත් පළාත් සභාවක් ලබලා දුන්නා. දෙමළ ජාතික සංධානය එක්සත් ජාතික පක්‍ෂයත් එක්ක එකතු වෙලා ඒ දෙකම නැති කළා.

ඔබ කවුරුත් දන්නවා යුද්ධය ඉවර වුණායින් පස්සේ අපේ ආණ්ඩුවෙන් උතුරු පළාතෙත්, නැගෙනහිර පළාතෙත් යටිතල පහුසුකම් දියුණු කරලා මිනිසුන්ගේ ජීවනෝපාය දියුණු කරන්න කටයුතු කළා. ඒ අතරතුර තමයි ආණ්ඩුව වෙනස් වුණේ. පහුගිය අවුරුදු ගණනාවම තිස්සෙ දෙමළ ජාතික සංධානය හිටියේ ආණ්ඩුවත් එක්ක. හැබැයි උතුරු නැගෙනහිර පළාත් වල, විශේෂයෙන්ම දෙමළ ජනතාවට මේ කාලය ඇතුළත කිසිම ඉදිරි ගමනක් සිදු වෙලා නෑ. මේ ආණ්ඩුව ආවට පස්සෙ රටේ හැම ජන කොටසකටම වගතුවක් නැතුව ගියා. උතුරු නැගෙනහිර දෙමළ ජනතාවට විශේෂයෙන්ම පාඩු වුනයි කියලා කියන්න පුලුවන්.

අද ඒ පළාත් වල මිනිසුන්ට ජීවත් වෙන්න විදියක් නෑ. දෙමළ ජනතාව අතර තියෙන ඒ දුගී බාවයෙන් ඇතැම් කූඨ පිරිස් ඉතාමත්ම අසික්කිත ආකාරයට ප්‍රයෝජන ගන්නවයි කියලා දැන් දෙමළ දේශපාලනඥයොත් ප්‍රසිද්ධියේම කියන්න පටන් අරන් තියෙනවා. අපේ ආණ්ඩුවක් බලයේ තිබුණා නම් එහෙම වෙන්නෙ නෑ. එහෙනම් උතුරු නැගෙනහිර දෙමළ ජනතාව මේවෙනකොට තමන්ගේ ජීවනෝපාය පැත්තෙන් හරි ඔලුව උස්සලා අද ගරුත්වයක් ඇතුව ජීවත්වෙනවා. මීට ටික කාලෙකට කළින් මම දැක්කා එක්තරා පුවතක්. උතුරු නැගෙනහිර පළාතේ දෙමළ තරුණයන් දෙමළ ජාතික සංධානයේ මන්ත්‍රීවරුන්ට තමන්ගේ අමාරුකම් කිවුවාම ඒ මන්ත්‍රීවරු කියලා තියෙන්නෙ අපි මුලින්ම විමුක්තිය ලබාගෙන ඊට පස්සෙ ජනතාවගේ ප්‍රශ්න විසදනවයි කියලා.

විමුක්තිය කියලා ඒගොල්ලන් අදහස් කරන්නෙ රටේ ව්‍යවස්ථාව වෙනස් කරලා දෙමළ ජනතාවට උතුරු නැගෙනහිර වෙනම පාලන ඒකකයක් ලබාගන්න එකයි. 2014 දී මම ආරාධනය කළා දෙමළ ජාතික සංධානයට දෙමළ ජනතාවට තියෙන ප්‍රශ්න හැටියට ඒගොල්ලො දකින දේවල් මොනවද කියලා සාකච්ඡා කරන්න. කිහිප වතාවක් සාකච්ඡා කළාට පස්සෙ දෙමල මන්ත්‍රීවරු සාකච්ඡාවට එන එක නැවැත්තුවා. ඒ වෙන කොට ඒගොල්ලො තීරණය කරලා ඉවරයි අපේ ආණ්ඩුව පරද්දලා පොදු අපේක්‍ෂකයෙකු පත්කරලා ඒගොල්ලන්ගෙ අභිමථාර්තයන් ඉටුකරගන්න. ඔන්න දැන් අල්ලපු අත්තත් නැතුව, පයගහපු අත්තත් නැතුව ඒ කට්ටිය ඉන්නවා.

වර්ථමාන ආණ්ඩුව යටතේ ව්‍යවස්ථා වෙනසක් කරන එක ගැන හිතන්නවත් පුලුවන්ද? මේගොල්ලො 19 වෙනි සංශෝධනය ගෙනාවා. ඒකෙන් රටේ පාලනය අවුල් ජාලාවක් බවට පත්වුණා. පළාත් පාලන ඡන්ද ක්‍රමය වෙනස් කළා, ඒකෙන් පළාත් පාලන ක්‍රමයම වියවුලක් බවට පත්වුණා. පළාත් සභා ඡන්ද ක්‍රමය වෙනස් කරා. ඒකෙන් පළාත් සභා ක්‍රමයම නැති වුණා. මේගොල්ලන්ගේ පනත් සම්මත කරන ක්‍රමවේදය ගැනත් රටේ මුලු ජනතාවටම සැකයක් තියෙනවා. පළාත් පාලන හා පළාත් සභා ඡන්ද ක්‍රම වෙනස් කරන්න මේ ගොල්ලො යෝජනා ගෙනාවේ සම්පූර්ණයෙන්ම වෙනස් හේතු වලට පාර්ලිමේන්තුවට ඉදිරිපත් කරලා තිබුණු පනත් දෙකකට පාර්ලිමේන්තුවේ කමිටු අවස්ථාවේදී ගේන යෝජනා හැටියට.

