නෙළුම් මාවත

අද (01) දින මාධ්‍ය සාකච්ඡාවට සහභාගි වූ නියෝජිතයින්

පාර්ලිමේන්තු මන්ත්‍රී තාරක බාලසූරිය මහතා
ජනතා විමුක්ති පෙරමුණ විසින් ගෙන එන 20 වැනි ආණ්ඩු ක්‍රම ව්‍යවස්ථා සංශෝධනයට සහාය දෙන්න කියලා අනුර කුමාර දිසානායක මන්ත්‍රීවරයා ඉල්ලිමක් කළා. 20 වෙනි සංශෝධනය ගැන මේ වෙලාවේ කතා කරන්නේ ඇයි කියන එකයි අපි කල්පනා කරන්නේ. විධායක ජනාධිපතික්‍රමය අහෝසි කරනවා කියන එක වෙනම දෙයක්. ජනතා විමුක්ති පෙරමුනෙන් ඉදිරිපත් කරලා තියෙන 20 වෙනි ව්‍යවස්ථා සංශෝධනය ඉදිරියට ගෙනියනවාද කියන එක තවත් දෙයක්. විධායක ජනාධිපතික්‍රමය අහෝසි කළ යුතුයි කියන අයත් සමහර විට ජනතා විමුක්ති පෙරමුණ ඉදිරිපත් කරන 20 වෙනි ව්‍යවස්ථා සංශෝධනයට අකමැති වෙන්න පුලුවන් එහි තියෙන දුර්වලතා මත. වඩා වැදගත් වන්නේ මෙහි ප්‍රායෝගික තත්ත්වයයි. අනිවාර්යයෙන්ම ජනාධිපතිවරණයක් පැවැතිවෙන්න නියමිතව තියෙනවා. ඒ වගේම ජනාධිපතික්‍රමය ඉවත් කරනවා නම් ඡන්ද ක්‍රමය වෙනස් කරන්න වෙනවා. ඡන්ද ක්‍රමය වෙනස් කරනවා නම් ඒ සම්බන්ධයෙන්සාකච්ඡා කරලා එකගතාවයකට එන්න වෙනවා. මිශ්‍ර ක්‍රමයක් ගෙනාවොත් සීමා නිර්ණය කරන්න වෙනවා. මගේ පුද්ගලික මතය නම් ජනමත විචාරණයකට යන්න අවශ්‍යයි. ජනතාවගෙන් වැඩි ප්‍රමාණයක් ඉන්නේ ජනාධිපතිධූරය අවශ්‍යයි කියන තැනයි. ඒ වගේම අනුර කුමාර දිසානායක මහතා මේ යෝජනාව ගෙනත් ජනතාවගේ අවධානය වෙනතකට හරවනවා වෙන්න පුලුවන්. මේ මාසයේ ජිනිවා යෝජනා මාලාව සාකච්ඡා වෙනවා. රණවිරුවන්ට විරුද්ධව යුද අපරාධ චෝදනා එල්ල වෙලා කිසියම් ක්‍රියාදාමයකට යාමේ අවධානමක් තියෙනවා. මංගල සමරවිර මහතාගේ දේශපාලන ජිවිතයට වසර 30ක් පිරිම හා ජෝන් අමරතුංග මන්ත්‍රීවරයාගේ දේශපාලන ජිවිතයට වසර 40ක් පිරීම සිදුවුනා. මංගල සමරවිර දක්ෂ දේශපාලනඥයෙක් නිසා හිටපු සහ ඉන්න ජනාධිපතිවරු කිහිප දෙනෙක්ම ඇවිත් එතුමාගේ වේදිකාවේ කතා කරනවා අපි දැක්කා. එතුමාගේ ක්‍රියාදාමය බලපුවාම මානව හිමිකම් යෝජනාවට එකග වීමේ පාපකර්මයෙන් භව ගාණක් ගියාට මිදෙන්න බැහැ. විදේශ ඇමැතිකම එතුමාගේ භූදලයක් වගේ කරගෙන ගිහින් අපේ රට පාවා දුන්නා.
මුදල් ඇමැති කෙනෙක් විදියට ගත්තාමත් සිංගප්පුරු ගිවිසුම වැනි දේ ක්‍රියාත්මක වුනේ තනි තීරණයට එතුමාගේ කාලයේදීයි. එතුමා දක්ෂ දේශපාලනඥයෙක් වුනාට විදේශ ඇමැතිවරයෙක් විදියට රට පාවා දීමේ ක්‍රියාදාමයේ කොටස්කාරයෙක්.
පසුගිය 27 වැනිදාට බැදුම්කරයට වංචාවට වසර 4ක්. තවම කිසිවෙක්ට නිතියෙන් දඩුවම් දීලා නැහැ. මේක යටපත් කරන්න එපා. අඹ ගෙඩි කිහිපයක් හොරකම් කළාම හිරේ යනවා. මේ වගේ හොරකම් කරලා නිදහසේ ඉන්නවා. මෙතැන සමාජ සාධාරණත්වයක් නැති බවයි සාමාන්‍ය ජනතාවගේ අදහස වෙලා තියෙන්නේ.

පාර්ලිමේන්තු මන්ත්‍රී පියල් නිශාන්ත මහතා
ගුරු හා විදුහල්පති ක්ෂේත්‍රයේ ප්‍රශ්නයක් ඇති වුනා. ආණ්ඩුව දරුවන්ගේ දෑස් පාදන ගුරුවරුන්ට කදුලු ගෑස් ගැහුවා. දරුවන්ගේ ඔලු ගෙඩි හදන ගුරුවරුන්ගේ ඔලු පැලුවා. අධ්‍යාපනයේ දැවැන්ත වෙනසක් කරනවා කියලා කරපු මේ වෙනස අපි තරයේ හෙළා දකිනවා. අද සමහර දේශපාලන පක්ෂ තමන්ගේ බලය වෙනුවෙන් තමන්ගේ පක්ෂයේ දැවැන්ත ඇද වැටීම් වෙනුවෙන් ගුරුවරු විදුහල්පතිවරු යොදා ගන්න බවත් අපි දකිනවා. මේ පහර දීම හෙළා දකින අතරේ දේශපාලකයින්ගේ අරමුණු වෙනුවෙන් ජිවිත බිලි දෙන්න ලෑස්ති වෙන්න එපා. අද වෙද්දි අධ්‍යාපන ක්ෂේත්‍රයේ ඇද වැටීමක් වෙලා. පාසල් පද්ධතිය විනාශ වෙලා. ගුරු ක්ෂේත්‍රය විනාශ වෙලා. පාසල් පද්ධතිය අපි බලාපොරොත්තු වුනු ඉලක්ක කරා ගෙනිහයන්න බැරි වෙලා. අධ්‍යාපන බලධාරීන් දැන්වත් මේ නාඩගම නතර කළ යුතුයි.
20 වෙනි සන්නිය පටන් ගන්න හදන්නේ අනුර කුමාර දිසානායක කියන ගුරුන්නාන්සේයි. ඔහු 20 වෙනි සන්නිය ගැන විපක්ෂ නායකවරයා සමග සාකච්ඡා කරන්න සූදානම්ලු. 19 වැනි සන්නිය නටලා රට නන්නත්තාර කරලා තියෙන වෙලාවක අනුර කුමාර ගුරුන්නාන්සේලා කියන විදියට 20 වැනි සන්නිය නැටුවොත් ඔහු කියන විදියටම රට අනාතයි. කුජීතයි. රට ආර්ථික වශයෙන් , සමාජයීය වශයෙන් වැටිලා වගේම දැවැන්ත දේශපාලන අර්බුදයකයි රට ඉන්නේ. මේ ප්‍රශ්නවලට 20 වැනි සන්නිය ගෙනත් විසදුම් දෙන්න බැහැ. රටටත් ජාතියටත් වින කරන මේ සන්නිය ගෙනත් විධායක ජනාධිපතික්‍රමය අහෝසි කරන්න අපි සූදානම් නැහැ. දැන් නැව් පිටින් ටොන් ගණන් කුඩු අපේ රටට එනවා. දේශලපාලන ආශිර්වාදයත් ඊට ලැබෙනවා. ඒ වුනාට රෝගීන්ගේ අසරණකම ගැන නම් බලන්නේ නැහැ. ජනතාව සුවපත් කරනවා වෙනුවට සුවපති නිදැල්ලේ. වකුගඩු රෝගීන්ට ප්‍රමාණවත් බෙහෙත් නැහැ. පිළීකා රෝහලේ වෛද්‍යවරුන් හා රෝගීන් කියන්නේ අත්‍යාවශ්‍ය බෙහෙත් නැති බවයි. තියෙන බෙහෙත් ටිකත් ප්‍රමිතයෙන් තොරයි. ඒ වුනාට තමන්ගේ හිතවත්තු මේ ජාවාරමේ ඉන්නේ. සුවපතිතුමනි, මාධ්‍ය සංදර්ශණ තියන්නේ නැතිව රෝහල්වලට ගිහින් රෝහල්වල අඩුපාඩි සොයා බලන්න. රෝගින් සිටින්නේ ඛේදනීය තත්ත්වයක. වකුගඩු හා පිළීකා රෝගීන්ට අත්‍යාවශ්‍ය බෙහෙත් ටිකවත් ලබා දෙන්න.
රනිල් වික්‍රමසිංහ ආන්ඩුවේ අවසාන අයවැය තීරණාත්මක අයවැයක්. සුන්දර වචන සෙට් එකක් එක්ක අයවැය ඉදිරිපත් කරයි. ජනතාවට සිනි බොල ටොපි චොකලට් දෙයි. ප්‍රාදේශීය ලේකම් කාර්යාල එක්ක ක්‍රියාත්මක කරන්න හදන වැඩපිළීවෙල දැක්කාම තේරෙනවා ජනතාව අන්දන්න ලෑස්ති වෙන්න හදන බව පේනවා. රටේ රාජ්‍ය සේවකයාට වගේම පුද්ගලික සේවකයාටත් සහන අවශ්‍යයි. අපි වීදි සටන් වලට බැහැලා දුක් විදින ජනතාව වෙනුවෙන් දැඩික්‍රියාමාර්ග ගන්න සූදානම්.

