2018 වර්ෂය අවසාන භාගයේ රටම කතාවුන මාතෘකාවක් වුනේ ප්‍රජාතන්ත්‍රවාදය සුරකිමු. ව්‍යවස්ථාව ආරක්ෂා කරමු වගේ දේවල්. මහා හයියෙන් ඒ දේවල් කියපු අය අද ප්‍රජාතන්ත්‍රවදාය ආරක්ෂා කරලාද නැද්ද කියන ප්‍රශ්නය රට ඉදීරියේ තියෙනවා. ප්‍රජාතන්ත්‍රවදයේ හිරු දෙවියෝ රනිල් වික්‍රමසිංහ සදූ දෙවියෝ අනුර කුමාර” තරු දෙවියෝ සුමන්රදීන්. මේ දෙවිවරු කලේ ප්‍රජාතන්ත්‍රවාදයේ නාමයෙන් රනිල් වික්‍රමසිංහ නැවත බලයට පත්කිරීමයි. පක්ෂය ඇතුලේ ප්‍රජාතන්ත්‍රවාදය ගැන කියලා බලාපොරොත්තු දූන්නා. බලාපොරොත්තු කඩවෙලා හිටපු එජාපයේ කට්ටිය හිතුවා රනිල් වික්‍රමසිංහ කියන්නේ දැන් අලූත් නායකයෙක් කියලා. ඒ වුනාට දැන් බලද්දී පරණ රනිල්ම තමයි. පාක්ෂීකයාටවත් තමන්ගේ මිනිස්සුන්ටවත් කන්නො රනිල් වික්‍රමසිංහ එයාගේ ගමන යනවා. අනුර කුමාරගෙන් අහන්න තියෙන්නේ ඔබට දැන් සතුටුයිද කියලා තමයි.
කිරිපිටි පැකට්ටුවක් රුපියල් 135කින් වැඩි කරන්න ඉල්ලීම් ඇවිත්. මිල වැඩි නොකලොත් කිරිපිටි ගෙන්වීම නතර කරන්න වෙනවාලූ. කිරිපිටි කිලෝවකට රුපියල් 170ක් බදූ ගෙවනවාලූ. කිරි දරුවන්ට දෙන කිරි ටිකෙන් බදූ ගහන ආණ්ඩුවක්. නමුත් කතා කලේ සක්‍ර දේවියන් වඩම්මලා ෂක්‍ර දෙවියන්ට කරන්න බැරිදේත් කරනවා වගෙයි. ගෑස් සිලින්ඩරයකට රුපියල් 378ක් වැඩි කරන්න ගෑස් සමාගම් ඉල්ලා තිබෙනවා. මේ විදීයට 2019 කියන්නේ ජිවත් වෙන්න හැකියාවක් තියෙන වසරක් වෙයිද? මේ දවස්වල ඇමැති පොරයක් ඇති වෙලා. ඉස්සර අපි ආණඩුව කරද්දී ආණඩුව විවේචනය කරන්නේ විපක්ෂය. දැන් ආණ්ඩුවට බනින්නේ ආණඩුවමයි. හිටපු මුදල් ඇමැති” වත්මන් විදුලි බල ඇමැති කියනවා කිසිම හැකියාවක් නැති අය පක්ෂයට ඇවිත් අපිව පක්ෂයෙන් එළවන්න හදනවාලූ. කේවට්ටයෙක් පක්ෂයේ ඉන්නවාලූ. මේ කේවට්ටයා මලික් සමරවික්‍රමයි. මේ ආණඩුවේ ඉන්න අය එකිනෙකාට බැන ගන්නවා. කම්බ හොරු කියනවා. පහුගිය මහින්ද රාජපක්ෂ අගමැති සමයේ ජාතික ආණඩුවක් නෙවෙයි තිබුනේ. ජාතික ආණඩුවක් නම් විතරයි ඇමැතිවරු තිහකට වැඩිවෙන්නේ. ඒ දවස්වල කිසිම කෙනෙක් ඇමැති තනතුරු වලට පොරකෑවේ නැහැ. අපි කිව්වේ අපිට ඇමැතිකම් එපා කියලයි. ආදර්ශය අපි පෙන්නුවා. අනුර කුමාර දීසානායකට මේ ආණඩුවේ දේවල් පේන්නේ නැහැ. ෆොන්සේක තෙවරප්පෙරුම රණ්ඩුවක් තියෙනවා. ඒ කතා ඇතුලේ මේ රටේ අතුරුදහන් වුනු අය මාධ්‍යවේදීන් ඝාතනය කිරීම් ගැන කියැවෙනවා. ඒ ගැනයි හොයලා බලන්න ඕනේ. ඇයි නිහඩ. දැන් ඇත්ත එළියට එනවා. ජවිපේ කට්ටිය දැන් ආයෙත් විද්වත් සභාවක් පටන් අරන්. සරත් ෆොන්සේකා හොදයි කියලා ජනාධිපති ඇදූම ඇන්දූවේ ජවිපෙයි. ජවිපේ තීන්දූ ගැන රටේ මිනිස්සුන්ට දැන් හොදට තේරෙනවා. රට අස්ථාවර තීන්දූ ගන්නේ ජවිපෙයි.

-පාර්ලිමේන්තු මන්තී්‍ර රෝහිත අබේගුණවර්ධන