ඒ ගේන යෝජනා මොනවද කියලා ජනතාව දැනගෙන හිටියෙත් නෑ, ශ්‍රේෂ්ඨාධිකරණයට ඒවායේ ව්‍යවස්ථානුකූල භාවය ගැන හොයලා බලන්න අවස්ථාව ලැබුනෙත් නෑ. 19 වෙනි සංශෝධනයෙත් කමිටු අවස්ථාවේදී කාටවත් නොදැනෙන විදියට පනත් කෙටුම්පතේ තිබුණු වචන, වාක්‍ය ඉවත් කරා. ඕවායින් ඇතිවෙලා තියෙන අවිශ්වාසය නිසා තමයි විපක්‍ෂයක් හැටියට අපිට ව්‍යවස්ථාව සංශෝධනය කරන්න මේ ආන්ඩුවට සහයෝගය දෙන්න බැරි. ඒ වගේම ආණ්ඩුවේ අවසාන අවස්ථාවේදී ව්‍යස්ථා සංශෝධනය ගැන කථාකරලා වැඩක් නෑ. ඒ වැඩේට අතගහන්න ඕන ජනතා වරමකින් අලුතින් පත්වන ආණ්ඩුවක්.

අපි ළඟ එන ජනාධිපතිවරණයේදී පවතින ව්‍යවස්ථාව සංශෝනය කරන්න යෝජනාවලියක් ඉදිරිපත් කරනවා. 19 වෙනි සංශෝධනයෙන් ඇති කරපු වියවුල ලිහන්නෙ නැතුව මේ රටට ඉදිරියට යන්න බෑ. ඊළඟ ආණ්ඩුව බලයට පත්වුණාට පස්සෙ අපි බලාපොරොත්තු වෙනවා ඒ අලුත් ව්‍යවස්ථාව සඳහා ඒ වෙනකොට පාර්ලිමේනතුවේ නියෝජනය තියෙන සියලුම දේශපාලන පක්‍ෂ වල සහයෝගය ලබාගන්න. අවංකවම ව්‍යවස්ථා වෙනසක් බලාපොරොත්තු වෙන හැමෝටම අපිත් එක්ක ඒ අවස්ථාවේදී එක් වෙන්න පුලුවන්. ව්‍යවස්ථාව වෙනස් කරන්නෙ ජනමත විචාරණයක් අවශ්‍ය නොවන තරමට විතරයි කියලා අපි කූඨ උපක්‍රම වලින් ජනතාව රවට්ටන්නෙ නෑ. අපි අලුත් ව්‍යවස්ථාව සඳහා අනිවාර්‍යයෙන්ම ජනමත විචාරණයකුත් පවත්වනවා.

ස්තුතියි.