පාර්ලිමේන්තු මන්ත්‍රී ඉන්දික අනුරුද්ධ මහතා
ආණ්ඩුව පටන් ගත්ත දවසේ මේ දකවා ගොවීන් කම්කරැවන් වෘත්තීයවේදින් ගුරුවරුන් විශෟව විද්‍යාල ශිෂ්‍යයින් ආණ්ඩුවට එරෙහිව පෙළ ගැසුනා. ආන්ඩුව දකුණු අත කරන දේ වම් අත දන්නේ නැහැ වගේ, ආන්ඩුවට අවශ්‍ය දේ කළා මිස රටට අවශ්‍ය දේ කලේ නැහැ. රට දිනෙන් දින ආර්ථිකයෙන් විරැකියාවෙන් කඩා වැටිලා ස්ථාවරත්වය නැති වුනා. අධ්‍යාපනයට සියයට 6ක් වෙන් කරනවා කියලා ඇවිත් කිසි දෙයක් කරන්න බැරි වුනා.
දැන් ආන්ඩුවේම පාර්ශ්වයන් වුන ජනතා විමුක්ති පෙරමුණ නැවතත් 20 වෙනි සංශෝධනය ගේන්න යනවා. කළින් ගෙනත් අධීකරණ මතය ප්‍රකාශ කරලා තියෙනවා. මේ ගැන විපක්ෂ නායකතුමා එක්ක සාකච්ඡා කරන්න හදනවා. විපක්ෂ නායකතුමා ජනතාව වෙනුවෙන් සාකච්ඡාවලට එක්වෙයි. හැබැයි අපි දන්න ජනතා විමුක්ති පෙරමුණට බැහැ රටේ පොදු ජනතාවගේ ඉල්ලීම් ඉටු කරන්න බැහැ. 6 දෙනෙක් පාර්ලිමේන්තු ආවේ මුලු රටෙන් ම ඡන්ද ලක්ෂ 5ක් අරන්. වැඩ කරන්න හදන්නේ ඒ අය තමයි නායකයෝ කියලා හිතාගෙන. රටේ ජනතාව 80 ගණන්වල වගේ අන්දන්න සූදානම් වුනත් ජනතාව අදින්න සූදානම් නැහැ. 20 වෙනි සංශෝධනයෙන් විධායක ජනාධිපතිධූරය නැති කරලා පාර්ලිමේන්තුව ඇතුලේ ඉන්න 225 දෙනා අතරෙන් යෝජනාවකින් ජනාධිපතිවරයෙක් පත්කර ගන්න මේ වෑයම් දරන්නේ. ඩිල් කුමාර කියන නම හරියටම හරි. බල්ලා විසින් නැට්ට වනනවා මිස නැට්ට විසින් බල්ලා වනන්නේ නැහැ කියලා අපි අහලා තියෙනවා. දැන් නැට්ට තමයි බල්ලා වනන්න හදන්නේ. මේපක්ෂය හා පුද්ගලයෝ හැම මොහොතෙම පාර්ලිමේන්තුවේ තනතුරු ටික අරන් කලේ තමන්ගේ පක්ෂේ ගොඩනගා ගන්න එකයි. උදාහරණයකට වත්මන් ක්‍රමයට මැතිවරණය තැබුවොත් තමන්ගේ නියෝජිතයින් ගණන වැඩි කරගන්න පුලුවන් කියලා හිතලා පළාත් පාලන මැතිවරණය පැවැත්වුවා. දැන් 8000ට වැඩි මන්ත්‍රීවරු ප්‍රමාණයක් ජනතාව විසින් නඩත්තු කරනවා. පළාත් සභා යෝජනාව ගෙනත් පාර්ලිමේන්තුවේ අගමැතිවරයාට කිව්වා මාස හතරක් ඇති මැතිවරණය තියන්න අපි මේක කරගෙන යන්නම් කියලා. දැන් 20 ගේනවා. ඇයි 20 ගේන්නේ. මේ අයට ජනාධිපති අපේක්ෂකයෙක් නැහැ. ඔවුන් අපේක්ෂකයෙක් ඉදිරිපත් කලොත් ඡන්ද ලක්ෂ තුන හතරකට සීමා වෙන නිසයි කෙටි මාර්ගයකින් එන්න හදන්‌නේ. අද එජාපයෙන් ඉදිරිපත් කරන අපේක්ෂකයාටත්, ජවිපේ අපෙක්ෂකයෙක් ඉදිරිපත් කලොත් ඒ අපේක්ෂකයාටත්, වෙනත් පක්ෂයකින් අපේක්ෂකයොත් ඉදිරිපත් කලොත් ඒ අපේක්ෂකයින්ටත් අභියෝගයක් තියෙනවා. නමුත් මහින්ද රාජපක්ෂ මහතාගේ
ආශිර්වාදයෙන් ඉදිරිපත් වෙන අපේක්ෂකයාට කිසිම අභියෝගයක් නැහැ. ඒ අපේක්ෂකයා වෙනුවෙන් ජනතාව සූදානම් වෙලා ඉන්නේ. අපි යුද්දේ ජය ගත්තේ 20 නැතිව, විධායක ජනාධීපතික්‍රමයක් එක්ක.
මත්ද්‍රව්‍ය යුද්ධයෙන් රට දිනාගන්න නම් විධායකය තිබිය යුතුයි. විධායකයේ තියෙන නුසුදුසු දේ ගැන මහින්ද රාජපක්ෂ මහතා කතා කරයි. එහෙම නැතුව මහින්ද රාජපක්ෂ මහතාට බලය ලබා දෙන්නයි මේකටයුතු කරන්නේ කියනවා වගේ , නංගි පෙන්නලා අක්කා දෙන ගේම ගහන්න නම් බැහැ. මහින්ද රාජපක්ෂ කියන්නේ පරිනත දේශපාලකයෙක්. අපිට ඉතිහාසය මතකයි. මහින්ද රාජපක්ෂ මහත්තයාගේ කෙටි කාලීන ආන්ඩුවෙන් ජනතාවට මොන තරම් සහන ලැබුණද. ඒ ආන්ඩුව එපා කියලා වෙනස් කරන්න දැගලුවේ අද සාකච්ඡාවලට එන්න හදන අනුර කුමාර දිසානායකලා. එදා ජනතාවගේ පොහොර මිල අඩු වුනාත ඉන්ධන සහනාධාරය ලැබුනා. සියලු දෙනා එක්ක සාකච්ඡා පටන් ගත්තා. මේක බලාගෙන ඉන්න බැරිවයි ජනතා විමුක්ති පෙරමුණ ආන්ඩුවට සහාය වෙන වැඩපිළිවෙලකට ගියේ. ඒ වගේම යුද්ධය අවසාන වෙන අවස්ථාවේ යුද්ධය අවසන් වුනොත් මහින්ද රාජපක්ෂ මහතාව නතර කරන්න බැහැ. මිනිස්සුන් තුළ ඇති වන විශ්වාසය නැති කරන්න බැහැ වගේ දේවල් ගැන හිතලා එවැනි කුහක සිතුවිල්ලකින් ආන්ඩුවෙන් ඉවත් වුනා. එවැනිකුහකකම් තියෙන පක්ෂයක්. පොර්ට් සිටිය හදන වෙලාවේ රටේ කලුගල් මදිවෙලා ඉන්දියාවෙනුත් කලු ගල් ගේන්න වෙයි කිව්වා. අද පොර්ට් සිටිය හැදිලා ඉවරයි. උමා ඔය හදපුවාම මුලු පළාතම විනාශ වෙනවා. ඒ පළාතට වතුර කදුලක් නැති වෙනවා කිව්වා. අද ඒ ව්‍යාපෘතියෙන් සියයට 70ක් වැඩ අවසන්. නොරොච්චෝලේ බලාගාරේ හදද්දි කිව්වා පුත්තල් පැත්තට යන්න බැරි වෙනවා කියලා. අද නොරොච්චෝලේ බලාගාරය නිසා තමයි සියයට 90ට වැඩි ප්‍රමාණයකට විදුලිය දෙන්න පුලුවන් වුනේ. ඒ නිසා කුහකකමින් 20 ගේන ආන්ඩුව සම්බන්ධයෙන් අපි අවධානයෙන් ඉන්නේ.
ආන්ඩුවට තව අභියෝගයක් තියෙනවා. අයවැය පස්වෙනිදා ඉදිරිපත්කරන්න නියමිතයි. මේක ආන්ඩුවේ අවසාන අයවැය. ලබන වසරේ අයවැය ගේන්න මේ ආන්ඩුව තියෙන්නේ නැහැ. මේ ආන්ඩුව ගේන පස්වෙනි අයවැය මේක. කිසිම අයවැයක සාධනීය ලක්ෂණයක් තිබුනේ නැහැ. සිංහ ලීලාවෙන් කතා කරන මන්ත්‍රීවරු එක වැය ශිර්ෂයක් පරාජය කරන්නේ නැහැ. සිරිකොතේ අහවල් දේවල් පාවිච්චි කරනවා කියපු කෙනාව ගෙන්නලා අගමැතිතුමා දෙකයි කිව්වේ. ඒ බොලේ ඒකාබද්ධ විපක්ෂයට විසිකළා. අගමැතිතුමාගේ කාමරයට රිංගුවාට පස්සේ චන්ඩි දාන චන්ඩි මල්ලිලා ඡන්දේ දෙනවා. අඩෛක්කලනාදන් මන්ත්‍රීවරයා පුවත්පතට ප්‍රකාශයක් කරමින් කියලා තියෙනවා දෙමළ සන්ධානය අයවැයට පක්ෂව ඡන්දය දෙන්න සාකච්ඡා කරනවාලු. මේකේතියෙනවා අතුරුදන් වුවන ්පිළිබද, සිරගත වූවන්, ඉඩම් සම්බන්ධ ගැටලුව තියෙනවා. මේවා වෙනුවෙන් ගිවිසුම් අත්සන් වෙනවා. දෙමළ ජනතාවඉල්ලන්නේ මේවා නෙවේ. දෙමළ ජනතාවගේ ප්‍රශ්නවලට විසදුම් ලැබෙන්නේ නැහැ. නිවාස ඇමැති හම්බන්තොට ගෙවල් විවෘත කරද්දි පෝස්ටර් වදින්නේ කොළඹ. හම්බන්තොටට දුන්න නිසාව ප්‍රමාණයම දුන්න තව දිස්ත්‍රික්කයක් පුලුවන් නම් කියන්න. අධ්‍යාපන ඇමැති කුලියාපිටියේ පාසල්විතරයි හද්නනේ. රටේ අනෙක් පළාත් වල දරුවෝ ඉගෙන ගන්නේ නැද්ද. අය වැයට අපි වෙන් කරපු මුදල්වලින් මහින්දෝදය 1000ක් එකවර මුල්ගල තියලා එකවර විවෘත කළා. ලෙඩ්ඩු ඉන්නේ කලුතර විතරද. මේ ආන්ඩුව මුලු රටම විනාශ කරලා. කලුතරට විතරක් වැඩ කරන සෙක්‍ය ඇමැති කෙනෙක් ඉන්නේ. අනෙකුත් දිස්ත්‍රික්කවලත් මේ ගැටලුව තියනවා. මේ අයවැයෙන් බලය අල්ල ගෙන යන්නයි හදන්නේ. උතුරේ ජනතාව දරුවෝ මත්ද්‍රව්‍යවලින් බේරා ගන්න කියනවා. පාසල් හදන්න කියනවා. ප්‍රවාහනය දියුනු කරන්න කියනවා. ජනතාව සූදානම් මේ ආන්ඩුවටත් ආන්ඩුවට සහාය දුන්න අයටත් විරුද්ධව ඡන්ද දෙන්න. දෙමළ සන්ධානය මේ වංචාවන්ට අහු වෙන්න එපා කියලා අපි ඉල්ලා සිටිනවා. සුමන්දිරන්ගේ වුවමනාවන් ඉෂෟඨ වුනාට ඒ ජනතාවගේ වුවමනාවන් ඉෂ්ට වෙලා නැහැ. ජනතා විමුක්ති පෙරමුණ 20 සම්මත කරගන්න අපි පස්සේ එන්නේ ඇයි. ජනමතය තියෙන්නේ අපි එක්ක කියලා දන්න නිසා. පළමුව නයා මැරීමයි වැදගත් වෙන්නේ.ඊට පස්සේ භූමිය ආරක්ෂා කරගන්න පුලුවන්. ඒ නිසා 20 එක්ක එන නයා මරලා භූමිය ආරක්ෂා කර ගන්න ඒකාබද්ධ විපක්ෂයට පුලුවන්. ඒ නිසා මැතිවරණ සිහිනයක්. ආන්ඩුව මැතිවරණ දෙන්නේ නැහැ. ආන්ඩුවෙන් මැතිවරණයක් ගන්න අවශ්‍යයි. සියලු බලවේග එකතු වෙලා මේ ආන්ඩුව එළවන්න සූදානම් වෙන්න.

