නිල කාර්යාල හෝ පහසුකම් ඇතත් නැතත් අපි ජනතාව වෙනුවෙන් විපක්ෂයේ කාර්යභාරය ඉටු කරනවා. – විපක්ෂ නායක මහින්ද රාජපක්ෂ
විපක්ෂ නායකධූරයට හිමි නිල කාර්යාල හෝ පහසුකම් කිසිවක් මෙතෙක් නොලැබුණත් ආණ්ඩුව ගෙන යන අන්තෂිත හා මර්දනකාරී කි‍්‍රයාපිළිවෙත පරාජය කිරීම සදහා ජනතාව වෙනුවෙන් ඉටු කළ යුතු කාර්යභාරය නොපැකිළිව ඉටු කිරිමට තමා කැපවන බව විපක්ෂ නායක මහින්ද රාජපක්ෂ මහතා අවධාරණය කළේය.
විපක්ෂ නායක මහින්ද රාජපක්ෂ මහතා මේ බව සදහන් කලේ අද (04) බත්තරමුල්ල නෙලූම් මාවතේ පිහිටි සිය කාර්යාලයේ නව වසරේ වැඩ කටයුතු ආරම්භ කරමිණි.
මෙම වර්ෂය මැතිවරණ වර්ෂයක් බැවින් ඒ සදහා මුහුණදීමට තම කදවුර ශක්තිමත් කර ගැනීම අත්‍යවශ්‍යව පවතින අතර විශේෂයෙන්ම පසුගිය දින පනහේ ආණ්ඩුව තුළින් රටට දිනාදුන් ජයග‍්‍රහණ පිළිබදව ජනතාව දැනුම්වත් කිරිම මේ මොහොතේ ප‍්‍රමුඛ කාර්යයක් බවත් විපක්ෂ නායකවරයා මෙහිදී පෙන්වා දුන්නේය.
මෙහිදී වැඩිදුරටත් අදහස් දැක්වූ මහින්ද රාජපක්ෂ මහතා “අපි ආණ්ඩුව භාරගැනීම හොදයි කියන කට්ට්යත්, හොද නැහැ කියන කට්ටියත් ඉන්නවා. අපි අවුරුදු එකහමාරක් හිටියා නම් රටේ මොනවාද ඉතිරි වෙන්නේ. ගුවන් තොටුපල වරාය බංකු වගේ රටේ සම්පත් විකුණුවා. ඒ වගේම තවත් දේවල් විකුණන්න සූදානම් කරලා තිබුනේ. ෆෙඩරල් ව්‍යවස්ථාවක් ගේන්න සූදානමක් තිබුණා. ශී‍්‍රලනීපයත් ඒ අය එක්ක හවුලක හිටිය නිසා තුනෙන් දෙකක බලයක් ආණ්ඩුවට තිබුණා. දැන් ශී‍්‍රලනීපය ආණ්ඩුවෙන් එළියට ඇවිත් තියෙන එක අපි හැමෝගෙම ජයග‍්‍රහණයක්.
අද රනිල් වික‍්‍රමසිංහ බොරු කියනවා. අපි බිලයන 8ක් වියදම් කරලාලූ. එහෙම වියදම් කරන්න තියා බිලියනයක්වත් මුදල් තිබුනේ නැහැ. ජනතාවට බොරු කියලා තමන්ගේ මල්ල තර කර ගන්න හදන්න එපා කියලා අපි ආන්ඩුවට කියනවා” යැයිද පැවසිය.
මාධ්‍ය ආයතනවල පළිගැනීම් අරඹා ඇති ආණ්ඩුව මේ වන විට තෝරා ගත් ආයතනවලට පමණක් දැන්වීම් දිම අරඹා ඇතැයි ද මෙහිදි පෙන්වා දුන් විපක්ෂනායකවරයා අද ආණ්ඩුවට අවශ්‍යව ඇත්තේ තමන්ට හීලෑ මාධ්‍ය කර්මාන්තයක් බවද කිය.
මේ අවස්ථාවට මහා සංඝරත්නය, දේශපාලන නායකයින් හා වෘත්තිකයින් පිරිසක්ද එක්ව සිටි අතර කායවර්ධන ශූර ලූෂන් පුෂ්පරාජ් මහතා ද මෙහිදී විපක්ෂ නායකවරයා සමග සුහද සාකච්ජාවක නිරත විය.