මහින්ද රාජපක්ෂ, විපක්ෂ නායක 

2019 ජුලි 26

Sinhala Constitutional Reform

Wednesday, der 26. June 2019in මාධ්‍ය සාකච්ඡා 0 Likes

රටක් විදිහට එකම නීතියක් ක්‍රියාත්මක විය යුතුයි – බැසිල්

ජාතියක් ලෙස එකට සිටිමින් එකම රටක් ලෙස ඉදිරියට යාමට නම් කාටත් පිළිගත හැකි එකම නීතියක් අවශ්‍ය බව ශ්‍රී ලංකා පොදු ජන පෙරමුණේ නිර්මාතෘ බැසිල් රාජපක්ෂ මහතා පැවසීය.
ඒ මහතා මෙසේ පැවැසුවේ අද (26) නෙළුම් මාවතේ පිහිටි ශ්‍රී ලංකා පොදුජන පෙරමුණ ප්‍රධාන කාර්යාලයේදී මුස්ලිම් උලමා පක්ෂයේ නියෝජිතයින් පිරිසක් හමුවූ අවස්ථාවේදීය.
ශ්‍රී ලංකා පොදුජන ප්‍රමුඛ රජයක් මගින් ක්‍රියාත්මක කිරීමට නියමිත වැඩ පිළිවෙළක් සකස් කිරීම සහ ඉදිරි මැතිවරණ වලදී එක්ව කටයුතු කිරීම සම්බන්ධයෙන් සෙසු දේශපාලන පක්ෂ සමග සාකච්ඡා කිරීමේ වැඩපිළිවෙළ යටතේ අද දිනයේ දී ශ්‍රී ලංකා පොදුජන පෙරමුණ සමග එක්සත් ලංකා පොදුජන පක්ෂය, මුස්ලිම් උලමා පක්ෂය, ශ්‍රී ලංකා ප්‍රගතිශීලි පෙරමුණ අතර විශේෂ සාකච්ඡා වට කිහිපයක් පැවැත්වීණි.
එහිදී වැඩිදුරටත් අදහස් දැක්වූ බැසිල් රාජපක්ෂ මහතා මෙසේද පැවසීය.
ඉදිරි සතියකදී අපි අනුගමනය කළ යුතු පතිපත්තිය ජනතාව ඇසුරින් සකස් කරන්න අපි තීරණය කළා. ඒ අනුව ගම සමග පිළිසදරක් වැඩසටහනක් ගම් මට්ටමින් අදහස් හා යෝජනා එකතු කරමින් තිබෙනවා. ඒ වගේම මහින්ද රාජපක්ෂ මහතා සමඟ එක්ව කටයුතු කරපු දේශපාලන පක්ෂ වල අදහස් යෝජනාවලියට එකතු කරන්න තීරණය කළා.
ශ්‍රී ලංකා පොදුජන පෙරමුණ ප්‍රදේශයකට ආගමකට ජාතියකට සීමා වුන පක්ෂයක් නෙවෙයි. අපේ පක්ෂයට අවුරුද්දකටත් වඩා අඩු වයසක දී පළාත් පාලන මැතිවරණයට ඉදිරිපත් වී ජයග්‍රහණය කරන්න හැකිවුණා. මේ වන විට ලංකාවේ වැඩිම මහජන නියෝජිතයින් ප්‍රමාණයක් ඉන්නේ අපේ පක්ෂයට. රට පුරාම මහජන නියෝජිතයින් 4000 කට වැඩි ප්‍රමාණයක් අපිට ඉන්නවා. මහජන නියෝජිතයින් වැඩි වීමත් සමහර වෙලාවට ප්‍රශ්නයක්. දරුවෝ වැඩි උනාම පාලනය කරගන්න අමාරුයි. ඒවුනත් අපි නිසි විනයක් සහිත පක්‍ෂයක්. එනිසා අපිට ඒ අය මෙහෙයවීම අමාරුනැහැ.
අපේ පක්ෂයේ කිසිම ජාතියකට ආගමකට ප්‍රදේශයකට සීමා කරලා නැහැ. රටේ හැමෝමටම එක නීතියක් තිබිය යුතු බවයි අපේ අදහස. ජාතියක් විදියට එකට ඉන්න එක නීතියක් අවශ්‍යයි .
අනාගතයේ රටේ පාලනය ගැන ඉන්න පක්ෂයක් විදිහට රටේ සාමකාමී පරිසරයක් අපි බලාපොරොත්තු වෙනවා. එල්ටී. ටී ඊ සංවිධානයෙන් රට බේරාගෙන ආරක්ෂාව තහවුරු කිරීම නිසයි ශීඝ්‍ර සංවර්ධනයක් කරා රට ගෙන යන්න හැකිවුණේ. අපි ආණ්ඩුව භාර ගන්න කාලේදී රටේ ජාතිවාදී අරගල තියෙනවා නම් බලාපොරොත්තු වන සංවර්ධනය කරා යන අපට බැහැ .ඒ නිසා පාස්කු ඉරිදා සිද්ධිය වැනි සිදුවීම් රට තුළ නැවත සිදුවෙනවා දකින්න අපි කැමති නැහැ.බේරුවල සිද්ධිය අවස්ථාවේදී ඊට මැදිහත් වෙලා සිද්දිය සමථයකට පත් කරන්න අපට හැකි වුණා.සියලු තොරතුරු තිබිලත් පාස්කු ඉරිදා සිද්ධිය නතර කරගන්න වත්මන් රජයට නොහැකි වුණා.ආණ්ඩුව මෙයට වගකිව යුතුයි. නමුත් ආණ්ඩුව උත්සාහ කරන්නේ එහි වගකීමත් අප පිට පටවන්න. නීතිය ක්‍රියාත්මක කරන ආයතන අධිකරණය හමුදාව මේ හැමදේම තියෙන්නෙ ආණ්ඩුව ලග.
මුස්ලිම් ජනතාවගෙන් කීප දෙනෙක් කරපු දෙයකට සමස්ත මුස්ලිම් ජනතාව වගකිව යුතු නැහැ.ඒ වගේම පොහොට්ටුවේ කිහිප දෙනෙක් කරන වැඩ වලට වැඩවලට සම්පූර්ණ පොහොට්ටුව වග කියන්න අවශ්‍යත් නැහැ.
යුද්ධයෙන් පසුව මහින්ද රාජපක්ෂ ජනාධිපතිවරයාගේ සමයේ එවකට රජය මුස්ලිම් ජනතාව වෙනුවෙන් කළ සේවය වචනයෙන් කිව නොහැකි බව එහි දී සඳහන් කළ මුස්ලිම් උලමා පක්ෂයේ නායක මුබාරක් අබ් මජීඞ් මහතා ඉදිරි මැතිවරණවලදී ශ්‍රී ලංකා පෙරමුණ සමඟ එක්ව කටයුතු කරන බව එහිදී සඳහන් කලේය.