අද ( 28) දින මාධ්‍ය සාකච්ඡාවට සහභාගි වූ නියෝජිතයින්

පාර්ලිමේන්තු මන්ත්‍රී කනක හේරත් මහතා
පහුගිය කාලයේම ශ්‍රී ලංකා පොදුජන පෙරමුණ ඇතුළු පක්ෂවල පුලුල් සන්ධානයක් සම්බන්ධයෙන් සාකච්ඡා වුනා. ඊයේ වෙනකොට ශ්‍රී ලංකා පොදුජන පෙරමුනෙන් මේ සාකච්ඡා සදහා අපේ පක්ෂයේ සභාපති මහාචාර්ය ජි. එල්. පීරිස් මහතා, හිටපු අමාත්‍ය පාර්ලිමේන්තු මන්ත්‍රී ඩලස් අලහප්පරෙුම මහතාත්, ජ්‍යෙස්ඨ කතිකාචාර්ය ජගත් වැල්ලවත්ත මහතාත් පත්කරලා තියෙනවා. එක්සත් ජාතික පක්ෂය ගෙදර යවන වැඩපිළිවෙලක් සදහා පුලුල් සන්ධානයක අවහ්‍යතාවය අද තිබෙනවා. ඉතිහාසයේ සිද්ධවුනු වැරදි නැවතත් සිදුනොවන ආකාරයෙන් සහ ශ්‍රී ලංකා පොදුජන පෙරමුණ ප්‍රමුඛත්වයෙන් තියලා මෙම සන්ධානය ගොඩ නගන්න කියලා අපි සාකච්ඡාවලට සම්බන්ධ වෙන සියලු දෙනාගෙන් විශේෂ ඉල්ලීමක් කරනවා. පසුගිය වසරේ 19 වෙනි සංශෝධනය ගෙන විට අපි ඒකාබද්ධ විපක්ෂය ලෙස ඊට විරැද්ධත්වය ප්‍රකාශ කළා. විධායක ජනාධිපතිධූරය අහෝසි කිරීම සම්බන්ධයෙනුත් ඒකාබද්ධ විපක්ෂයේ වැඩිදෙනෙක් සිටින්නේ විරුද්ධවයි. විධායක ජනාධිපතික්‍රමය අහෝසි කිරීමේ වැඩ පිළිවෙල සම්බන්ධයෙන් නැවත සලකා බලන්න කියලා අපි ඉල්ලා සිටිනවා. හැමදාම එකට හිටපු ඒකාබද්ධ විපක්ෂයේ කණ්ඩාඩායම තුළ භේදයක්තිබුනේ නැහැ. අපිව මර්ධනය කරද්දිත් අපි කණෟඩායමක් ලෙස ඊට මුහුණ දුන්නා. ජනතා විමුක්ති පෙරමුණ විධායක ජනාධිපතිධූරය අහෝසි කරන 20 වැනි සංශෝධනය ඉදිරිපත් කරලා අපේ කණ්ඩායම කැඩීමයි බලාපොරොත්තු වෙන්නේ. අද වෙද්දි එජාපයේ නායකයෝම කියනවා එහි ඉන්න ලොම් හැලුනු නායකයින්ට ජනධිපතිවරණයට ඉදිරිපත් වෙලා ජය ගන්න බැරි බව. ජවිපේ නායකයෝ එජාපයට තවත් කඩේ යන්න බැරි බව දන්නවා. දෙමළ ජාතික සන්ධානයත් රනිල් වික්‍රමසිංහ මහතාට ජයගන්න බැරි බව දන්නවා. ඒකනිසයි ඒකාබද්ධ විපක්ෂයේ කණෟඩායම බේද කරන්න උත්සාහ කරන්නේ. මේක තමයි මේ අයගේ උපාය මාර්ගය.
1977න් පස්සේ බහුතරයක් ඇතිව ආණ්ඩු පිහිටවලා තියෙන්නේ අවස්ථා දෙකකදි පමණයි. 1989 හා 2010දියි. එවැනි තත්ත්වයකින් රට පාලනය වුනේ විධායක ජනාධිපති බලතල සහිතවයි. 2004 බලයට පත්වෙලා එදා කතානායකවරයෙක් තෝරා ගන්න හැකියාවක් ඒ රජයට තිබුනේ නැහැ. එහෙම වෙලත් යුද්ධය ජයගන්න මහින්ද රාජපක්ෂ මහතාට හැකිවුනා වගේම එදා රජය ස්ථිර රජයක් ලෙස කටයුතු කළා. 19 වැනි සං‌ශෝධනය ගෙනඒම තුළින්මවිධායකය ව්‍යව්සථාදායකය අධීකර ණය අතර අවුල් ඇති වෙලා. ජනාධීපතිවරයාට මැතිවරණයක් තියන්න බැරි තත්ත්වයක්, කොමිෂන් සබා පිස්සුවෙන් වගේ කටයුතු කරන තත්ත්වයක් ඇති වෙලා. ජනාධිපතිතුමා කියන විදියට එතුමාට බැදුම්කර හොරුන්ව අල්ල ගන්නවත් බැරි තත්ත්වයක් ඇතිවෙලා තියෙන්නේ. ජනාධිපතිධූරය නැති වුන දවසට ජනාධිවරයා රූකඩයක් වෙනවා. ජනාධිපතිවරයා පළාත්වලට පත්කරන ආන්ඩුකාරවරයා ජනාධීපතිවරයා හා සමානම රූකඩයක් බවට පත්වෙනවා. අගමැති රනිල් වික්‍රමසිංහ කියනවා 19 වැනි සංශෝධනය නිසාලු මාකදුරේ මදූෂ්ව ඇල්ලුවේ. පෙබරවාරි 04 වැනිදා අපි නිදහස සමරනවා වගේ පෙබරවාරි 27 වැනිදාට ජනතාව මහ බැංකු මංකොල්ලය සමරනවා. 19 වැනි සංශෝධනය ගෙනත් මදූෂ්ව අල්ලගන්න පුලුවන් වුනාට අර්ජුන මහේන්ද්‍රන්ව අල්ලගන්න තවම බැරිවුනාද කියලා අපි අගමැතිවරයාගෙන් අහනවා. මේ රජය මහා බැංකුමංකොල්ලය හා සමාන මංකොල්ලයක් තමයි ඊ.ටී.අයි මංකොල්ලයත්. මේ නිසා ජනතාව විශාල ගැටලුවකට මුහුණ දීලා ඉන්න නිසා කඩිනමින් විසදුමක් දෙන්න කියලා අපි ජනාධිපතිවරයාගෙන් ඉල්ලා සිටිනවා.
මානව හිමිකම් කොමිෂමෙන් ඇමරිකාව ඉවත් වුනත් ඇමරිකාව එක්ක අත් වැල් බැදගෙන වාර්තාව දුන්න ශ්‍රී ලංකා රජයට එයින් ඉවත් වෙන්න බැහැ. හරියට නිවට කරණවෑමියා දැකලා එලුවෝ රැවුල් කපන්න ඇහුවා වගේ. පහුගිය දවස්වල ඉන්දියාවෙන් ගිහින් පකිස්ථානයේ බෝම්බ ප්‍රහාරයක් සිදුකරනවා. අපේ රටේ එහෙම දෙයක් වුනානම් අපේ රටේ ඉන්න නායකයෝ රණවිරැවන්ව අරන් ගිහින් භාරදෙයි. ජිනීවා සමුලුවට ගිහින් රට පාවා දුන්නේ මංගල සමරවිර ඇමැතිවරයායි. ජෝන් අමරතුංග මහතාගේ වසර 40 දේශපාලන ජිවිතය සැමරුවේ කාදිනල්තුමාගේ ප්‍රධානත්වයෙන්. මේ විදියට මංගල සමරවිර ඇමැතිවරයාගේ 30 වසරක දේශපාලන ජිවිතය සමරන්නත් සූදානම් වෙනවා. ඔහු අපේ රණවිරුවන් දංගඩෙියට ගෙනියන්න හදන සමන්තා පවර්ස් කියන කාන්තාවගේ ප්‍රධානත්වයනේ තමයි සමරන්න හදන්නේ. මංගල සමරවිරට ඡන්දය දුන්න අයත් මෙවැන්නෙක් අපේ නායකයා කර ගැනිම ගැන දුක්විය යුතුයි.
රනිල් වික්‍රමසිංහ අගමැතිවරයා රන්ජන් රාමනායකට පක්ෂය ආරක්ෂාවන පරිදි කටයුතු කරන්නයි කියලා තියෙනවා. මේක තමයි ඇත්ත. මොන හොරකම වුනත් අවසානයේදී සියලු දෙනා නිර්දෝෂී වෙනවා. අද වෙද්දි කොකේන් කමිටුවෙන් සියලු දෙනා නිර්දෝෂී කරලා. එදා අර්ජුන මහේන්ද්‍රන්ව නිර්දෝශ කළා වගේමයි.
කෑගල්ල දිස්ත්‍රික්කයේ 2001 සිට පාර්ලිමේන්තුව නියෝජනය කරන වත්මන් රාජ්‍ය ඇමැතිවරයෙක්ට මාවනැල්ල ආසනයෙන් ඉල්ලා අස්වෙන්න කියලා එක්මසත් ජාතික පක්ෂයේ සභාපතිවරයා බලපැම් කරනවා. දේශපාලන නායකයෝ කිසිකෙනෙක්ට මාවනැල්ලෙන් කෑගල්ලෙන් නැගිටින්න බැරිවුනා. දේශපාලනයෙන් ඉදිරියට යන්නේනැතිව කකුලෙන් අදින එජාප පාක්ෂිකයින්ට අපිත් එක්ක අත්වැල් බාදගන්නයි කියලා ආරාධනා කරනවා.
පාර්ලිමේන්තු මන්ත්‍රී ජානක වක්කුඹුර මහතා මේ ආන්ඩුව කමිටු කිහිපයක් පත් කරලා තියෙනවා. පාර්ලිමේන්තුවේ හැසිරිම සම්බන්ධයෙනුත් කමිටුවක් පත්කරලා තියෙනවා. රන්ජන් රාමනායක ඇමැතිවරයාගේ හැසීර්ම සම්බන්දයෙන් බලන්න. පළමුවෙන් කිව්වා කැබිනට් ඇමැතිවරු කොකේන් ගහනවාකිව්වා. ඊට පස්සෙ පක්ෂ විපක්ෂ දෙගොල්ලොම කියලා. ඊටත් පස්සේ කිව්වා හිටපු ඇමැතිවරු කියලා. වැඩිපුරම ඉන්නේ ඒකාබද්ධ විපක්ෂයේ අයලු. කිසිම ඇමැතිවරයෙක් නැහැකිව්වත් අපිට දැන් ඒකත් පිළිගන්න වෙලා. රන්ජන් රාමනායක කියපු දේ දැන් කමිටුවෙන් ප්‍රතික්ෂේප වෙලා. කතානායකවරයාගේ වගකිම මන්ත්‍රීවරු 225 දෙනා වෙනුවෙන් විශේෂ කමිටුවක් පත්කරලා, රන්ජන් රාමනායකගේ හඩපට ටික අරගෙන ගෙන රන්ජන් රාමනායකට විරුද්ධව පරික්ෂණයක් කරලා දඩුවම් කිරිමයි. මුලු ලෝකෙටම කෙකේන් ගහන අය පාර්ලිමේන්තුවේ ඉන්නවා කියපු මොහුට විරුද්ධව දඩුවම් දෙන්න අවශ්‍යයි. එජාපයේ කමිටුවක් පත්කරලා ඔවුන් නිදහස් කියලා වැඩක් නැහැ. මේ සිද්ධිය ලොකෙට ගිහින් ඉවරයි. හරියට පරික්ෂණයක් කරලා දඩුවම්කළ යුතුයි. ආන්ඩුව ඇතුලෙන් හොක්කට ගහනවා කියපුවාම කියපු දේ වෙනස් වෙනවා.
අපි මේ කමිටුවල දේවල් පිලිගන්නේ නැහැ. පාර්ලිමේන්තුවේ කමිටුවක්පත්කරලා ඒකේ ඒකාබද්ධ විපක්ෂයේ සියලු දෙනාම ඉන්නවාලු. එතන ගහගත්ත එජාප පිරිස කමිටුවෙන් ඉවත් කරලා. දුලිප් වෙදආරච්චි පාර්ලිමේන්තුවේ සරම උස්සලා පෙන්නුවා. ඒකපාර්ලිමේන්තුවට අපහාසයක් නෙවෙයිද. ඒකාබද්ධවිපක්ෂයේ අයට විතරක් පරීක්ෂණ කරන්නේ නැතිව සියලු දෙනාට එරෙහිව පියවර ගන්න අවහ්‍යයි.
මහ බැංකු හොරකම අගමැතිවරයා සුද්ධ කළා. දැන් ජනාධිපතිතුමාකියනවා මේ ආන්ඩුව ඉන්න කල් බැදුම්කර හොරුන්ට දඩුවම් දෙන්න බැහැලු. ඒකියන්නේ හොරුටික ඉන්නේ ආන්ඩුවේ. ඒක නිසයි අපි කියන්නේ ඇත්ත හොරුන්ට දඩුවම් දෙන්න මේ ආන්ඩුව‌ෙ ගදර යවන්න කියලා. පහුගිය කාලේ විවිධ සංවිධාන තිබුනා. ඒ අය මේසම්බන්ධයෙන් වචනයක් කියන්නේ නැහැ.මේ ආන්ඩුව තියෙනකල් මහ බැංකු හොරුන්ට දඩුවම් දෙන්න බැහැ. මොවුන් ගෙදර යවලා සැබෑ හොරුන්ට දඩුවම් දෙන්න එකතු වෙන්න.
මුල්‍ය අපරාධ ක‌ොට්ඨාශය නීති විරෝධීව හැදුවේ ඒකාබද්ධවිපක්ෂයට දඩුවම් දෙන්න. එහි ස්ථානාධිපතිවරයා විශ්‍රාම යද්දි කියනවා එතුමා චූදිතයින්ට තොරතුරු දුන්න බව. අපි මෙය කිව්වේ වේලාසන. මේක ආන්ඩුවේ වුවමනාවන් ඉෂ්ඨ කරන තැනක් වෙලා තිබුනා. මේකත් පොලීසිය. මේ පොලීසය මගින් ආණ්ඩුව කලේ මර්ධනය. ගාල්ල සිද්ධිය අපේ කාලයේ වුනානම් පොලිස්පති අයින් වෙන්න කියනවා. අපේ කාලයේ පොලිස්පතිතුමා ඉල්ලා අස්විමක්වුනා.
මධ්‍යෙයෙන් ගාල්ලේ සිද්ධිය හෙලිනොකලා නම් දරුවෝ වෙනුවෙන් කවුරුත් ඉදිරිපත් නොවුනානම් මේ සිද්ධිය යටපත් වෙනවා. ඒ නිසා මාධ්‍යයට අපි ස්තූති වන්ත වෙනවා. පොලීසිය වැරැද්දක් කළාම අයිතිකාරයෙක් නැහැ. මේ ආන්ඩුව මර්දන කාරිව මිනිස්සු බයකරන වැඩපිළිවෙලක් ගෙනියන්නේ ඡන්දයක් ළග නිසයි. ජනාධිපතිවරණයට පෙර නව ආන්ඩු ක්‍රම ව්‍යවස්ථාවක් සම්මත කරන්න බැහැ. ආන්ඩුවට තියෙන්නේ 103යි. විධායක ජනාධිපතිකම අහෝසි කරන්නේ ජනාමත විචාරණයකින්. ඒ නිසා කෙරෙන්නේ නැති දේවල් කතා නොකර කරන්න තියෙන දේ කරමු. ආන්ඩුව පලාත් සභා මැතිවරණය තියන්නේ නැහැ. එන්නේ ජනාධිපතිවරණය. එතෙක් ආන්ඩුව අල්ලා ගෙන යාමයි කරන්නේ. ඒ නිසා ආන්ඩුව ගෙදර යවන්න එකතු වෙන්න කියලා අපි විපක්ෂයේ සියලු දෙනාට කියනවා. ආන්ඩුවෙන් රුපියල් 1000 අරන් දෙනවා කියපු දිගම්බරන් අතුලු කට්ටිය ඒක අරන් දුන්නාද. හැමදාම කදුකරයේ මිනිස්සු රවටනවා. දැන් ඉල්ලා අස්වෙන්න කියලා අපි ඒ අයට කියනවා. ඔය ඇමැතිවරුන්ට ඔ්නේ රගපාන්න විතරයි. මේ අය 1000 අරන් දෙන්නෙත් නැහැ. ඇමැතිකම් අත අරින්නෙත් නැහැ.
ලංගම පාඩු ලබන ආයතනයක් වෙලා. සුදුස්සාට සුදුසු තැන දෙන්න අවශයයි. අලුතින් ආන්ඩුව පත්වුනාට පස්සේ හැම ඩිපොවෙම අයට උසස්විම දෙනවා. රස්සාවෙන් දොට්ට දාපු අයට පත්වීමත් එක්ක උසස්වීම් දෙනවා. දැන් ලංගම බස් රථ රාශියක් දුවන්නේ නැහැ. අද කළවානේ ඩිපොවේ පඩි ගෙවා ගන්න බැහැ. ආදායම පක්ෂ 7ක් විතර තිබුණ එක ලක්ෂ 4ට අඩුවෙලා. බස් පාරේ දිව්වේ නැත්නම් ආදායමක් නැහැ. එජාප පාක්ෂිකයාට සලකනවා කිව්වානේ. දැන් මේකරන්නේ ඒක තමයි. නිත්‍යාණූකූලව උසස්වීම් දෙන්න අවශ්‍ය අයට උසස්වීම් දුන්නට කමක් නැහැ. වහාම පරික්ෂණයක් කරලා සුදුසු අයට පත්විම් දෙන්න කියලා අපි ජනාධිපතිවරයාගෙන් ඉල්ලා සිටිනවා.
මේ අයවැයෙන් කිසිවක් බලාපොරොත්තු වෙන්න එපා. ගල් වැලි සියලු දේ වැඩි වෙලා. සාමාන්‍යයෙන් ගෙයක් හදන්න බලාපොරොත්තුවක් තියන් හිටපු අය ගේ බලාපොරොත්තු නැතිවෙලා. මේ අයවැයෙන් ආන්ඩුව ගෙදර යවමු කියලා අපි සියලු දෙනාගෙන් ඉල්ලා සිටිනවා

පාර්ලිමේන්තු මන්ත්‍රී කාංචන විජේසේකර මහතා
න්‍යස්ටික බලවතුන් දෙදෙනෙක් වෙන දකුණු ආසියානු කලාපෙය් ඉන්දියාව හා පකිස්ථානය අතර ප්‍රශ්නයක් ඇතිවෙලා. අපි සිවිල් යුද්ධයක අත් දැකීම් විදලා තියෙනවා. මේ රට වල් දෙක අතර යුද්ධයක් ඇති වුනොත් අපිටත් එහි ප්‍රථිපල භුක්ති විදින්න වෙනවා. මේ ආන්ඩුව මත්තල ගුවන් තොටුපල ඉන්දියාවට දෙන්න හැදුවා. ඉන්දියාව චිනය ඇමරිකාව අතර තියෙන බල අරගලයේ ප්‍රතිඵල අපිට භුක්ති විදින්න වෙන බව අපි එදා කිව්වා. මත්තල ගුවන් තොටුපල ඉන්දියාවට දීමේ කටයුතු වේගවත් කරන්න සූදානමක් තියෙනවා නම් මේ අවස්ථාව ඊට යොදා ගෙන න්‍යෂ්ඨික පොරයෝ මධ්‍යස්ථානයක් බවට අපේ රට පත්කරන්න එපා කියලා අපි ආන්ඩුවෙන් ඉල්ලා සිටිනවා.
මහ බැංකු වංචාවට අවුරුදු 4යි. ජනාධිපති කොමිෂමේ වාර්තාව පිට වෙලත් වසරක්. බැදුම්කර විවාදය තාවකාලිකව තරක කරලත් වසරක් වෙනවා. විවාදය නතර වුන තැන ඉදන් අරඹන්න. අයවැයෙන් පසු පළමු සතියේස මේ වාර්තාව විවාදයටගන්න. මේ වාර්තවේ පිටුගණනාවක් අතුදහන් බවට චෝදනාවක් තියෙනවා. ඒ පිටු පාර්ලිමේන්තුවටඉදිරිපත් කරන්න කියලා අපි ඉ්ලලා සිටිනවා. අර්ජුන මහේන්ද්‍රන්ට ආරක්ෂාව දුන්නේ ගඅහමැතිවරයා. විදේශ ගමන් බලපත්‍රය අහෝසිකරලා හෝ ඔහු මෙරට රදවා ගන්න පියවර නොගත්ත නිසා දැන් ඔහු විදෙස්ගත වෙලා තියෙනවා.
ජවිපෙන් මහ බැංකු වංචාව ගැන අගමැතිවරයාට චෝදනා කරනවා. මෙවැනි අගමැතිවරයෙක් ඉන්න බව දැනගෙන අගමැතිවරයාට එරෙහි විශෟවාසභංග යෝජනවාට අත්සන් කලේ නැහැ. ආන්ඩුව වෙනස් වුනාම නැවතත් රනිල් වික්‍රමසිංහ පත් කරන්න කියලා දුවන් ගියේ විජිත හේරත් මන්ත්‍රීවරයා. දූසිතයින් ආරක්ෂා කරන්නේ ජනතා විමුක්ති පෙරමුණයි.
අද ජිවන වියදම වැඩිවෙලා. ත්‍රස්තවාදින් මහ බැංකුවට කළ ප්‍රහාරයෙන් ජිව.ත 91ක් අපිට අහිමි වුනා. මේ ආන්ඩුවෙන් වුනප්‍රහාරයෙන් සෑමපුරවැසියෙක්ම වසර 30ක් යනතුරු ණයකාරයෝ වෙලා. පහුගිය ැයවැයෙන් වගේම මේ අයවැයෙනුත් විවිධ යෝජනා එයි. 2018 වසරේ අයවැයෙන් ඉදිරිපත් කරපු යෝජනා කීයද ඉටුකලේ. සිමෙන්තිවල වැඩි කරපු මුදල අඩු කරන්න තඅසාහයක් ගනියි. මේ සියලු දේ කරන්නේ මැතිවරණයක් ඉලක්ක කරගෙන. බැදුම්කර චූදිතයින් අත් අඩංගුවට ගෙන ඒ මුදල් පියවා ගන්නේ නැත්නම් මේ කිසිම පොරොන්දුවක් යථාර්ථයක් වෙන්නේ නැහැ.
මංගල සමරවිර ඇමැතිවරයාගේ 30 වසරක දේශපාලන ජීවිතයට සුබ පතනවා. එතුමා පහුගිය කාලයේ ගත්ත තින්දු තීරණ දිහා බලද්දි බරපතල කලු පැල්ලමක් එල්ල වන තැනක් තියෙනවා. 2015 දි ඇමරිකානු තානාපතිවරිය සමන්තා පවර් එක්ක යෝජනාවක් ගෙනාවා. මේක අමාත්‍ය මණ්ඩලයට හෝ පාර්ලිමේන්තුවට ගෙනාවේ නැහැ. අද වෙද්දි ඇමරිකාව මානව හිමිකම් කවුන්සිලයෙන් ඉවත් වෙලා. ඒනිසා ජනාධිපතිවරයාගෙනුත් ආන්ඩුවෙනුත් අපි ඉල්ලීමක් කරලා තියෙනවා. එක්සත් ජාතින්ගේ සැසිවාරයේදී ලිඛිත ඉල්ලීමක් කරන්න මේ යෝජනාවෙන් ලංකාව පාර්ශවකාරයෙක් විදියටඉල්ලා අස්වෙනබවට. මංගල සමරවීරටත් පුලුවන් සමන්තා පවර් ඉදිරියේ ඒ සම යෝජනාව ඉවත් කරන බව හෝ එතුමාගේ කතාවේදි කළ හැකියි.
විධායක ජනාධිපතිධූරය ඉවත්කිරිමේ යෝජනාවක් ඇවිත් තියෙනවා. ජනාධිපතිවරණයට අදාලව ව්‍යවස්ථාවේ නිර්වචනය ක් තියෙනවා. ඒ අනුව ඊළග ජනාධිපතිවරණය දෙසැම්බර් 09ත් නොවැම්බර් 09ත් අතර පැවැත්විය යුතුයි. ඔක්තෝම්බර් 05 වැනිදා වෙද්දි ජනාධිපතිවරණය කැදවීමේනිවේදනය නිකුත් කළ යුතුයි. ඔක්තෝම්බර් 05 සිට නොවැම්බර් 05 දක්වා නාමයෝජනා කැදවන්න අවශ්‍යයි. ජනාධිපතිවරණය අහෝසිකිරීමේ යෝජනාව ගේන්නෙත් මැතිවරණය කල් දා ගන්නයි. මේක ප්‍රායෝගික නැති හිස් යෝජනාවක්. මෙහෙම යෝජනාවක් ගේනවා නම් ඇත්තටම කොකේන් ගහපු කෙනෙක්. විධායක ජනාධිපතික්‍රමය අහෝසි කිරිම ගැන අපිට සාකච්ඡා කරන්න පුලුවන්. මේ ආන්ඩුවට ඒ ගැන සාකච්ඡාවක් කරන්න ජන වරමක් නැහැ. අලුත් පාර්ලිමේන්තුවකදී අපි මේ සම්බන්ධයෙන් සාකච්ඡා කරමු. අපි විපක්ෂයේ කණෟඩායමක් විදියට හිතන්නේ විධායක ජනාධිපතිධූරය අහෝසි කිරීමට විරුද්ධවයි ඡන්දය දෙන්නේ. ඒකාබද්ධ විපක්ෂය නියෝජනයකරන අයගෙන් සියයට 90ට වැඩි පිරිසක් මේ යෝජනාව මේ මොහොතේ ගෙනාවොත් පරාජය කරන්න සූදානම්.
ඩි. වි චානක මන්ත්‍රීවරයොගේ වාහනයට අනිතික දෙයක් දමන්න ගිය බවට පැමිණිලි ඉදිරිපත් වෙනවා. විපක්ෂයේ මන්ත්‍රීවරුන්ට මෙවැනි අවධානමක් තියෙන නිසා ආරක්ෂාව තහවුරු කරන්නයි ඒ පැමිනිල්ලෙන් ඉල්ලා තිබුනා.
මිට මාස කිහිපයක පෙර සජිත් ප්‍රේමදාස නිවාස අරමුදලේ මුදල් මගින් තමන්ගේ ප්‍රතිරුපය නංවා ගැනීමට කරන දේවල් සම්බන්ධයෙන් එලිවුනා. ඒ එලි කිරිම කිරීමෙන් පසුව චානක මන්ත්‍රීවරයා මත්කුඩු වලට සම්බන්ධබව හැගෙන පුකාශයක් සජිත් ප්‍රේමදාස කලා. මේ නිසා අපිට සැකයක් තියෙනවා. නිතීඥවරු කණ්ඩායමක් පසුගිය දවස්වල සිදුවුන ඝාතන සම්බන්ධයෙන් චානක මන්තී්‍රවරයා සම්බන්ධයි කියන්න උත්සාහ කරනවා. ඒ මාධ්‍ය හමුව පැවැත්වෙන්නෙ ්සජිත් ප්‍රේමදාස ඇමැතිවරයා වෙනුවෙනුයි. චානක මන්ත්‍රීවරයා ඉලක්ක කරගෙන කිසියම් වැඩපිළීවෙලක් දියත් වෙන බවයි පෙන්නේ. ඒනිසා විපක්ෂයේ මන්ත්‍රීවරුන්ගේ ආරක්ෂාව තහවුරු කරන්න. මේ විදියට චෝදනා එල්ල කරලා විපක්ෂයෙ දේශපාලනයින් දඩයම් කරන්න හදන්නේ. මන්ත්‍රිවරු 54ක් කළහකාරි ලෙස හැසිරැනු බවට චෝදනා එල්ල වුනා. එහි එජාප මන්ත්‍රීවරු එක්කෙනයි. කතානායකවරයාගේ බෑනාමයි එතුමගේ පිටුපස්සේ හිටියේ. හරින් ප්‍රනාන්දුත් අපි දැක්කා. එජාපයේ මන්ත්‍රීවරු20ට වැඩි පිරිසක් කතානායක පුටුව අසලට ආවා. බෑනා පුටුව අසලට එනවා දැක්කේ නැද්ද. පිහි අරන් ආවා දැක්කේ නැද්ද. මේක ඒකපාර්ශ්වික වාර්තාවක්. නැවතත් කමිටුවක් පත්කරලා ස්වාධින පරික්ෂණයක් කරන්නයි කියලා අපි ඉල්ලා සිටිනවා.

මාධ්‍ය – ඔබලාගේ ආන්ඩුවකදි මහ බැංකු බැදුම්කර සිද්ධිය සම්බන්ධයෙන් නිතිය ක්‍රියාත්මක කරනවාද
අපේ ආන්ඩුවකදි පලමු කාර්යය විදියටමහ බැංකු මංකොල්ලය ගැන චෝදාන ලැබු සියලු දෙනා නිතිය හමුවට ගේනවා.
මාධ්‍ය – අර්ජුන ඇලෝසියස් මහින්ද රාජපක්ෂ මහතාගේ පුතාගේ මගුල් ගෙදර යනවා. නිතිය කියාත්මක වෙයිද
කාංචන විජේසේකර – අපිත් මගුල් දගදර හිටියා. ඔය කියන කෙනා දැක්කේ නැහැ. රනිල් වික්‍රමසිංහ අගමැතිවරයාත් මගුල් ගෙදර ආවා. අපේ රජයක් සමයේ නිතිය ක්‍රියාත්මක නොවෙයි කියලා අපි හිතන්නේ නැහැ. නමුත් එවැනි දෙයක් නොවුනොත් අපි තරුණ මන්ත්‍රිවරු විදියට ආන්ඩුව පොළඹවන නීතිය ක්‍රියාත්මක කරන තැනට
මාධ්‍ය – පොදුජන පෙරමුනේ ජනාධිපතිවරණ අපේක්ෂකයෙක් මැතිවරණයට ගේන්න පුලුවන්ද
කාංචන විජේසේකර – ස්ථිර වශයෙන්ම අපේ ජනාධිපතිවරණ අපේක්ෂකයෙක් ගේනවා. ජලස් අලහප්පෙරුම මහතාගේ ප්‍රධානත්වයනේ කමිටුවක් පත්කරලා තියෙනවා. අපේ බහුතරයක මතය වෙලා තියෙන්නේ පොදුජන පෙරමුනේ අපේක්ෂකයෙක් පොහොට්ටුව ලකුණින් ඉදිරිපත්විය යුතු බවයි.
මාධ්‍ය – පුලුල් සන්ධානයේදී ශ්‍රිලනීප අපේක්ෂකයෙක් අවොත්
කාංචන විජේසේකර – පුලුල් සන්ධානයේ වැඩි බලයක් පොදුජන පෙරමුණට හිමිවිය යුතුයි. අද පළාත් පාලන ආයතනවලින් ,පළාත් සභාවල වගේම පාර්ලිමේන්තුවේ බහුතරය තියෙන්නේ පොදුජන පෙරමුණට. අපි ඉතිහාසයේ සන්ධාන දැකලා තියෙනවානේ. එජනිස ප්‍රධාන පාර්ශවකරු වුනෙත්, පොදුජන පෙරමුනේ ප්‍රධාන පාර්ශ්වකරු වුනෙත් ශ්‍රීලනීපය. අපේක්ෂකයා ඉදිරිපත් වුනේ ශ්‍රීලනිපයෙන්. ඒ වගේ දැන් ගොඩ නැගෙන පුලුල් සන්ධානය ඇතුලේ අපේක්ෂකයා තේරීමේ කටයුත්ත භාරවෙන්නේ පොදුජන පෙරමුණට.
මාධ්‍ය – පොදුජන පෙරමුණට ඒ අවස්ථාව ලැබුනේ නැත්නම්
කාංචන ජයසේකර – ඒක ඒ වෙලාවට බලමු
මාධ්‍ය – බැදුම්කර හොරුන්ගේ ලයිස්තුව තියෙන්නේ ජනාධිපතිතුමා ළගනේ.
කාංචන ජයසේකර – ඒක අපිටත් ගැටලුවක්. අපිත් කියන්නේ හංගල තියෙන ලයිස්තුව එළියට දාන්න කියලයි. කතානායකවරයාට ලේඛණය ලැබුනේ නැහැලු. පිටු ගානක් අඩු බව හෙළි වෙලා තියෙන්නේ. කවුරු හංගගෙන ඉන්න කෙනා එලි කරන්න අවශ්‍යයි.

අද (21) දින මාධ්‍ය සාකච්ඡාවට සහභාගි වූ නියෝජිතයින්

පාර්ලිමේන්තු මන්ත්‍රී ශෙහාන් සේමසිංහ මහතා
19 වැනි ආණ්ඩු ක්‍රම ව්‍යවස්ථා සංශෝධනය මේ රටේ ජනතාවගේ ඇහැට වැලි ගහලා කරපු සංශෝධනයක් බව ඊයේ පැවැති විවාදයෙන් පස්සේ ජනතාවට තේරුම් ගියා. ඒ හරහා හදපු ව්‍යවස්ථාදායක සභාව මෙනතරම් පක්ෂග්‍රාහි විදියට අගමැතිවරයා වෙනුවෙන් කටයුතු කළාද කියන දේ ආන්ඩු පක්ෂයත් විරුද්ධ පක්ෂයත් දැක්වූ අදහස් දැක්වීම් තුලින් පෙනුනා. ජනාධිපතිවරයාගේ අදහස් දැක්වීම ඒ අතරින් සුවිශේෂී වුනා. මේ රටේ නිතියේ ආධිපත්‍ය තහවුරු කරන්නත් රාජ්‍ය යාන්ත්‍රණය විදිමත් කරන්නත් ස්වාධීන කොමිෂන් සභා පිහිටුවිම ඔවුන් ලැබූ අති මහත් ජයක් ලෙස පෙන්වුවත් ඒ කිසිවක් ව්‍යවස්ථාදායක සභාව හරහා සිදුවෙලා නැහැ. මේ වෙද්දි අකර්මණ්‍ය ව්‍යවස්ථාදායක සභාවක්. අගමැතිවරයා එහි පාලනය ඔහු අතට අරන් අධිකරණ ක්සෞත්‍රයට බලපෑම් කර තිබෙන බව පැහැදිලියි. මේ ව්‍යවස්ථාදායක සභාවේ අවශ්‍යතාවය අද වෙන විට රටට දැනෙන්නේ නැහැ. ව්‍යවස්ථාදායක සබාව පක්ෂ පාතීවීම රටට ඔප්පු වෙලා තියෙන නිසා අද වෙන විට මේ ව්‍යවස්ථාදායක සභාව ඉල්ලා අස්විය යුතුයි. ඔවුන්ට හෘද සාක්ෂියක් තියෙනවා නම් රටේ පැවැත්ම සම්බන්ධ වගකීමක් තියෙනවා නම් ඔවුන් පැහැදිලිව ඉල්ලා අස්විය යුතුයි. රනිල් වික්‍රමසිංහ මහතා ගෙන ආපු සියලු පනත් හරහා වෙනත් අරමුණක් ඉටු කර ගැනීමටයි උත්සාහ කලේ.
රන්ජන් රාමනායක මහතාගේ හෙළි දරව්වත් එක්ක රට බලවත් කළකිරිමට පත්වෙලා. ඔවුන්ගේ ඡන්දයෙන් පත්කරපු පාර්ලිමේන්තු මන්ත්‍රීවරු සිටින බව හෙලිවිම නිසා රට අපකීර්තියට පත්වෙලා. ජනතාව මේ දිහා බලන්නේ පිළිකුලෙන්. කතානායකවරයාට දුරකතනයෙන් මේ නම් සම්බන්ධයෙන් දැනුම් දුන්න බව රන්ජන් රාමනායක කියනවා. දුරකතනය හරහා නම් හෙළි දරව් කළා නම් ඒ නම් රටට හෙලි කළ යුතුයි. මෙවැනි ඇමැති මණ්ඩලයක් කොහොමද රටක් පාලනය කරන්නේ. රටයි අපකීර්තියට පත්වෙන්නේ. ඒ නම් ටික කතානායකවරයාට ලබා දිලා නැත්නම් රන්ජන් රාමනායකගේ ප්‍රකාශය ගැන පරික්ෂණකයක් කළ යුතුයි.
පහුගිය කාලයේම මේ ආන්ඩුව කටයුතු කළ ආකාරය අනුව පෙනී යන්නේ කුඩු ගහලා වගේ තමයි. කුඩු ගහලා ඊට පස්සේ හොරකම් කරන්න ගන්නවා. අපිට කුඩු ගහන පුද්ගලයා හා ආන්ඩුව අතර වෙනසක් පේන්නේ නැහැ. අම්මාගේ මගුල් මුද්ද වුනත් විකුණන්න කුඩු ගහන පුත්තු ලැහැස්තියි. ලෝක වාර්තා තිබ්බ ආන්ඩුවක්. බලයට ඇවිත් මාසයෙන් බැදුම්කර හොරකම කළා. අපි දෛනිකව මාධ්‍ය මගින් හා වෘත්තීය සමිති කරන හෙලි දරව් කිරීම් මගින් අන්ඩුවේ හොරකම් දකිනවා.
ආන්ඩුව එකින් එක ජාතික සම්පත්විකුණමින් සිටිනවා. කුඩු ගහන මනුෂ්‍යයත් ඒ වගේ තමන්ගේ දේපල විකුණනවා. අපේ සභ්‍යත්වයට සදාචාරයට පළමු පා පහර එල්ල වෙන්නේ මේ ආන්ඩුවෙන්. එජාප සාමාජිකයින්ගෙන් අපි අහනවා යහපත් ගුණ ධර්ඹ අගය කරන පුද්ගලයින්ට එජාපය වෙනුවෙන් පෙනී සිටින්න පුලුවන්ද. එජාපය කුඩු කාරයින්ගේ තැනක් බව පරික්ෂණ යට ගහන එකෙනුත් ඔප්පු වෙනවා. ඇමැතිවරු හය දෙනෙක් කුඩු ගහන බව රන්ජන් රාමනායක කියනවා. ඒ අයව හෙලිවීම වලක්වන්නත් ආන්ඩුව මේ වෙද්දි කටයුතු කරනවා.
මහින්ද රාජපක්ෂ මහතා අගමැතිධූරයේ සිටියදී මේ අය අරලිය ගහ මන්දිරය බලහත්කාරයෙන් අල්ලා ගෙන හිටියා. රාත්‍රී කාලයට අරගිය ගහ මන්දිරය සූදු පිටියක් වුනා. මත්පැන් බිව්වා. රන්ජන් රාමනායක තමන්ගේ සගයන් ගැන තීන්දු තීරන ගන්න ඇත්තේ ඒ දවස්වල ඔවුන්ගේ හැසිරීමෙන් වෙන්න පුලුවන්. නම් දුන්නේ නැහැ කියලා කතානායකවරයාට මේ වගකීමෙන් මිදෙන්න බැහැ. ලක්ෂ්මන් කිරිඇල්ල කමිටුව ගැන විශ්වාසයක් තියන්න බැහැ. ඔහු සභාව නොමග වයන ප්‍රකාශ පාර්ලිමේන්තුවේදි නිතරම කියනවා. ඉදිරිපෙල කිහිප දෙනෙක් කොකේන් භාවිතා කරන බව කියද්දි ඉදිරි පෙල අය කරන පරික්ෂණ පිලිගන්නේ කොහොමද. අනිත් කාරනේ එජාපයේ අය පත්කරන කමිටු කොහොමත් විශෟවාස කරන්න බැහැ. කුඩා දරුවාට පවා වංචාවක් වෙලා තියෙන බව පේන්න තියෙද්දි එජාපයේ වාර්තාවෙන් කිව්වේ එහෙම දෙයක් නොවුන බවයි.
අපේ රාජ්‍ය සේවයේ අද බරපතල කඩාවැටීමක් වෙලා. ජාතික තරුණ සේවා සභාවේ වෘත්තීය සමිති නායකයින් අද අසාධාරන ලෙස ස්ථාන මාරුකරලා. සී. ටී. බි එකේ තත්ත්වයත් එයයි. ඊයේ රූපවාහිනි සංස්ථාවේ කිහිප දෙනෙක්ගේ වැඩ තහනම් කරලා. අද රාජ්‍ය සේවයෙන්ම පළිගන්න තැනට ආන්ඩුව පත්වෙලා. අපේ රටේ විවිධ පක්ෂ රටේ නායකත්වය ගෙන තියෙනවා. ඒ කිසිදු අවස්ථාවක නොවුනු පළිගැනීමක් මේ ආන්ඩුවෙන් සිදුවෙනවා.
කිරිපිටි සම්බන්ධයෙන් වෛද්‍යවරු විවිධ මත ඉදිරිපත් කරද්දි රාජිත සේනාරත්න කියනවා බල්ලෝ බිරැවට ඔහුගේ ගමන නතරකරන්නේ නැහැලු. දියර කිරි වෙනුවට පිටිකිරි ප්‍රචලිත කිරීමට ආන්ඩුවපියවර ගන්නා බවයි මේ අදහසින් කියැවෙන්නේ. රාජිත සහ රජය බහුජාතික සමාගම් සමග තියෙන එකගතා කඩ නොකර ඉදිරියට ගෙනියන බවයි මේකියන්නේ. මේ ආන්ඩුව බහුජාතික සමාගම් විසින් පාලනයකරන ආන්ඩුවක්. මේ ආණ්ඩුව රඑට විනාශ කිරීමේ උපරිමයට ගිහින් තියෙන නිසයි මැතිවරණ තියන්නේ නැත්තෙත්. අපි මැතිවරණයක් ඉල්ලා අපිට ගන්න පුලුවන් සියලු පියවර ගන්නවා. නමුත් ආන්ඩුව මැතිවරණ තැබීම ප්‍රමාද කරන්න නීතිපති පක්ෂ නාටයක හමුවට කැදවන්න හදනවා. එයින් මැතිවරණයට බැධාවක් නැහැ.මැතිවරණය පැවැත්විම රජයේ වගකීමක්. ඒ නිසා කඩිනමින් සංශෝධන ඉදිරිපත් කරලා මැතිවරණය පවත්වන්න.

පාර්ලිමේන්තු මන්ත්‍රී තේනුක විදානගමගේ මහතා
විපක්ෂ නායක මහින්ද රාජපක්ෂ මහතා පාර්ලිමේන්තුවේ දී පි. හැරිසන් ඇමැතිවරයාගෙන් වි මිලදී ගැනීම සම්බන්ධයෙන් ප්‍රශ්නයක් ඇහුවාත දිස්ත්‍රික් මට්ටමින් වි මිලදි ගැනීම් සිදුවෙන නිසා මෙහි ප්‍රශ්නයක් නැති බව කිව්වා. බදුල්ලේ වි මිලදි ගැනීම් මධ්‍යස්ථාන 28ක් විවෘත වෙලා කියලා එතුමා කිව්වත් මේ වනතුරු බදුල්ලේ එවැන් ස්ථානයක් නැහැ. අපේ රජය සමයේ රට සහලින් ස්වයංපෝෂිත වුනා. මේ ආන්ඩුව ඇවිත් පොහොර සහනාදාරය පවා නැති කළා. දින ගණනාවක් අගමැතිවරයා වුනු හැටියේම මහින්ද රාජපක්ෂ මහතා ගොවීන්ට පොහොර සහනාදාරය දිම නිසා වී අස්වැන්න වැඩි වෙලා තියෙනව.
පළාත් සභාවල කාලය අවසන් වෙමින් පවතිනවා. මහින්ද රාජපක්ෂ සමයේ නිතරම මැතිවරණ කියලා කිව්වා. පහුගිය පළාත් පාලන මැතිවරණයත් වසර දෙකකට වඩා ප්‍රමාද කළා. දැන් පළාත් සභා මැතිවරණයත් නොතියා ඉන්නයි බලන්නේ. අපි කියන්නේ හැකි ඉක්මනින් මැතිවරණය තියන්න කියලයි.
රන්ජන් රාමනායක මන්ත්‍රීවරයා පහුගිය කාලයේ අධීකරණයත් නිතීඥවරුත් විවේචනය කළා. අද පාර්ලිමේන්තු මන්ත්‍රීවරු විවේඡනය කරනවා. එතුමා නලුවෙක් වුනාට දේශපාලන නලුවෙක් වෙන්න එපා කියලා අපි කියනවා. කතානායකවරයාට නාම ලේඛණය දුන්න බව එතුමා කිව්වත් කතානායකවරයා කියන්නේ එහෙම දෙයක්දුන්නේ නැහැ කිව්වා. පහුගිය කැබිනට් හමුවේදි අපේ දිස්ත්‍රික්කයේ හරින් ප්‍රනාන්දු ඇමැතිවරටයා රන්ජන් හිටියා නම් හොම්බට අනින බවකියා තියෙනවා. ඒ කියන්නේ ඔහුට කොකේන් සිද්ධිය සම්බන්ධයෙන් රිදිලා තියෙනවා. එතුමාගේ නමත් මේ ලිස්ට් එකේ තියෙනවාද කියලා බදුල්ල දිස්ත්‍රික්කයේ අපිතුල සැකයක් තියෙනවා. පහුගිය දවස්වල ඇමැතිවරුන්ගේ පුත්තු පස්දෙනෙකුත් කුඩු ගහන බව කිව්වා. මේ විදියට එකිනෙකාට චෝදනා නොකර නම් ටික හෙළි කරන්න.
පහුගිය කාලයේ මාකදුරේ මදූෂ් අත් අඩංගුවට ගත්තා. දැන් මදූස් යට ගිහින් කොකේන් පාර්ලිමේන්තුවට ඇවිත්. මදූෂ් අත් අඩංගුවට ගන්න වෙලේ අත් අඩංගුවට ගත්ත රාජ්‍ය තාන්ත්‍රික බලපත්‍රයක් සහිත පුද්ගලයා අමතක වෙලා යමින් සිටිනවා. ඔහුව හෙලිකළ යුතුයි. රටේ ජනතාව ඉල්ලන්නේ මැතිවරණයක් බව මම නැවතත් අවධාරණය කරනවා.

පාර්ලිමේන්තු මන්ත්‍රී ඉන්දික අනුරුද්ධ මහතා
ජනාධීපතිවරයා පාර්ලිමේන්තුව අමතා කළ කතාවෙන් කිව්වේ එතුමා බලාපොරොත්තු වුනු සුජාත දරුවා මේ ආන්ඩුව අනාචාරයේ යොදවා ඇති බවයි. අපි ප්‍රජාතන්ත්‍රවාදය වෙනුවෙන් පෙනි සිටින පක්ෂයක්. කණ්ඩායමක් විදියට කියන්නේ ප්‍රජාතන්ත්‍රවාදය වෙනුවෙන් කියලා ගෙනාපු මේ කොමිෂන් සභාවලින් වෙලා තියෙන ව්‍යසනය නිසා ලැජ්ජාව තියෙනවා නම් ව්‍යවස්ථාදායක සභාව ඉල්ලා අස්වෙන්න අවශ්‍යයි. ආන්ඩුවේ හිටපු විපක්ෂ නායකවරු මේක ඇතුලේ තියාගෙන කරන්නේගමේ කසිප්පු පෙරන මනුෂ්‍යාට බලපත්‍රයක් දුන්නා වගේ දෙයක්. 19ට පෙර ජනාධිපතිගේ විධායක බලයෙන් පත්වුනු අගවිනිසුරු,මැතිවරණ කොමසාරිස්වරයා, ඇතුලු පිරිස් රට යම්කිසි වැඩපිළීවෙලකට ගියා. අද මේ සියල්ල කඩා වැටිලා. අද අධිකරණ විනිසුරන්ට තර්ජන පිට තර්ජන. විවාහ මංගල්‍යයකට ගියා නම්, කොටහලු මගුලකට ගියා නම්, ප්‍රියසම්බාෂණයකට ගියානම්, කඩපිලේදි හෝ මුණ ගැහුනා නම් එය තමයි අදීකරණ ක්සේත්‍රයේ ඉහළට යාමට තියෙන නුසුදුසුකම බවයි ඊයේ මන්ත්‍රීවරු පෙන්වා දුන්නේ. ඒ අය එක්ක එකතු වෙන කට්ටිය තමයි ඉහළට යන්න සුදුස්සෝ විදියට පෙන්නන්නේ. පහුගිය දවස්වල පොලිස්පතිවරයා කටයුතු කළ ආකාරය ගැන ව්‍යවස්ථාදායක සභාවට ගෙනත් ප්‍රශ්න කලාට මැතිවරණ නැති එක ගැන ප්‍රශ්න කරන්න ව්‍යවස්ථාදායක සභාවේ සභාපතිවරයා කටයුතු කළාද. කරු ජයසුරිය කියන්නේ කවුද කියන දේ මම දන්නවා. රන්ජන් මහත්තයා දුරතකනයෙන් කියපු දේවල් මිට කලින් ප්‍රකාශ කලා. මේක විතරක් ලිඛිතව දෙන්න කියලා පාර්ලිමේන්තු සතියක් වංචාවෙන් තියන් හිටියා. ඇයි ආන්ඩුවේ ඉන්න කොකේන් හරි මත්ද්‍රව්‍ය හරි ගන්න අය කතානායකවරයා හෙළී කරන්නේ නැත්තේ. අද අපිටවත් අපේ දරුවන්ටවත් පාරේ බැහැලා යන්න බැරි තත්ත්වයක් ඇති වෙලා. පවුලක් නැති සමජගත නොවුන පිස්සු බල්ලෙක් වගේ කෙනෙක් කියපු දෙයක් නිසා පාර්ලිමේන්තුවේ 225 අත්තර නැතිව ඉන්නවා. දැන් ඒ බෝලේ හිමින් සැරේ අපේ පැත්තට එමින් තියෙන්නේ. අපි ඒකාබද්ධ විපක්ෂයේ සියලු දෙනා සම්බන්ධයෙන් වගකියනවා. අපි ළග කොකේන් ගහන අය නැහැ. අපේ කණ්ඩායමත් මේ 225 අතරේ ඉන්න නිසා අපිට නිදොස් වෙන්න අවශ්‍යයයි. මේ නැව ගිලෙන්න පටන් අරන්. ගිලෙන නැවෙන් මීයෝ පනිනවා වගේ ආන්ඩුවෙම අයයි මේ චෝදනා කරන්නේ. රන්ජන් රාමනායක බුද්ධික පතිරණ කියන්නේ ආන්ඩුවේ අය. මේවා අපි කිව්වානම් මාධ්‍ය සංදර්ශන කියනවා. අද පොන්සේකා මහත්තයා කියනවා තෙවරප්පෙරුම හොරාලු. තෙවරප්පෙරුම කියනවා පොන්සේකා හොරාලු. මේ ආන්ඩුවෙම අය නේද
අද විහේෂ දවසක්. පෙබරවාරි 22. අද වගේ දවසකයි රනිල් වික්‍රමසිංහ උතුරු නැගෙනහිර ප්‍රභාකරන්ට ඔප්පුවකින්ම ලියලා දුන්න දවස. අය වැය සම්මත් කර ගන්න දෙමල සන්දනායේ අවහ්‍යතාවයන් වෙනුවෙන් පෙනී හිටින්න වෙලා. පාසල්වලට රෝහල්වලට දෙනවා කිව්ව දේවල් , ගම් පෙරලිය කරන්න නම් එදා පෙබරවාරි 22 එල්. ටි.ටී,ඊ යට ඔප්පුවෙන් දුන්න දේ දෙමළ සන්ධානයට ඔප්පුවෙන් දෙන්න රනිල් සූදානම් වෙනවා. දෙමළ ජනතාවගේ අයිතීන් දිනාදිය යුතුයි. නමුත් රට කෑලි කඩන්න බැහැ. දෙමළ ජනතාවගේ අවශ්‍යතාව වෙනුවට දෙමළ නායකයින්ගේ අවශ්‍යතාවයන් වෙනුවෙනුයි මේ ආන්ඩුව පෙනී හිටින්නේ. ආන්ඩුවේ කුමන්ත්‍රණ එළියට එන්න පටන් අරන් තියෙන්නේ ඒ අයගේම මන්ත්‍රීධූර රැග ගැනීමේ අවශ්‍යතාවය නිසයි. අද බීඩි කොල, කරුංකා කන්ටේනර් පිටින් අහුවෙනවා. ඉල්ලපු කොමිස් මුදල් ලේඛණ ගත වෙලා. මත්ද්‍රව්‍ය වෙනුවෙන් පෙනී හිටපු ඇමැතිවරු එළිවෙනවා. ඉස්සර කඩන්න බැහැ. බලක් තියෙන්නේ කියපු මිනිස්සුන්ට කනේ ඇගිලි ගහගන්න වරායක් හදපු ආන්ඩුවක් තිබුනේ. එදා හැම තැනම ඇහුනේ සංවර්ධන ව්‍යාපෘති අරඹනවා.ඒවා විවෘත කරනවා කියන දේවල්. ජනතාවට දැන් අවශ්‍ය වෙලාතියෙන්නේ කඩිනමින් මැතිවරණයකට යන එකයි.
ප්‍රශ්න – ජනාධීපතිවරයා පාර්ලිමේන්තු එන්නේ සුවිශේෂි සිද්ධීයක් වුනොත් විතරයි. ඇයි දැන් නිතර නිතර එනවා පේන්නේ.
ශෙහාන් සේමසිංහ – එජාපය සමග ආන්ඩුවක් කිරීම ගැන ජනාධීපතිතුමා ඉන්නේ බරපතල කණගාටුවකින්. එජාපය කරපු විනාශය ගැන ජනාධිපතිතුමා දන්නවා. ඒ මිල කළ නොහැකි විනාශයට අගයක් දෙන්න බැහැ. බැදුම්කර සිද්ධීයේ පාඩුව ට්‍රිලියනයකට වැජඩියි. රටට ආදරය කරන හෘද සාක්ෂියක් ඇති සියලු දෙනා ආන්ඩුව වෙනස් කරන්න අවශ්‍ය බවයි පිලිගන්නේ.

මාධ්‍ය – 19 ඇහැට වැලි ගැහුවා කිව්වා. ජනතාව පත්කල ඔබතුමන්ලා ඇයි රැවටුනේ
ශෙහාන් සේමසිංහ – මේ ආන්ඩුව රැවැට්ටුවේ නැති පුද්ගලයින් කවුද. 19ඉදිරිපත් කරමින් සදහන් කලේ රාජ්‍ය යාන්ත්‍රණය ක්‍රමවත්ව හා ස්වාධීනව වැඩ කරන්න , දේශපාලන අතපෙවිමකින් තොරව වැඩ කරන්න ස්වාධින කොමිෂන් සභා පිහිටුවන බවයි කිව්වේ. ඊට පරිබාහිරව කටයුතු කරනවා නම් එහි වරද තියෙන්නේ ඉදිරිපත් කරපු අයගේද සම්මත කරපු අයගේද. ජනාධිපතිතුමා කරන පුකාශවලින් රාජ්‍ය යාන්ත්‍රණය බරපතල විදියට කඩා වැටුන බවයි පැහැදිලි වන්නේ. ආන්ඩු පක්ෂයේ අධිකරණ විනිසුරන් විවේචනය කරන්නයි අවස්ථාව හදාගත්තේ. ඒකත් අධීකරණයට කරපු බලපෑමක්. මේ ආන්ඩුව ජනතාවට යහපතක් කලේ නැහැ. ඡන්දයෙන් දිනන්න බැරි රනිල් වික්‍රමසිංහ කුමන්ත්‍රණයෙන් බලයට එන්නයි මේ හැමදේම කරන්නේ.
මාධ්‍ය – ව්‍යවස්ථාදායක සභාවට සාමාඩිකයෝ පත්කරන්නේ කවුද
ශෙහාන් සේමසිංහ – සාමාජිකයෝ 10ක්ඉන්නවා. නිල බලයෙන් අගමැති, කතානායක විපක්ෂනායක ඉන්නවා. විපක්ෂ නායක හා අගමැති එකගතාවයෙන් පහක් හා ජනාධීපතිගෙන් නියෝජිතයෙක් හා අගමැති විපක්ෂ නායක නියෝජනය නොකරන පක්ෂවලින් තව කෙනෙක් පත්වෙනවා. විපක්ෂ නායකවරයා පත් කිරීම සදහායි රනිල් වික්‍රමසිංහ වැඩි අවධානයක් යොමු කලේ. ව්‍යවස්ථාදායක සභාව එජාප පාලනයට නතු කර ගැනීමටයි විපක්ෂ නායකගේ පත්කිරීම් යොදා ගත්තේ. විපක්ෂ නායකධූරය අහිමි වීම සම්බන්ධයෙන් එජාපය කිඹුල් කදුල් හලන්නේ ඒ නිසයි. මහින්ද රාජපක්ෂ මහතාගේ මන්ත්‍රීධෂූරය අහෝසිකරලා හරි හිතවතෙකුට විපක්ෂ නායකකම අරන් දෙන්න හැදුවේ ඒ නිසයි.
මාධ්‍ය – විදුලි බලාගාරය ලක්දනව් එකට නොදී චින ආයතනයකට දෙන්න තීරණය කලේ ඇයි
ශෙහාන් සේමසිංහ – මහින්ද රාජපක්ෂ මහතා සැලසුම්සහගතව රට පාලනය කලේ. අද වෙනාකට රටේ ණය බිලියන 12000ක් වෙලා. බිලියන 5000කින් ණය වැඩිවුනේ කිසිම සංවර්ධන ව්‍යාපෘතියක් දියත් කරලා නෙවේ. එල්. එන්. ජී බලාගාරය ගැන විවේඡනයක් රටේ තියෙනවා. අවම ලංසුවට දෙනවා වෙනුවට වැඩි ලංසුවක් දෙන තැනටයි ව්‍යාපෘතිය දෙන්නේත අඩුම තරමේ දේශීය කර්මාන්ත නැංවීමටවත් අවධානය යොමු කරලා නැහැ. අපේ රටේ නිෂෟපාදනය කරන විදුලිය වෙනුවෙන් විදේශ විනිමය වෙනත් රටකට යන එනකයි යෙින් වෙන්නේ. ලක්දනවි ආයතනයට නොදීම හා චිනය සමග ක්‍රියාත්මක වින්පෝස් සමාගමට ටෙන්ඩරය දිම අත යට ගනුදෙනුවක් තිබෙන බවට සැකයක් ඇති කරනවා. මේ ව්‍යාපෘතියේ ඇමැතිවරයා රවි කරුණානායක. ජර්මන් තානාපති විරුද්ධත්වය ප්‍රකාශ කරලා තියෙනවා. ඔවුන් ආයෝජන සදහා නුසුදුසු රටක් බව කිව්වා. අපේ රටේ විදුලි අවශ්‍යතාවය සපුරා ගැනීම වෙනුවට අතයට ගනුදෙනු වෙන බව පේනවා.ලක්දනව් ආයතනය අත් දැකීම් සහිත ආයතනයක්. මේ කරන්නේ හොරකමට අවශ්‍ය වාතාවරණයක් නැවතත් සකස් කර ගැනීම බව පැහැදිලියි.

අද (21) දින මාධ්‍ය සාකච්ඡාවට සහභාගි වූ නියෝජිතයින්

පාර්ලිමේන්තු මන්ත්‍රී ජානක වක්කුඹුර මහතා
ලංකා ඉතිහාසයේ පළමු වතාවට කොකේන් සම්බන්ධයෙන් පාර්ලිමේන්තුවේ කමිටුවක් පත්කරලා තියෙනවා. පහුගිය කාලයේ පාර්ලිමේන්තුව මේ රටේ ළමයින්ට බලන්න හොද නැති තැනක් කියලා අපිට බැනපු කට්ටිය අද කියනවා කොකේන් ගහන අය මේකේ ඉන්නවා කියලා. එදා පාර්ලිමේන්තුවේ මැදට පැනලා කෑ ගහපු එකද ලොකෙට ගියේ, කොකේන් ගහනවා කියන එකද. ජනාධීපති මත්ද්‍රව්‍යයෙන් රට මුදවා ගන්න හදද්දි කැබිනට් මන්ඩලයේ කෙකේන් ගහන අය ඉන්නවා කියපු කතාව දැන් වෙනත් පැත්තකට හරවන්නයි හදන්නේ . දැන් කියනවා ඒකාබද්ධ විපක්ෂය පැත්තෙත් කොකේන් ගහන අය ඉන්නවා කියලා. අපි ලැහැස්තියි ඔ්නම පරික්ෂණයකට මුහුණ දෙන්න. ආන්ඩු පක්ෂ රැස්වීමේදි හරින් ප්‍රනාන්දු , රන්ජන් රාමනායකගේ හොම්බට ගහන්න ඔ්නේ කියපු සිද්ධියක් තියෙවා. හරින් ප්‍රනාන්දු ට සෑහෙන්න රිදිලා. අපි ආන්ඩුව ගැන කියපු මේ දේ බැහැර කරන්නේ නැහැ. ඇමැතිවරයෙක් යමක් කියපුවාම ඒක හොයනවා වෙනුවට ගහලා පස්සෙන් පන්නන එකයි කරන්නේ.
ආන්ඩුව මේ ප්‍රශ්නෙට නම් උත්තර දෙන්න අවශ්‍යයි. මගේ ගැන ඇහුවොත් සිගරැට් එකක් හරි බොනවාද කියලා දැන ගන්න පුලුවන්. විපක්ෂයේ අපි මන්ත්‍රීවරුන්ගේ ගරැත්වය රැකිය යුතුයි කියන තැන ඉන්නේ. රන්ජන් රාමනායක බොරු කිව්වා නම් එතුමාට එරෙහිව කටයුතු කරන්න ඔ්නේ. මේ අය අරලිය ගහ මන්දිරයේ පහුගිය කාල‌යේ හිටපු නිසා රෑ කරපු දේවල් දන්නවා. ඒ නිසයි මේ ගැන කිව්වේ.

පාර්ලිමේන්තු මන්ත්‍රී විජිත බේරුගොඩ මහතා
ධර්මද්වීපය , ඉන්දියන් සාගරයේ මුතු ඇටය කියපු අපේ රට අදවෙද්දි කුඩු බෙදා හැරිමේ මධ්‍යස්ථානයක් වගෙයි. මේ දවස්වල මාතෘකාව කුඩු. නිති හදන තැන මත්කුඩු වර්ග භාවිතා කරන අය ඉන්න බව කියනවා. මන්ත්‍රීවරුන්ගේ නිර්දෝශීභාවය පෙන්විය යුතුයි. ඒ සදහා ක්‍රම තියෙනවා. ඒ නිසා මන්ත්‍රීවරු විදියට පරික්ෂණයකට මුහුණ දීලා මේ කැළැලෙන් මිදෙන්න අපි සූදානම්. අපේ නිර්දෝෂීභාවය පෙන්වන්න අවස්ථාවක් දෙන්න කියලා අපි කතානායකරයාගෙන් ඉල්ලා සිටිනවා.
අත් අඩංගුවට පත්වෙලා ඉන්න මධූෂ්ට එරෙහිව රට පුරා ත්ද්‍රව්‍ය සම්බන්ධ වැරදිකරුවන් අත් අඩංගුවට ගැනීමක් මේ වෙද්දි ජනාධීපතිවරයා විසින් ක්‍රියාත්මක කරලා තියෙනවා. මේ වැඩපිීලවෙල ජනතාවගේ ප්‍රසාදය දිනා ගෙන තියෙනවා. ඒ අතරේ ආණ්ඩුවේම රාජ්‍ය ඇමැතිවරයෙක් වන රන්ජන් රාමනායක මහතා කැබිනට් මණ්ඩලයේ මත්ද්‍රව්‍ය භාවිතා කරන පුද්ගලයින් සිටින බව පවසනවා. මේ ප්‍රකාශ නිසා ජනතාව තුළ කුකුසක් ඇති වෙනවා මත්ද්‍රව්‍ය සම්බන්ධ ජාවාරම්කරුවන් අතු අඩංගුවට ගත්තාට ඔවුන් සම්බන්ධයෙන් නිතිය ක්‍රියාත්මක වෙනවා වෙනුවට දේශපාලනඥයින්ගේ සහායෙන් ඔවුන් නීතියෙන් ගැලවෙයි කියලා.
මත්‍ද්‍රව්‍ය භාවිතා කරන ඇමැතිවරු සම්බන්ධයෙන් සොයා බලන්න අගමැතිවරයා කමිටුවක් පත්කරලා තියෙනවා. බැද්ම්කර සිද්ධිය ගැන හොයන්න අගමැතිවරයා පත් කරපු කමිටුව ගැන අපි දන්න නිසා එතුමා පත්කරන කමිටු ගැන අපිට විශ්වාසයක් නැහැ. මේ කමිටුවෙත් ඉන්නේ එතුමාගේ හිතවත්තු. ඒ නිසා අපිට මේ කමිටුව ගැන විශ්වාසයක් නැහැ.
පාර්ලිමේන්තු මන්ත්‍රී ප්‍රසන්න රණවීර මහතා
මත්ද්‍රව්‍ය භාවිතා කරන මන්ත්‍රීවරු සම්බන්ධයෙන් සොයන්න අගමැතිවරයා පත්කරපු කමිටුවේ එක්කෙනෙක්දැන් වයස නිසා ඔහුනම් මත්ද්‍රව්‍ය භාවිතා කරන්නේ නැහැ කියලා රන්ජන් රාමනායක රාජ්‍ය ඇමැතිවරයා කියනවා. කමිටුවේ ඉන්න අනිත් හතරනො ගැන අපි කොහොමද දැන් විශ්වාස කරන්නේ. අපි පාර්ලිමේන්තුවේ හඩ නගපුවාම අපිට විරුද්ධව අපරාධ පරික්ෂණ වාර්තා කැදවලා. තවමත් ක්‍රොකේන් භාවිතා කරනවා කියන අය සම්බන්ධයෙන් කිසිම පරීක්ෂණයක් නැහැ. රංජන් රාමනායක මන්ත්‍රීවරයාව මේ ප්‍රශ්නයේදී අපි තනි කරන්නේ නැහැ. ඒකාබද්ධ විපක්ෂය රංජන් රාමනායක මන්ත්‍රීතුමා එක්ක ඉන්නවා වගේම ඒකාබද්ධවිපක්ෂයේ කවුරු හරි කොකේන් භාවිතා කරන මන්ත්‍රීවරයෙක් ඉන්නවා නම් ඔහු සම්බන්ධයෙන් හෙලි කරන්න කියලත් අපි ඉල්ලා සිටිනවා. අපි ලැහැස්තියි ඔවුන් සම්බන්ධයෙන් ඉදිරි පියවර ගන්න.
පාර්ලිමේන්තු මන්ත්‍රී මොහාන් පි ද සිල්වා මහතා
ජනතාවට බොරු පොරොන්දු දීලා බලයටපත්වුනු ආන්ඩුව ඊළගට මොනවගේ දෙටයක්කරයිද කියලා ජනතාව බයෙන් ඉන්නේ. ව්‍යවස්ථාදායක සභාව පත්කලේ කොමිෂන් සභා ස්වාධීන කරලා රාජ්‍ය නිලධාරීන් ස්වාධීනව පත්කරන්න බලය දෙනවා කිව්වා. රත්ගම තරුණ ව්‍යාපාරිකයින් දෙන්නා පැහැරගැනීම සිද්ධ වුනේ දකුණු පලාත් ජ්‍යේෂ්ඨ නියෝජ්‍ය පොලිස්පති යටතේ ක්‍රියාත්මක වුනු වැටලීම් ඒකකයකින් කියලා මේ වෙද්දි හෙළි වෙමින් තිබෙනවා. එක ව්‍යාපාරිකයෙක්ට පහර දෙන අවස්ථාවේ මිය ගිහින් තියෙනවා. ඒ මරණය දුටු නිසා අනිත් ව්‍යාපාරිකයාවත් මැරැවා කියනවා. මේ ආන්ඩුව මානව හිමිකම් ගැන කතා කෙරුවට මානව හිමිකම් ආරක්ෂා කරන්නේ කරන්නේ නැහැ. මේ සිද්ධිය සම්බන්ධයෙන් සාධාරණ පරික්ෂණයක් පැවැත්වන්න කියලා අපි ඉල්ලා සිටිනවා.
ජාතික රූපවාහිනියට පත්කළ අලෙවි කළමණාකරුවෙක්ගේ වැඩපිළීවෙලත් එක්ක ආදායම බැහැලා. මේ සම්බන්ධයෙන් සේවකයින් විසින් පැමිණිලි කරලා ඔහුව ඉවත් කරන්න කියලා ඉල්ලා සිටියම දැන් සේවකයින් ඉවත් කරන්න පටන් අරන්. වැඩේ කැතයි මහත්තයෝ. ජනතවගෙන් බලය ගන්නේ රට සුරපුරටක් කරනවා කියලා. අපි දැන් ඡන්දයට ගිහින් රටේ ජනතමය උරගා බලමු.
පාර්ලිමේන්තු මන්ත්‍රී සනත් නිශාන්ත මහතා
රටේ ජාතික ආරක්ෂාව, රාජ්‍ය නිලධාරින් පිරිහිම නිසා රට ආපස්සට යමින් තිබෙනවා. ජනාධිපති හා හිටපු ආරක්ෂක ලේකම් ඝාතන කුමන්ත්‍රණයක් ගැන නාමල් කුමාර අපරාධ පරික්ෂණ දෙපාර්තමේන්තුවට පැමිණීලි කළාම අපාරාධ පරික්ෂණ දෙපාර්තමේන්තුව පරික්ෂණ කරනනේ නාමල් කුමාර ගැන. මේ වගේ දේවල් රටේ ආරක්ෂාව සම්බන්දයෙන් ප්‍රශ්නයක්. කිසිම පුද්ගලයෙක් රටේ ආරක්ෂාවට අදාල කිසිවක් හෙළි කරන්න ඉදිරියට එන්නේ නැති වෙයි.
යහපාලන දළඹුවා අනෙක් පැත්තෙන් රටේ ආර්ථිකය කාගෙන යනවා. මූල්‍ය ආයතන කිහිපයක් කඩා වැටෙන්න ආසන්න බව මහ බැංකු වාර්තා අනුව පැහැදිලියි. මේ ආන්ඩුවේ වැරදි ප්‍රතිපත්ති නිසයි ආර්ථිකය කඩා වැටෙන්නේ.බහු ජාතික සමාගම්වලට පිනුම් ගහන්න පුලුවන් විදියේ පසුබිමක් මේ ආන්ඩුව සකසා තියෙනවා. අදිරාජ්‍යවාදින් මහින්ද රාජපක්ෂ මහතාට විරුද්ධ වුනේ යුද්ධය ජයගත්ත නිසා පමණක් නෙවෙයි. රටේ දේශිය නිෂ්පාදනවලට තැන දෙමින් ස්යංපෝෂිත ආර්ථිකයක් හදන්න පෙරමුණ ගැනීමත් එක හේතුවක්. මේ ආන්ඩුව බණ්ඩි පොහොර දෙන වෙලාවට මඩ පොහොර දෙනවා. අස්වැන්න නෙලන වෙලාවට බණ්ඩි පොහොර දෙනවා. කිරිපිටි ආනයනය කරමින් දේශිය කිරිගොවියා වැටෙන්න හරිනවා. අපේ කාලයේ කිරිපිටි ආනයනයට රුපියල් 225ක සෙස් බද්දක් දැම්මා. ඒ බද්දෙන් දේශිය කිරිගොවියා නගා සිටුවන්න පියවර ගත්තා. මේ ආන්ඩුව ඇවිත් ඒ බද්ද රුපියල් 2ක් කලා. ආන්ඩුවේ ඇමැතිවරයෙක් කිරිපිටි වල සත්ව තෙල් අඩංගුයි කියද්දි අමාත්‍යංශයත් ඒක සනාථ කරද්දි ඇමැතිවරයා කියනවා එහෙම දෙයක් නැහැ කියලා. ඇමැතිවරයා මොන බහුජාතික සමාගමේ සාක්කුවට වැටිලාද දන්නේ නැහැ.
මේ එක්කම දැන් රටේ කිර්තා නාමය විකිණීමේ වැඩපිීලවෙලකුත් ආරම්භ කරලා. අපේ රටට තියෙන සිලෝන් ටි කියන නාමය යටතේ වෙනත් රටවලින් තේ ගෙන්වලා ප්‍රතිඅපනයනය කරන්න මුදල් ඇමැතිවරයා පාර්ලිමේන්තුවෙන් අනුමැතිය ඉල්ලනවා. ගම්මිරිස් සම්බන්ධයෙන් තිබුණු ප්‍රසාදයත් මේ වෙද්දි ආන්ඩුව නැත කරලා ඉවරයි. ගම්මිරිස් වල මේඩ් ඉන් ශ්‍රී ලංකා කියන එකත් ගහලමයි ගේන්නේ. නමවත් රටේදි නෙවෙයිගහන්නේ. ලංකාව වැරදි වැඩ කරන රටක් නෙවෙයි කියන පිළිගැනිම තියෙන නිසා වෙනත් රටවල් ලංකාවෙන් යවන දේවල් වැඩි පරික්ෂාවට ලක් කරන්නේ නැහැ. මේ මත්ද්‍රව්‍ය සිද්ධියත් ඒ වගේ තමයි. එක් පුද්ගලයෙක් පාවිච්චි කරන්නේ ගිනිකූරැ හිසක වෙඩිබෙහෙත් තියෙන්නේ ප්‍රමාණයක්. ලංකාවේ කිර්ති නාමය යොදාගනිමින් ප්‍රති අපනයනය කිරීම සදහා ගේන මත්‍ද්‍රව්‍ය තමයි වැඩියෙන් අහුවෙන්නේ.
මේ කොකේන් ආණ්ඩුව තොලොංචි කරලා රටට යහපතකල් වෙන ආණෟඩුවක්පත්කර ගන්න ඡන්දයක් තමයි අපිට අවශ්‍ය වෙන්නේ.

අද (15) දින මාධ්‍ය සාකච්ඡාවට සහභාගි වූ නියෝජිතයින්

පාර්ලිමේන්තු මන්ත්‍රී ඩී. වී. චානක
ආණ්ඩුව පත් වෙලා වසර හතරක් ගත වුනත් අපි ලබා ගත්ත ජයග්‍රහණ සිමිතයි. නමුත් රටක් විදියට වේගයෙන් පසුපසට නම් ගියා. මහින්ද රාජපක්ෂ මහතා භාරදුන්නේ දකුණු ආසියාවේ වේගවත්ම ආර්ථික සංවර්ධන වේගය සහිතවයි. අද වෙද්දි අපි ඉන්නේ අවසානයේ. මේ ප්‍රශ්න වලට අත්තර හොයනවා වෙනුවට ආණ්ඩුව උත්සාහ කරන්නේ ආණ්ඩුවේ ප්‍රශ්න බේරගන්න. මෙතුමන්ලාට අද 113 නැහැ. ඒ නිසා ජාතික ආන්ඩුවක් හදන්න උත්සාහ කරන්නේ. කිරිඇල්ල ඇමැතිතුමා කියනවා 20 වැනිදා ජාතික ආන්ඩු යෝජනාව ගේනවලු. අපි කිරිඇල්ල ඇමැතිතුමාට කියන්නේ අනිවාර්යයෙන්ම අපි එදාට ජාතික ආන්ඩු යෝජනාව පරාජය කරනවා. ඒකට අපි විපක්ෂය වශයෙන් සූදානම්. ජවිපේ, දෙමළ සන්ධානයත් අපිට ඒකට සහාය දෙනවා. එතුමන්ලාට ඉදිරි මැතිවරණයකට යන්න අවශ්‍ය නම් අපිට සහාය වෙන්න වෙනවා. මේ ආන්ඩුව තමයි ඉතිහාසයේ බිහිවුනු ආන්ඩු අතරින් ජනතාවට සංවේදීබවින් අඩුම ආන්ඩුව. අපේ කෘෂිකර්මය විනාශ වෙනවා. උපාධිධාරීන් 70000ක් රැකියා නැතිව ඉන්නවා. සේනා දළඹුවා කෘෂිකර්මාන්තය විනාශ කළත් වන්දි නැහැ. ඒවාට විසදුම් හොයනවා වෙනුවට ජාතික ආන්ඩුවක් හදාගන්න එක් ගැනයි හිතන්නේ. ඔබතුමන්ලා ඉස්සර වෙලා මේ රටේ ජනතාවගේ ප්‍රශ්න විසදන්න. උපාධිධාරීන් 70000ට රැකියා දෙන්න යෝජනාවක් ගෙනාවොත්, සේනා දළඹුවාගෙන් හානිවුන ගොවින්ට වන්දි දෙන්න යෝජනාවක් ගෙනාවොත් අපි විපක්ෂය විදියට සහාය දෙනවා. නමුත් රට විනාශ කරන කිසිම යෝජනාවකට අපි සහාය දෙන්නේ නැහැ.
කොකේන් බොන දේශපාලකයින් ඉන්නවා.ක්‍රීඩකයින් ඉන්නවා. කැබිනට් ඇමැතිවරු ඉන්න බව රංජන් රාමනායක මන්ත්‍රීවරයා ප්‍රකාශ කළා. ඇමැතිවරැන් සම්බන්ධයෙන් කරපු හෙලිදරව්ව අපි අගය කරනවා. නමුත් ක්‍රීඩකයින් ගැන කරපු චෝදනාව නම් අපි විශ්වාස කරන්නේ නැහැ. මොකද ඔවුන් කිසියම් තරගයකට යනවා නම් ඊට පෙර පරීක්ෂණවලට බදුන් වෙනවා. නමුත් ඇමැතිවරු ගැන කරපු චෝදනාව නම් නිවැරදි වෙන්න පුලුවන්. පහුගිය කාලයේ රට වෙනුවෙන් ගත්තු යම්යම් තිරන මේ අය ගත්තේ කුඩු ගහලද කියලා අපිටත් වෙලාවකට හිතෙනවා. රටේ ජාතික සම්පත් විකුණපු විදිය, රටේ ආර්ථික විනාශය දැක්කාම එහෙම හිතෙන එක සාධාරණයි. මත්ද්‍රව්‍ය සම්බන්ධයෙන් ජනාධිපතිවරයා දැඩි පියවර ගනිමින් සිටිනවා. එතුමාට ආරම්භය ගන්න සුභ තැනක් දැන් හෙළිවෙලා තියෙන්නේ. කවුද කුඩුගහන ඇමැතිවරු කියලා හොයා ගෙන නෙරපා හරින අතරේ උපරිම දඩුවම් දෙන්න අවශ්‍යයි. බැදුම්කර සිද්ධිය සම්බන්ධයෙන් මන්ත්‍රීවරුන්ට චෝදනා එල්ල වුනත් මෙතෙක් කිසිවක් වුනේ නැහැ. අඩුම ගණනේ දැන් කුඩු ගහන අය සම්බන්ධයෙන් හරි පියවරක් ගන්න අවශයයි.
අපි දැක්කි පොලිසිය ඩුබායි සිංගප්පුරු ගියා මහින්ද රාජපක්ෂ මහතාගේ සල්ලි හොයන්න ගියා. මේ විදියට මදූෂ්ව හොයන්න, අර්ජුන මහේන්ද්‍රන්ව හොයන්න කී පාරක් රට ගියාද කියලා අපි පොලීසියෙන් අහනවා. පොලීසියේ සම්බන්ධකම් නිසයි මොවුන් ගැලවෙන්නේ කියන එක ජනතාව විශ්වාස කරනවා. නාමල් කුමාර ජනාධිපතිවරයා ඝාතනය ගැනත්, හිටපු ආරක්ෂක ලේකම් ඝාතනය ගැනත් හෙළිදරව් කරද්දි ඇමැතිවරයායි පොලිසියයි මේක විහිලුවකට ගත්තා. අද වෙද්දි මදූස්, පාතාලය, පොලිසිය අතර සම්බන්ධකම් හෙළිදරව් වෙමින් තිබෙනවා. මේ පිටුපස හිටපු දේශපාලන නායකයෝ කවුද කියලා දැන ගන්නත් අපි කැමැතියි. කඩිනමින් පරික්ෂන කරලා මේ පිටුපස හිටපු දේශපාලන නායකයෝ හෙළි කරන්න කියලා අපි ජනාධිපතිතුමාගෙන් ඉල්ලා සිටිනවා.
අද මැතිවරණ කොමසාරිස්, ජනාධිපති, විපක්ෂ නායක හාමෝම මැතිවරණයක් ඉල්ලනවා. ආන්ඩුව මැතිවරණයක් දෙන්න සූදානම්. අපි අද කෑගල්ලෙන් පටන් අරන් මුලු රට පුරාම විරෝධතාවයක් පවත්වන්න තීරණය කරලා තියෙන්නේ මැතවරනය දිනාගන්න තෙක්ම. උතුරේ තරුණයෙක් මාධ්‍යයට ආවා. ඉල්ලන්නේ අධයාපනය සංවර්ධනය. දේශපාලන විසදුමක් කියන දේ යට සැගවිලා උතුර සංවර්ධනය කරන්නේ නැහැ. උතුරට රැකියා දෙන්නේ නැහැ. මහින්ද රාජපක්ෂ සමයේ නිතිය ස්වාධින නැහැ. පොලිසිය ස්වාධීන නැහැ කිව්වා. ඒ කට පිලිතුරු දින 51දි ලැබුනා. ඒ කාලයේ මහින්ද මහත්තයාට එරෙහි නඩු වේගයෙන් විභාග වෙනවා. නමුත් රනිල් වික්‍රමසිංහ මහත්තයාගේ මන්ත්‍රීධූරය සම්බන්ධ නඩුව විභාග වෙන්නේ නැතිව කල් යනවා. එක වසරක කාලයයි ,ධූර කාලයෙන් ඉතිරි වෙලා තියෙන්නේ. නඩුව කල් ගියොත් නඩුවෙන් ධූරය නැති වෙන්න කලින් ධූරකාලය අවසන් වෙනවා. මේ කාලයේ නිතිය පොලිසිය ස්වාධීනද.
• පළාත් සභා ඇතිකලේ තමන් කියලා උදම් අනපු එජාපයම අද පළාත් සභා කල්දාලා.
• ප්‍රජාතන්තුවායේ මුලික ලක්ෂණය ආරක්ෂා කරන්න එකතු වෙන්න කියලා ප්‍රජාතන්ත්‍රවාදය ගැන හඩ නගපු අයගෙන් ඉල්ලා සිටිනවා.
පළාත් සභා මන්ත්‍රී ඉසුරු දොඩංගොඩ
පාර්ලිමේන්තු මැතිවරණය දුන්න වෙලාවේ අපේ කාලය ඉතිරි නිසා මැතිවරණයකට යාම අනවශ්‍ය බව කිව්වා. පළාත් සභා හයක කාලය අවසන් වෙලා. තවත් පළාත් සභා දෙකක කාලය ඉකුත් විමට නියමිතයි. පළාත් සභා මහජන නියෝජිතයින් රහිත ආයතන විම නිසා පළාත් සභා ක්‍රමය අඩපන වෙලා. පළාත් සභා ආරම්භ කලේ තමන් කියලා එජාපය උදව් ඇනුවත් අද පළාත් සභා කල් දමලා තියෙන්නේ. පළාත් සභා මැතිවරණය ඉක්මනින් පවත්වන්න කරන්න තියෙන්නේ පොඩි සංශෝධනයක්.
සුලු ජනතාවගේ ඡන්ද තමන්ට වාසිදායක විදියට හැසිරෙයි කියලා හිතලා ජනාධිපතිවරණයක් දක්වා මැතිවරණ කල් දාන්නයි ආන්ඩුව උත්සාහ කරන්නේ. ඒ හිතලුව වැරදි බව ජනාධිපතිවරණය තිබ්බ දවසට තේරුම් ගනියි. ප්‍රජාතන්ත්‍රවාදයේ මූලික ලක්ෂණය ආරක්සා කරන්න එකතු වෙන්න කියලා ප්‍රජාතන්ත්‍රවාදය වෙනුවෙන් හඩ නගන අයගෙන් අපි ඉල්ලා සිටිනවා. මේ පළාත් වල ජනතාවගේ අයිතිය ලබා දෙන්න.

පාර්ලිමේන්තු මන්ත්‍රී පියල් නිශාන්ත
තරුණයින් තිරණාත්මක අවධානම් සහගත තත්ත්වයකට මුහුණ දීලා ඉන්නේ. රනිල් වික්‍රමසිංහ ආන්ඩුවෙන් තරුණයින්ට බලාපොරොත්තු දුන්නා. දිගින් දිගටම එතුමාගේ වැඩසටහන් දියත් කරන්නේ තරුණයින් මුල් කරගෙන කියලයි එතුමා කියන්නේ. රනිල්වික්‍රමසිංහ මහතාගේ දින 100වැඩ පිලිවෙලේදි තරුණයින් වෙනුවෙන් කරන්න හිටපුවා, 2020 වැඩ සටහන, මෙගා පොලිස් වැඩපිළිවෙල අපිට මතක් වෙනවා.දැන් 2025 ක් ගැන කියනවා. අද වෙන කොට සමාජයට නොගැලපෙන තරුණයාගේ කීර්තා නාමය කඩා වැටෙන වැඩපිළිවෙලක් තමයි දියත් වෙන්නේ. උසස් පෙලට ලක්ෂ දෙකහමාරක් පමණ පෙනී හිටියා. විශ්ව විද්‍යාලයේ යන්නේ 25000ක් වගේ ප්‍රමාණයක්. ඉතිරි අයට අද වෙනතුරු වැඩපිළිවෙලක් දියත් වෙන්නේ නැහැ.
රංජන් රාමනායක මන්ත්‍රීවරයා කියනවා කොකේන් ගහන ඇමැතිවරුලු ඉන්නේ. එවැනි අය ඇමැතිවරු නම් අපේ තරුණයින්ට දෙවියන්ගේ පිහිටයි. මේ ඇමැතිවරු පස්දෙනා රටට හදුනා දීලා දේශපාලන භූමිකාවෙන් ඉවත් කරන්න අවශ්‍යයි. ‌මේ දිනවල මදූෂ් ගැන කියමින් තරුණ ප්‍රශ්න යට ගහනවා. විරැකියාව තරුණයින්ට තියෙන ලොකුම ප්‍රශ්නය. රැකියා දස ලක්ෂයක් දෙනවා කියලා රැකියා දස ලක්ෂයක් විතර නැති කරලා. වෙනස වෙනස් කරන්න බහුතරය නැහැ කියලා ජවිපේ කඩිමුඩියේ විශ්වාස භංගයක් ගෙනාවා. දැන් පාඨලී චම්පික කියනවා අපිට ඉන්නේ 103ක් කියනවා. ජවිපේ අද නිෂ්ෂබ්දයි. විශ්වාසභංග ගේන්නේත් නැහැ. කතානායකවරයා බහුතරය ගැන ප්‍රශ්න කරන්නෙත් නැහැ. බහුතරය ගැන හොයපු රාජ්‍ය නොවන සංවිධානත් නැහැ. වෙනත් රටවල තානාපතිවරැ බහුතරය හොයන්න එන්නෙත් නැහැ. මුලු රටම රවටපු ආන්ඩුවක් විදියටයි අපි දකින්නේ. ආන්ඩුව වෙනස් කරන්න ආදරණීය තරුණයිනි දැන් ඉදිරියට එන්න.මේ රටේදැවැන්ත වෙනසක් ඇති කිරීමට හැකි පිරිසක් විදියට ආන්ඩුව පලවා හැරලා තරුණ බලාපොරොත්තු ඉටු කරන්න දායකත්වය ලබා දෙන්න කියලා අපි ඉල්ලා සිටිනවා.

පළාත් සභා මැතිවරණය ලබාගන්න පොහොට්ටුව සියලූ ක‍්‍රියාමාර්ග ගන්නවා- ජී. එල්. පීරිස්
පළාත් සභා මැතිවරණය ලබාගැනීම සඳහා ශී‍්‍ර ලංකා පොදු ජන පෙරමුණ මගින් පාර්ලිමේන්තුව තුළත් ඉන් පිටතත් දේශපාලන හා නීතිමය වශයෙන් ගත හැකි සියලූ කි‍්‍රයාමාර්ග ගන්නා බව එහි සභාපති මහාචාර්ය ජී. එල්. පීරිස් මහතා පැවැසීය.

මේ වනවිට පළාත් සභා තුනක් අකර්මණ්‍ය වී වසර එකහමාරකට ආසන්න කාලයක් ගත වී ඇති අතර ලබන අපේ‍්‍රල් මාසය වෙද්දී පළාත් සභා නවයෙන් අටක ම කාලය අහෝසි වන බව හෙතෙම වැඩිදුරටත් සඳහන් කළේය.

මෙලෙස ආණ්ඩුව දිගින් දිගටම පළාත් සභා මැතිවරණය කල්දැමීමට එරෙහිව උතුරු මැද පළාත් සභාවේ හා සබරගමුව පළාත් සභාවේ හිටපු මහ ඇමැතිවරුන් වන එස්. එම්. රංජිත් හා මහීපාල හේරත් යන මහත්වරුන් ශ්‍රේෂ්ඨාධිකරණය හමුවට යෑමට තීරණය කර ඇති බවත්, ඒ සඳහා මේ සතියේ තම නීතිඥවරුන් සමග නඩුව ගොනු කිරීමට අවශ්‍ය කටයුතු කරන බවත් මහාචාර්ය ජී.එල්. පීරිස් මහතා වැඩිදුරටත් පැවැසීය.

දෙමළ සංවිධානයේ උතුරේ ගිලිහී ගොස් තිබෙන ඡුන්ද පදනම සකස් කරගන්නා තෙක් පළාත් සභා මැතිවරණය පැවැත්වීමට එකඟ නොවන බව පැවැසූ මහාචාර්ය ජී. එල්. පීරිස් මහතා ආණ්ඩුව දෙමළ සන්ධානයට යට නොවී පැරණි ක‍්‍රමයට පළාත් සභා මැතිවරණය පැවැත්වීමට අවශ්‍ය සංශෝධන පාර්ලිමේන්තුවට ඉදිරිපත් කිරීමට කටයුතු කළ යුතු බවත් කීය.

අනුර බාලසූරිය